Bıyl Almatynyń qysy qandaı bolady?

«Qazgıdromet» RMK Almaty fılıalynyń meteorologııalyq bólimi jetekshisi Svetlana Amanqulova megapolıstiń qys mezgilindegi aýa raıyna boljam jasady, dep habarlaıdy Egemen-aqparat QazAqparatqa silteme jasap. Onyń aıtýynsha, negizgi yzǵar qarasha aıynyń úshinshi onkúndiginde bastalmaq. Jalpy qarasha aıynda Almatynyń aýa raıy qalypty deńgeıde bolady. Almaty úshin qalypty jaǵdaı +3 gradýs. «Qarasha aıynyń úshinshi onkúndigindegi aýa temperatýrasy 1-den  6 gradýsqa deıin tún ýaqytynda sýytady. Al aı sońynda -5-10 gradýsqa deıin tómendeıdi. Al, kúndiz 6-11 gradýs jylylyqtan -2-3 gradýsqa deıin sýytady. Qarasha aıynda kún bulttanyp, -57 mm-ge deıin ylǵal túsedi. Bul qalyptan joǵary. Qarasha kúzdiń sońǵy aıy bolyp, qys bastalatyndyqtan ylǵal jańbyr bolyp, arty qarǵa ulasýy yqtımal», - dedi S.Amanqulova. «Qazgıdromettiń» boljamy boıynsha Almaty oblysynda jeltoqsan aıynda aýa temperatýrasy qalypty deńgeıde, tek aımaqtyń soltústiginde qalyptan joǵary bolady. Jeltoqsan aıy úshin qalypty jaǵdaı  3-ten -13 gradýs salqyndyq. Jańbyr, qarly jańbyr qalypty jaǵdaıdan molyraq túsedi. Qardyń kólemi 11-58 mm-kóleminde bolady. 2017 jyldyń alǵashqy aıynda elimizdiń birqatar aımaǵynda kún salqyn bolady. Biraq, Almaty oblysy, Shyǵys Qazaqstan oblysy, Ońtústik Qazaqstan oblysy, Jambyl oblysynda aýa temperatýrasy qalypty jaǵdaıda, ıaǵnı -5-16 gradýs deńgeıinde bolady. Almaty oblysynda qar mol túsip, 8-48 mm deńgeıinde bolýy yqtımal. S. Amanqulovanyń aıtýynsha, Almaty oblysynda aqpan aıy yzǵarly, sýyq bolmaq. «Eger qorytyndylaıtyn bolsaq, jeltoqsan, qańtar aılary qalypty jaǵdaıda, al aqpan aıy sýyq bolmaq. Jalpy qys aıazdy bolmaıdy. Menińshe, aqpan aıynda sibir antısıklonynyń yqpaly júrse -20 gradýsqa deıin aıaz túsýi múmkin. Degenmen, naqty temperatýra kórsetkishi týraly dál aıtýǵa áli erte», - dedi S.Amaqulova. Eske sala keteıik, Almatyda 13-nen 14 qazanǵa qaraǵan túnde kún kúrt sýytty. Keshke bastalǵan jańbyrǵa tańǵa jýyq qar aralasyp, alǵashqy qar tústi. Aýa temperatýrasy 0 gradýsty kórsetti.