"Sıfrly Qazaqstan" memlekettik baǵdarlamasy ázirlenip jatyr

Elordada Aqparat jáne kommýnıkasııalar mınıstrligi men «Zerde» ulttyq ınfokommýnıkasııalyq holdıngi birlese otyryp, sıfrly ekonomıka dáýirindegi Úkimettiń ózgerýi taqyrybynda dóńgelek ústel ótkizdi. Dóńgelek ústelge birqatar mı­nıs­tr­lik ókilderimen qatar, úki­met­ti sıfrlandyrý jumysy bo­ıyn­sha Ger­­­manııa, Avstralııa, Ún­dis­tan el­­­de­ri­­nen kelgen sarapshy­lar qa­tys­­­ty. Shet­eldik mamandar óz el­de­­rin­­­degi qol­ǵa alynǵan jumys­­tar­dy or­­taǵa sa­lyp, tájirıbe­lerimen bólisti. Osy jıynda aıtylǵandaı, Aq­­pa­­rat jáne kommýnıkasııa­lar mınıstr­ligi tarapynan «Sıfr­ly Qazaqstan» memlekettik baǵdar­lamasy ázirlenýde. Bul baǵ­darla­ma sıfrly ekonomıkalyq júıe ar­qy­ly halyqtyń ómir sapasy já­ne el ekonomıkasynyń báseke­ge qa­­bi­lettiligin arttyrýǵa baǵyttalǵan. Buǵan deıin elektrondy úki­met­tiń portalynda jumys isteýdiń qıyndyǵy sóz bolyp, portal qara­paıym tutynýshylardyń tarapynan synǵa ushyraǵany belgili. «Zerde» hol­dınginiń baǵdarlamalardy bas­qarý departamentiniń dırektory Áli­bek Erǵalıevtiń aıtýynsha, bul másele kóp uzamaı sheshiletin bolady. Osy jıynda avstrııalyq sarap­shy Shırlı Gregor sıfrlyq bas­qarý arqyly qanshalyqty qarjy únemdeýge bolatyny týraly qyzyq­ty derekter keltirip ótti. – Sıfrly úkimet ýaqyt únemdeý, jumys josparyn tıimdi jasaýǵa kómektesedi. Máselen, Avstrııada el astanasynyń bıýdjetin aqylmen jos­parlaý arqyly qalalyq mýnısıpalıtet jyl saıyn 2 mıllıon eýro únemdeıdi. Bostonda kommýnaldyq qyzmetterdiń jumysyn mobıldi qosymsha arqyly qadaǵalaý ha­lyq­tan túsetin ótinish, aryz-shaǵym­dardy 66 paı­yzǵa azaıtqan, – dedi Sh.Gregor. Osy oraıda, Qazaqstanda «Zer­de» holdıngi birqatar mańyzdy ju­­mys­tardy qolǵa alyp jatqanyn aıta ket­ken jón. Sonyń arqasynda elimiz­de memlekettik sektordy sıfr­lyq ózgertý qarqyndy júrgi­zilý­de deýge bolady. Máselen, joǵa­ryda aıtyp ótken «Elektrondy úki­­met» portalyn elimizdegi ekono­mıka­lyq belsendi halyqtyń 50 paıyzy, ıaǵ­nı shamamen 5 mıllıon adam qolda­nady eken. Bıylǵy jyldyń sáýir aıynan beri «Azamattarǵa arnalǵan úkimet» mem­lekettik korporasııasy jumys isteı bastaǵany belgili. Bul korporasııa halyqqa elektrondy túrde 530 túrli qyzmet kórsetip jatyr, aldaǵy ýaqytta qyzmet sany odan ári kóbeıtilmek. Arnur ASQAR, «Egemen Qazaqstan»