Avtokólik alýshylar qatary azaıa túsken

Ortalyq kommýnıkasııalar qyzmetiniń kezekti brıfınginde elimizdegi avtokólik naryǵynyń qorytyndylary sóz boldy. «Qazaqstannyń «QazAvtoО́nerkásip» avtokólik salasy kásiporyndary odaǵy» ZTB basqarma tóraǵasy Oleg Alferov jýrnalıstermen kezdesýde saladaǵy qańtar-qyrkúıek aılarynyń nátıjelerin áńgimeledi. Onyń aıtýynsha, aǵymdaǵy jyldyń úsh toqsanynda qazaqstandyqtar 569 mln dollar somasyndaǵy qarajatqa 30,8 myń jańa jeńil avtokólik satyp alǵan. «2016 jyldyń toǵyz aıynda resmı dılerler 30 759 jeńil jáne jeńil kommersııalyq kólikterdi satty. Bul kórsetkish ótken jylmen salystyrǵanda 59 paıyzǵa tómen. Jyl basynan beri satylǵan 23 568 kólik ımportqa tıesili. Bul jalpy satylǵan kólikterdiń 76 paıyzyn quraıdy. Al 7 154 sa­typ alýshy, ıaǵnı 24 paıyzy qa­zaq­standyq zaýyttardyń ónimin tań­daǵan», dedi O.Alferov. Jıyn barysynan uqqanymyz, Qazaqstanda suranysqa ıe kólik­ter­diń kóshin «Lada» bastap tur eken. Jyl basynan beri el aýma­ǵyn­da 6 086 reseılik kóliktiń mar­kasy saýdalanypty. «Toyota» dıler­leri de belsendi jumys iste­gen, olar 5 728 avtomobıldi pul­dap úlgergen kórinedi. Sondaı-aq, alǵashqy úshtikke «Renault» enip tur, bul markadan 2 925 mashına satylǵan eken. Basqarma tóraǵasynyń má­li­met­terine súıensek, alǵashqy on­dyqqa joǵarydaǵylarmen qosa «Hyun­dai», «KIA», «Volkswagen», «GAZ», «UAZ», «Nissan» jáne «Chevrolet» enip otyr. «Modelder arasynda birinshi orynda «Lada Priora» tur. Reseılik sedandy 2 237 myń satyp alýshy qalady. Su­ra­nysqa ıe modelder ishinde «Toyota Camry», «Lada 4x4», «Re­nault Duster» jáne «Hyundai Accent» bar», dedi O.Alferov. Taǵy aıta keterligi, jeńil av­to­kólikterdi, ásirese, Almaty qa­lasynyń turǵyndary kóbirek sa­typ alǵan kórinedi. Olar 9281 te­mir tulpardyń saýdasyn kelis­tirgen. Odan keıingi orynda astanalyqtar – 5333 kólik satyp alǵan, Atyraý qalasynda 2234 mashına puldansa, О́skemende – 1656, Qaraǵandyda 1623 kólik satylypty. Brıfıngte basqarma tóraǵasy «Bıpek Avto-Azııa Avto» hol­dın­giniń Qazaqstan naryǵynda iri dılerlik top mártebesine ıe bol­ǵanyn jetkizdi. «Esep berý kezeńiniń nátıjelerin sarala­ǵanda, barlyq jeńil avtokólik satyp alýshylardyń 33 paıyzy osy kompanııanyń usynystaryna toqtaǵanyn baıqadyq. Naryqtaǵy saýdanyń 20,6 paıyzy «Toyota Motors Kazakhstan» ujymyna tıe­s­ili. Al «Astana Motors» kompa­nııasynyń úlesi 9,7 paıyzdy quraıdy», dedi Oleg Alferov. Kólik qurastyrý salasyndaǵy úsh toqsannyń nátıjelerinen eli­mizdiń aýmaǵynda 51,6 mlrd teń­ge kólemindegi qarajatqa 8333 av­tokólik quralynyń shyǵa­ryl­ǵanyn baıqaımyz. Tek qana qyr­kúıek aıynda otandyq zaýyttar jalpy quny 9,6 mlrd teńgege 1019 avtokólik qurastyrǵan. Munyń qataryna júk kólikteri men avtobýstar da kiredi. Al bul sıfrlardy ótken jylmen salystyrsaq, kórsetkish edáýir artqan. Ashat RAIQUL, «Egemen Qazaqstan»