Qazaqstan Respýblıkasy Bilim jáne ǵylym mınıstrliginiń buıryǵy  №42

  2016 jylǵy 18 qańtar, Astana qalasy Qolaısyz aýa raıy meteojaǵdaılarynda orta bilim berý uıymdarynda, sondaı-aq tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdarynda sabaqtardy toqtatý qaǵıdalaryn bekitý týraly «Bilim týraly» Qazaqstan Respýblıkasy Zańynyń 5-babynyń 14-2) tarmaqshasyna sáıkes buıyramyn: 1. Qosa berilip otyrǵan Qolaısyz aýa raıy meteojaǵdaılarynda orta bilim berý uıymdarynda, sondaı-aq tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdarynda sabaqtardy toqtatý qaǵıdalary bekitilsin. 2. Mektepke deıingi jáne orta bilim, aqparattyq tehnologııalar departamenti (J.A. Jontaeva) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Bilim jáne ǵylym vıse-mınıstri E.N. Imanǵalıevke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri A. SÁRINJIPOV Qazaqstan Respýblıkasy Bilim jáne ǵylym mınıstriniń 2016 jylǵy 18 qańtardaǵy №42 buıryǵymen bekitilgen Qolaısyz aýa raıy meteojaǵdaılarynda orta bilim berý uıymdarynda, sondaı-aq tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdarynda sabaqtardy toqtatý qaǵıdalary 1. Jalpy erejeler 1. Qolaısyz aýa raıy meteojaǵdaılarynda orta bilim berý uıymdarynda, sondaı-aq tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdarynda sabaqtardy toqtatý qaǵıdalary (budan ári – Qaǵıda) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 14-2) tarmaqshasyna sáıkes ázirlengen. 2. Osy Qaǵıda qolaısyz aýa raıynyń meteojaǵdaılarynda sabaqty toqtatý kezinde bilim alýshylardyń ómiri men densaýlyǵyn qorǵaýǵa, sondaı-aq orta bilim berý uıymdarynyń, tehnıkalyq jáne kásiptik bilimniń bilim berý baǵdar­lamalaryn iske asyratyn bilim berý uıymdarynyń (budan ári – bilim berý uıymdary) qyzmetin retteýge baǵyttalǵan. 3. Oblystardyń, Astana jáne Almaty qalalarynyń bilim basqarmalary, aýdandyq (qalalyq) bilim bólimderi jyl saıyn: 1) óńirdiń geografııalyq, klımattyq jaǵdaılaryna sáıkes, sondaı-aq aýmaqtyq múddeli memlekettik organdardyń kelisimimen bilim alýshylardyń jas erekshelikterin eskere otyryp, bilim berý uıymdarynda sabaqty toqtatý kezinde qolaısyz aýa raıy meteojaǵdaılarynyń usynylatyn kórsetkishterin; 2) ata-analar men bilim alýshylarǵa ýaqytynda habarlaýǵa jaýapty tulǵalardy, nysandar men ádisterdi kórsetip, jergilikti erekshelikterdi eskere otyryp, qolaısyz aýa raıynyń meteojaǵdaılaryna baılanysty sabaqtyń bolmaıtyndyǵy týraly ata-analar men bilim alýshylardy ýaqytynda habardar etý júıesin bekitedi. Qolaısyz aýa raıy meteojaǵdaılarynda sabaqtyń toqtatylatyndyǵy týraly aqparatty bilim berýdi basqarý organdary halyqqa: 1) televıdenıedegi júgirpe jol túrinde; 2) radıodan taratý; 3) ákimdiktiń, bilim basqarmalary men bólimderiniń saıttary arqyly; 4) 169 telefony (aqyly anyqtama) boıynsha habarlaıdy. Sabaqtyń toqtatylatyny týraly habarlaý: saǵat 6.45–8.00-ge deıin – birinshi aýysym úshin, saǵat 11.15–13.00-ge deıin – ekinshi jáne úshinshi aýysym úshin. 