Ulttyq mýzeıdiń «Astana» ulttyq sýret galereıasynda el Táýelsizdiginiń 25 jyldyǵyna arnalǵan «Uly Dala murasy» atty sándik-qoldanbaly óner týyndylarynyń kórmesi ashyldy.
Qolóner – atadan balaǵa darıtyn kásip. Sonyń aıǵaǵyndaı, el ishinde on saýsaǵynan óneri tamǵan, qolónerdiń san salasyn meńgergen ismerler az emes. Oǵan qosa, bul kúnde joǵary oqý oryndarynda qolónerdiń túr-túri boıynsha arnaıy mamandar daıarlanyp shyǵady. Galereıaǵa qoıylǵan óner týyndylary ishinde jeke adamdardyń da, joǵary oqý oryndary oqytýshylary men stýdentterdiń de úzdik jumystary boldy. Bul oraıda Qazaq ulttyq óner ýnıversıteti men Qazaq tehnologııa jáne bıznes ýnıversıteti oqytýshylary, Qytaıdan kelgen qandastarymyz keremet áshekeılengen, ásem boıaýly, aǵash, teri, súıekten jasalǵan buıymdaryn qoıdy. Sondaı-aq, toqyma, kıizden jasalǵan týyndylar qoıyldy. Bul buıymdardyń birqatary zergerlik ónerdiń bıik dárejesine jetip, halyqaralyq kórme, festıvalderge qatysýshy sheberlerdiń qolynan shyqqan eken. Kórme jaıynda pikirin bildirgen «Astana» ulttyq sýret galereıasynyń bólim basshysy, kórmeni uıymdastyrýshy Ǵalııa Bákirlanova kórmeniń jas urpaqqa keremet patrıottyq, estetıkalyq tárbıe beretinin, rýhanı azyǵyn syılaıtynyn aıtty.
– Biz osyndaı tamasha týyndylardy kórgende ózimizdiń baı mádenıetimiz úshin, halyq ishinde keremet talantty adamdardyń bar bolǵany úshin maqtanysh sezimde bolamyz. О́ıtkeni, bul kez kelgen adamnyń qolynan kele bermeıdi. Asqan shydamdylyqty, uqyptylyqty, eń bastysy – talantty qajet etetin óner bul. Ásirese, kórmege kelip jatqan jastar elimizdiń mádenıeti men ónerinen jan azyǵyn alatyny qýantady. Ekinshiden, erteńgi kúni EKSPO-ǵa aldymen osyndaı qolóner buıymdaryn shyǵaramyz ǵoı. Sonda «Qazaqstanda jasalǵan» degen belgi úshin de marqaıatyn bolamyz, – deıdi Ǵalııa Bákirlanova.
Kórme sońy qolónerdiń ár túrinen, atap aıtqanda, kıiz buıymdaryn jasaýdan, teri óńdeýden, biz keste men ıne kesteni qoldanyp, oıý-órnekter salýdan, aǵash óńdeý men qysh óńdeýden sheberlik synyptary ótkizildi. Sheberlik-synyptaryn óz salalary boıynsha 17 sheber júrgizdi.
Aıgúl SEIILOVA,
«Egemen Qazaqstan»
Sýretti túsirgen
Orynbaı BALMURAT,
«Egemen Qazaqstan»
Ulttyq mýzeıdiń «Astana» ulttyq sýret galereıasynda el Táýelsizdiginiń 25 jyldyǵyna arnalǵan «Uly Dala murasy» atty sándik-qoldanbaly óner týyndylarynyń kórmesi ashyldy.
Qolóner – atadan balaǵa darıtyn kásip. Sonyń aıǵaǵyndaı, el ishinde on saýsaǵynan óneri tamǵan, qolónerdiń san salasyn meńgergen ismerler az emes. Oǵan qosa, bul kúnde joǵary oqý oryndarynda qolónerdiń túr-túri boıynsha arnaıy mamandar daıarlanyp shyǵady. Galereıaǵa qoıylǵan óner týyndylary ishinde jeke adamdardyń da, joǵary oqý oryndary oqytýshylary men stýdentterdiń de úzdik jumystary boldy. Bul oraıda Qazaq ulttyq óner ýnıversıteti men Qazaq tehnologııa jáne bıznes ýnıversıteti oqytýshylary, Qytaıdan kelgen qandastarymyz keremet áshekeılengen, ásem boıaýly, aǵash, teri, súıekten jasalǵan buıymdaryn qoıdy. Sondaı-aq, toqyma, kıizden jasalǵan týyndylar qoıyldy. Bul buıymdardyń birqatary zergerlik ónerdiń bıik dárejesine jetip, halyqaralyq kórme, festıvalderge qatysýshy sheberlerdiń qolynan shyqqan eken. Kórme jaıynda pikirin bildirgen «Astana» ulttyq sýret galereıasynyń bólim basshysy, kórmeni uıymdastyrýshy Ǵalııa Bákirlanova kórmeniń jas urpaqqa keremet patrıottyq, estetıkalyq tárbıe beretinin, rýhanı azyǵyn syılaıtynyn aıtty.
– Biz osyndaı tamasha týyndylardy kórgende ózimizdiń baı mádenıetimiz úshin, halyq ishinde keremet talantty adamdardyń bar bolǵany úshin maqtanysh sezimde bolamyz. О́ıtkeni, bul kez kelgen adamnyń qolynan kele bermeıdi. Asqan shydamdylyqty, uqyptylyqty, eń bastysy – talantty qajet etetin óner bul. Ásirese, kórmege kelip jatqan jastar elimizdiń mádenıeti men ónerinen jan azyǵyn alatyny qýantady. Ekinshiden, erteńgi kúni EKSPO-ǵa aldymen osyndaı qolóner buıymdaryn shyǵaramyz ǵoı. Sonda «Qazaqstanda jasalǵan» degen belgi úshin de marqaıatyn bolamyz, – deıdi Ǵalııa Bákirlanova.
Kórme sońy qolónerdiń ár túrinen, atap aıtqanda, kıiz buıymdaryn jasaýdan, teri óńdeýden, biz keste men ıne kesteni qoldanyp, oıý-órnekter salýdan, aǵash óńdeý men qysh óńdeýden sheberlik synyptary ótkizildi. Sheberlik-synyptaryn óz salalary boıynsha 17 sheber júrgizdi.
Aıgúl SEIILOVA,
«Egemen Qazaqstan»
Sýretti túsirgen
Orynbaı BALMURAT,
«Egemen Qazaqstan»
Sońǵy jańalyqtar
Pedagogterdi attestasııalaý júıesi jańartylady
Bilim • Keshe
Atyraý oblysynda jer ýchaskeleri memleketke qaıtaryldy
Aımaqtar • Keshe
Atom energetıkasy salasy: Uzaq merzimdi baǵdar aıqyndaldy
Energetıka • Keshe
Japonııada 7,7 baldyq jer silkinisi tirkeldi
Tabıǵat • Keshe
