Lısakovskide óltirilgen eki balanyń anasyna qatysty jańa derekter shyqty

Lısakovsk qalasynyń 32 jastaǵy turǵyny Nadejda Potapovanyń ólimine qatysty jańa derekter paıda boldy. Ol týraly Lısakovsk qalalyq prokýrorynyń orynbasary Murat Ospanov aıtty, - dep jazady «Alaý». Jergilikti "Aksent" telearnasyna silteme jasaǵan basylymnyń málimetine qaraǵanda, Nadejda Potapovanyń denesi saıajaıdan tabylǵan. Kilemge oralǵan dene jerqoımada jatqan. Deneniń ústine qoqys tastalǵan. "О́liminiń sebebi - tilasty súıektiń synýy, kómeıine zaqym tıgen. Sarapshylardyń málimetinshe, áıeldi tunshyqtyrǵan. Aldyn ala málimet boıynsha, áıel joǵalyp ketken kúni-aq, ıaǵnı 26 qyrkúıekte qaıtys bolǵan. Al kúdikte retinde Lısakovsk qalasynyń 24 jastaǵy turǵyny ustaldy, ol taksı fırmasynda qyzmet etken. Buryn sottalmaǵan", - dedi prokýrordyń orynbasary. Osyǵan deıin eki balanyń anasyn óltirdi delingen kúdiktiniń ustalǵany habarlanǵan bolatyn. "Qostanaı oblystyq IID baspasóz qyzmetindegilerdiń málimetinshe, 24 jastaǵy er adam ustaldy. "Ol qazirgi ýaqytta qalalyq IIB ýaqytta ustaý ızolıatoryna qamaldy. QR Qylmystyq Kodeksiniń 99-baby boıynsha ("Adam óltirý") sotqa deıingi tergeý jumystary bastaldy. Qajetti saraptamalar taǵaıyndaldy", - degen edi baspasóz qyzmetindegiler. Eske salaıyq, 13 qazandaLısakovsk qalasynda joǵalyp ketken eki balanyń anasynyń óli tabylǵany habarlanǵan bolatyn. Qaıtys bolǵan áıel kásipkerlikpen aınalysqan eken, sondaı-aq ol ınternatta muǵalim bolyp qyzmet etken. Lısakovsk qalasynyń prokýrory Erkin Taıkeshovtiń aıtýynsha, osy derek boıynsha qylmystyq is qozǵaldy.