4. Memlekettik bilim berýdi basqarý organdary kún saıyn qolaısyz aýa raıynyń meteojaǵdaılary kezinde vedomstvolyq baǵynysty bilim berý uıymdaryndaǵy sabaqtyń toqtatylýyna monıtorıng júrgizedi. 5. Bilim berý uıymdarynda sabaqtar sabaqtyń toqtatylýyn jarııalaý úshin qolaısyz aýa raıy meteojaǵdaılarynyń bekitilgen usynylǵan kórsetkishteri negizinde júrgiziledi jáne bilim berý uıymy basshysynyń ne ony almastyratyn tulǵanyń buıryǵymen resimdeledi jáne tıisti memlekettik bilim berýdi basqarý organynyń nazaryna birinshi aýysym úshin saǵat 6.00-den 7.00-ge deıin, ekinshi jáne úshinshi aýysymdar úshin saǵat 10.30-dan 12-ge deıin jetkiziledi. Oqý sabaqtaryn toqtatý týraly buıryqta: 1) sabaq toqtatylǵan synyptar, toptar; 2) bilim berý uıymynyń jumys isteý rejımi; 3) oqý-tárbıe prosesine qatysýshylardyń barlyǵynyń atalǵan buıryqpen tanysýyna baqylaýdy júzege asyratyn bilim berý uıymy ákimshiliginiń tarapynan jaýapty tulǵalar; 4) bilim alýshylardy qabyldaýdy jáne úılerine qaýipsiz jiberýdi júzege asyratyn pedagogter tarapynan jaýapty tulǵalar kórsetiledi. Sabaqty toqtatý týraly buıryq bekitilgennen keıin tez arada bilim berý uıymynyń resmı saıtynda jáne aqparattyq stendinde ornalastyrylýy tıis. Internattyq bilim berý uıymdarynda qolaısyz aýa raıy meteojaǵdaılarynda sabaqty toqtatý bilim alýshylardyń turǵylyqty jaǵdaıy eskerile otyryp júrgiziledi. 2. Sabaq toqtatylǵan kúnderi bilim berý prosesin uıymdastyrý 6. Sabaq toqtatylǵan kúnderi bilim berý uıymynyń qyzmeti bekitilgen jumys rejımine, pedagogıkalyq qyzmetkerlerdiń qyzmeti belgilengen oqý júktemesine, sabaq kestesine, basqa qyzmetkerlerdiń qyzmeti jumys ýaqytynyń rejımine, aýysym kestesine sáıkes júzege asyrylady. 7. Eger qolaısyz aýa raıy meteojaǵdaılarynda sabaq qatarynan 5 kúnnen astam ýaqyt bolmaǵan jaǵdaıda, oqý pánderiniń mazmunyn biriktirý, rezervtegi saǵattar men qaıtalaýǵa ketken saǵattar esebinen quryltaıshynyń kelisimi boıynsha bilim berý uıymynyń jyldyq kúntizbelik-taqyryptyq josparyna túzetý engizý qajet. 8. Jiberilgen oqý ýaqytyn kanıkýl nemese oqý júktemesin shamadan tys arttyrý esebinen óteýge jol berilmeıdi. 9. Sabaq toqtatylǵan kúnderi sabaqqa kelgen bilim alýshylar úshin sabaqtyń barlyq túrleri (oqý, qosymsha, úıirmelik, uzartylǵan kún toptarynyń jumysy), ystyq tamaqpen qamtamasyz etý birinshi basshy bekitken jáne quryltaıshy kelisken sabaq kestesine sáıkes tolyq kólemde júrgiziledi. 10. Sabaq kestesine sáıkes barlyq jýrnaldarǵa kún kórsetiledi, «Sabaqtyń taqyryby» baǵanyna «aktilengen kún» dep jazylady. 11. Bilim alýshynyń sabaq toqtatylǵan kúni oryndaǵan jumysy úshin alǵan baǵasy túzetilgen kúntizbelik-taqyryptyq josparǵa sáıkes jýrnaldyń sabaq bolǵan kelesi kúnder baǵanyna qoıylady. 12. Pedagogter sabaq toqtatylǵan kúnderi bilim alýshylardyń, onyń ishinde sabaqqa kelgemegen bilim alýshylardyń bilim berý baǵdarlamalaryn tolyq kólemde ótýi maqsatynda ózindik jumystyń túrli nysanyn, onyń ishinde qashyqtyqtan oqytý nysanyn qoldanady. Qoldanylatyn jumys nysandary, ózindik jumys túrleri týraly aqparatty pedagogter, synyp jetekshileri bilim alýshylarǵa, olardyń ata-analaryna (zańdy ókilderine) málimdeıdi. 