«Kóne Tarazdaǵy» kórikti kesh

Byltyr ǵana Taraz tó­rinde dúbirlep ótken Qazaq handyǵynyń 550 jyldyq mereıtoıynyń  basty syılyǵy – «Kóne Taraz» tarıhı-mádenı ortalyǵynyń ashylýy bolǵan edi. Mine, kóne qalanyń kórkine aı­nalǵan osynaý ortalyq b­úginde túrli merekelik is-sharalardyń naǵyz ordasyna aınaldy. Sondaı  «Táýelsizdik – tu­ǵyrym, Qa­zaq han­dy­ǵy – ǵumyrym» atty má­de­nı-kópshilik is-shara­synyń basty maqsaty – Táý­elsizdigimizdiń 25 jyl­­dyq mereıtoıyna já­ne Qazaq handyǵy men qazaq halqynyń tarıhyna, ótkenine, dástúrine, má­denıetine jáne murasyna qurmetpen qaraýǵa arnalyp, óńir mádenıeti men óne­rin, salt-dástúrleri men ádet-ǵuryptaryn nasıhattap, el tarıhyn tanytý boldy. Sharanyń saltanat­ty ashylýynda 110 dombyra­shynyń qatysýymen  Qur­manǵazy kúı­lerin oryndaý­dan «Kúı she­rýi» mýzy­kalyq fleshmoby uıym­­dastyrylǵany bul kesh­ke kelýshilerge erekshe kúsh-qýat, shabyt bergeni anyq. «Ǵa­jaıyp­tar ala­ńyn­­da» oblys­tyq orys jáne qazaq drama teatr­larynyń ártisteri feıs-art uıymdastyryp, ertegi álemine saıahat jasaldy. Sondaı-aq, oblys ar­hıvteri qorynan jasaqtalǵan «Mu­raǵat – tarıhı qazyna» já­digerler kórmesi usynyldy. Al qala turǵyndary arasynda uıym­dastyrylǵan «Án – kóńildiń ajarynda»  karaoke án aıtý saıysynda kópshiliktiń vokaldyq daryny baǵalandy. Bul kúni kópshilik «Aqyn­dar aýylynda» ótken aıtys­ty tamashalap, asyq atty, qazaqsha kúreske jankúıer bolyp, ashyq aspan astyndaǵy «Kıno álemi» alańynda «Qazaqfılmniń» «Altyn qoryndaǵy» úzdik de­rekti, kórkem fılmderdi kórdi. Elbasynyń ómiri men eńbek joly týraly túsirilgen qazir­gi kınematograftardyń týyndylary da usynyldy. Oblystyq tarıhı-ólke­taný mýzeıi «Saýsaǵynan óner tamǵan sheberler» qolónershi, sýretshiler kórmesin uıym­dastyryp, Qazaqstan Sýretshiler oda­ǵy múshe­leriniń týyndylary qoıylyp, qylqalam she­ber­­leri kelýshilerdiń por­tret­terin saldy. Oralhan DÁÝIT, «Egemen Qazaqstan» Jambyl oblysy