1998
* 1 qańtarda Prezıdenttiń Qazaqstan halqyna Jańa jyldyq quttyqtaýy «Egemen Qazaqstan» gazetinde jaryq kórdi. «Biz keleshekke aldymyzda ǵumyr keshken qazaqstandyqtardyń san býynynyń rýhyna táý etip, ótkenimizdi sanamyzda qasterlep saqtaý arqyly bettep kelemiz», dedi Elbasy óz quttyqtaýynda.
*16 qańtarda «Jadymyzda jattalsyn, tatýlyq dáıim saqtalsyn» taqyrybymen Prezıdent Nursultan Nazarbaevtyń «Qoǵamdyq tatýlyq pen saıası qýǵyn-súrgin qurbandaryn eske alý jyly» týraly oı-tolǵanystary respýblıkalyq baspasózde jarııalandy.
* 21 qańtarda Máskeýde «Tórteýdiń shartyna» (Qazaqstan, Qyrǵyzstan, Belarýs jáne Reseı) qatysýshy elderdiń kóshbasshylarynyń kezdesýi boldy. Basqosýda birtutas keden keńistigin qurý týraly Qazaqstan basshysynyń bastamasy qoldaý tapty.
* 30 qańtarda Shveısarııanyń Davos qalasyndaǵy dúnıejúzilik ekonomıkalyq forýmda Qazaqstan Prezıdenti Nursultan Nazarbaev baıandama jasady. Forým aıasynda Elbasy Shveısarııa Konfederasııasynyń Prezıdenti Flavıo Kottımen, Brazılııa Prezıdenti F.Enrıke Kardozýmen jáne Bolgarııa Prezıdenti Petr Stoıanovpen kezdesýler ótkizdi. Bul kezdesýlerde birqatar ózekti máseleler talqylandy.
* 13 aqpanda Memleket basshysy Almatyda Qazaqstanǵa memlekettik saparmen kelgen Ispanııa Koroli Hýan Karlos I-men kezdesti. N.Á.Nazarbaev Ispanııa Korolin Qazaqstandaǵy reformalardyń barysymen jáne elimiz damýynyń bolashaǵymen tanystyrdy. Sondaı-aq, áńgimelesý kezinde taraptar eleýli múmkindikteri bar Qazaqstan-Ispanııa qatynastaryna erekshe kóńil bóldi.
* 12 naýryzda Elbasy Qazaqstanǵa resmı saparmen kelgen Mońǵolııanyń Prezıdenti N.Bagabandımen kezdesti. Prezıdentter Qazaqstan men Mońǵolııanyń dostyq qatynastary men yntymaqtastyqty odan ári damytý týraly Birlesken deklarasııaǵa qol qoıdy.
* 26 naýryzda Tashkentte Qazaqstan, Qyrǵyzstan jáne О́zbekstan Respýblıkalarynyń Memleketaralyq keńesiniń májilisi bolyp ótti. Memleketter basshylary aımaqtyq ıntegrasııany odan ári tereńdetý týraly málimdemesine qol qoıyldy. Osy kúni Nursultan Nazarbaev Tashkentte ótken Ortalyq Azııa memleketteri basshylarynyń sammıtine qatysty. Onda Ortalyq Azııa ekonomıkasyna arnalǵan arnaıy baǵdarlama týraly Tashkent deklarasııasy (SPEKA) bekitildi.
* 9-10 sáýir kúnderi Prezıdent Reseıge jumys saparymen bardy. Reseı Prezıdenti B.Elsınmen kezdesý barysynda Elbasy Qazaqstan-Reseı qarym-qatynastary jáne Kaspıı teńiziniń quqyqtyq mártebesi máselelerin talqylady.
*15 sáýirde Belgııa Koroldiginiń Premer-mınıstri Jan-Lıýk Dean Qazaqstanǵa resmı saparmen keldi. Qazaqstan men Belgııa úkimetteri arasynda birqatar qujattarǵa qol qoıyldy.