3. Sabaq toqtatylǵan kúnderi mektepterdegi pedagogıkalyq qyzmetkerlerdiń fýnksııasy 13. Synyp jetekshisi, kýrator: 1) sabaqtyń toqtatylǵandyǵy týraly aqparatty bilim alýshylar men ata-analardyń (zańdy ókilderdiń) nazaryna jetkizedi; 2) sabaq toqtatylǵan kúnderi sabaqqa kelgen bilim alýshylardyń esebin qatań júrgizedi, bilim berý uıymynyń basshysyna bilim alýshylardyń sany týraly baıandaıdy, sabaq toqtatylǵan kúnderi bilim berý uıymynyń pedagogıkalyq jáne basqa qyzmetkerleriniń bilim alýshylardy úıge qaıtarýyna jol bermeýin baqylaýdy júzege asyrady; 3) sabaq aıaqtalǵan soń ata-analarynyń (zańdy ókilderiniń) shyǵaryp salýymen bilim alýshylardyń úıge uıymdasqan túrde qaıtýyn qamtamasyz etedi; 4) oqýshylardyń kúndelikterinde, saıtta sabaq toqtatylatyn kúnderdi belgileý úshin aýa raıy jaǵdaıyn anyqtaý kestesi, sabaqty toqtatý kúnderin habarlaý ýaqyty jáne habarlandyrý beretin buqaralyq aqparat quraldary telefondarynyń nómirleri týraly málimetti ornalastyrady; 5) ata-analardy (zańdy ókilderdi) olardyń balalarynyń sabaq toqtatylǵan kúnderdegi, onyń ishinde bilim alýshylardyń qashyqtyqtan oqytý nysandaryn qoldaný jáne ózindik jumys jaǵdaıyndaǵy oqý áreketiniń qorytyndysy týraly habardar etedi. 14. Pedagogterdiń qyzmeti: 1) sabaq toqtatylǵan kúnderi pedagogterdiń jumys ýaqytynyń uzaqtyǵy oqý júktemesimen anyqtalady; 2) pedagogter oqý baǵdarlamasyna sáıkes kúntizbelik-taqyryptyq josparlarǵa der kezinde túzetý engizýdi júzege asyrady; 3) bilim alýshylar sabaqta bolmaǵan jaǵdaıda pedagog dırektordyń oqý isi jónindegi orynbasarymen júrgiziletin jumys túrlerin kelisedi. 4. Sabaq toqtatylǵan kúnderdegi bilim alýshylardyń qyzmeti 15. Bilim alýshy sabaq toqtatylǵan kúnderi sabaqta bolmaǵan jaǵdaıda, tapsyrmany ózdiginen, onyń ishinde bilim berý uıymy ornatqan qashyqtyqtan oqytý rejıminde oryndaıdy. 16. Sabaq toqtatylǵan kúnderi oryndaǵan tapsyrmany pedagogterdiń talaptaryna sáıkes usynady. 5. Sabaq toqtatylǵan kúnderi bilim alýshylardyń ata-analarynyń (zańdy ókilderiniń) qyzmeti 17. Bilim alýshylardyń ata-analary (zańdy ókilderi): 1) sabaq toqtatylǵan kúnderi balalarynyń bilim berý uıymyna barmaýy týraly sheshimdi ózdiginen qabyldaıdy; 2) bilim berý uıymynyń sabaq toqtatylǵan kúnderdegi jumys kestesimen tanysady. 18. Bilim alýshylardyń ata-analary (zańdy ókilderi): 1) sabaq toqtatylǵan kúnderi balalarynyń úı tapsyrmasyn oryndaýyn baqylaýdy júzege asyrady; 2) sabaq toqtatylǵan kúnderi balasynyń bilim berý uıymyna barýy týraly sheshim qabyldaǵan jaǵdaıda, bilim berý uıymyna barýy men qaıtýy jolyndaǵy qaýipsizdigin qamtamasyz etedi. Buıryq Qazaqstan Respýblıkasynyń Ádilet mınıstrliginde 2016 jylǵy 15 aqpanda Normatıvtik quqyqtyq kesimderdi memlekettik tirkeýdiń tizilimine №13076 bolyp engizildi.