Ranking.kz analıtıkalyq qyzmetiniń mamandary bir adamnyń bólshek saýdada aılyq ortasha esebin jarııalady.
Aýyldy jerlerge qaraǵanda halyq kóp shoǵyrlanǵan (ýrbanızm) jerlerde úsh ese kóp saýda jasalady, ıaǵnı qalada bir aıda bir adam 56 myńǵa saýda jasasa, aýyldy jerde bir adam 20 myń teńgege saýda jasaıdy eken.
Mamandar eń tómengi satyp alýlar, ıaǵnı antırekord Jambyl oblysynda tirkelgenin atap ótti. Onda bir adam aıyna nebári 10,7 myń teńge jumsaıdy. Bul óńirde aýyldy jerler 59,5 paıyzdy quraıdy. Jambyl oblysynda orta eseppen alǵanda bir adam aıyna 15 myń teńge jaratady.
Adamdar kóp shoǵyrlanǵan jerler arasynda aıyna eń kóp aqsha jumsaıtyn Almaty qalasy - 105 myń teńge. Ekinshi orynda Astana - 69 myń teńge.
Jalpy Qazaqstan boıynsha tamyz aıynyń qorytyndysy boıynsha bir adam aıyna 37 myń teńge jaratady. Bul degenimiz ótken jyldyń tamyz aıymen salystyrǵanda 21 paıyzǵa kóp.