* 28-29 sáýir kúnderi Prezıdent N.Á.Nazarbaev «4+N» sammıtine jáne TMD Memleket basshylary keńesiniń otyrysyna qatysty. N.Á.Nazarbaevtyń «Qarapaıym adamdarǵa qaraı qarapaıym on qadam» baǵdarlamasy talqylanyp, qabyldandy.
* 6 mamyrda Prezıdent Nursultan Nazarbaev «Qazaqstan Respýblıkasynyń astanasy – Aqmola qalasyn Qazaqstan Respýblıkasynyń astanasy – Astana qalasy dep qaıta ataý týraly» Jarlyqqa qol qoıdy.
* 23 mamyrda Prezıdent Nursultan Nazarbaevtyń Katar memleketine jáne Birikken Arab Ámirlikterine resmı sapary bastaldy. Eki el basshylarymen ekonomıkalyq jáne saıası qarym-qatynastardy odan ári tereńdetý máseleleri jóninde pikir almasty. Katar ámiri Sheıh Hamat Qazaqstannyń jańa elordasy Astana qalasyn salýǵa qatysýǵa óz eliniń ázirligin bildirdi. Elbasynyń Birikken Arab Ámirlikterine sapary barysynda eki el basshylary Qazaqstandy Parsy shyǵanaǵymen jalǵastyryp jatqan Transazııa temir jolynyń múmkindigin molyraq paıdalaný joldaryn talqylady.
*2 maýsymda Astanada Qazaq ulttyq mýzyka akademııasynyń tusaýkeseri bolyp ótti. Atalǵan rásimge Prezıdent Nursultan Nazarbaev arnaıy qatysty.
* 8 maýsymda Astanada qazaqtyń úsh uly danagóıi – Tóle bı, Qazybek bı, Áıteke bıge ornatylǵan eskertkish-monýment ashyldy.
* 10 maýsymda Qazaq eliniń jańa ordasy – Astana qalasynyń halyqaralyq tusaýkeseri ótkizildi. Saltanatqa Memleket basshylary men úkimet jetekshileri, birqatar halyqaralyq uıymdardyń ókilderi qatysty. Elbasy Nursultan Nazarbaev mártebeli minbeden basyn ıip turyp: «Sadaǵań keteıin, aınalaıyn halqym! Seniń múddeń jolynda boıda qýat, oıda nár – bárin aıanbaı sarp etýge peıilmin», dep tebirene sóıledi. Bul týraly «Egemen Qazaqstan» gazetiniń 11 maýsymdaǵy nómirinde «Astanasy jańa eldiń bastamasy da jańa» taqyrybymen kólemdi maqala jaryq kórdi.
* 14 maýsymda Prezıdent Nursultan Nazarbaevtyń Túrik Respýblıkasyna resmı sapary bastaldy. Sapar barysynda Elbasy Túrkııa Prezıdenti S.Demırelmen, Premer-mınıstri M.Ilmazben kezdesýler ótkizdi.
*l 3 shildede Almatyda «Shekara aımaǵyndaǵy áskerı saladaǵy senimdilikti nyǵaıtý týraly» Shanhaı jáne «Shekara aımaǵyndaǵy qarýly kúshterdi azaıtý týraly» Máskeý kelisimderine qatysýshy bes memleket basshylarynyń kezekti basqosýy bolyp ótti. Kezdesýde Qazaqstan Respýblıkasynyń, Qytaı Halyq Respýblıkasynyń, Qyrǵyz Respýblıkasynyń, Reseı Federasııasynyń jáne Tájikstan Respýblıkasynyń Birlesken málimdemesi bekitildi.
* 4 shildede Almatyda Qazaqstan Prezıdenti Nursultan Nazarbaev pen QHR Tóraǵasy Szıan Szemın Qazaqstan-Qytaı shekarasy týraly qosymsha kelisimshartqa qol qoıdy.
