Syr óńiri kúrishten rekordtyq ónim aldy

Memleket basshysy Nursultan Nazarbaevtyń atyna Qyzylorda oblysynda jıyn-terin naýqanynyń mol tabys­pen aıaqtalǵany týraly oblys ákimi Q.Kósherbaev jáne bir top aýyl sharýashylyǵy eńbekkerleri joldaǵan hat kelip tústi. Hat ıeleri Qazaqstan Táýel­siz­diginiń 25 jyldyq merekesi men eki márte Sosıalıstik Eńbek Eri, aq kúrishtiń atasy, dala aka­de­mıgi Ybyraı Jaqaevtyń 125 jyl­dyq mereıtoıy qarsańynda Syr óńiri dıqandary kúrishten bu­ryn-sońdy bolmaǵan rekordtyq ónim alǵanyn habarlaıdy. Syr boıy dıqandary 80 myń gektar egistiktiń ár gektarynan oblys bo­ıynsha 54,9 sentnerden ónim alyp, el qambasyna 440 myń tonna kúrish quıǵan. «Uly Dalanyń qasıetti push­paǵy – Syr eli hal­qynyń atynan dı­qandarǵa, malshylarǵa kórse­tip otyrǵan qamqorlyǵyńyz úshin Siz­ge zor rızashy­ly­ǵymyzdy bildi­remiz. Syr boıynyń eńbekkerleri men barlyq turǵyndary atynan Sizdiń jasampaz bastamalaryńyzdy iske asyryp, aıanbaı eńbek etetinimizge sendiremiz!», – dep jazady qyzyl­or­dalyqtar. Hat avtorlary arasynda Qazaqstannyń Eńbek Eri, Kúrish óndi­rýshiler men óńdeýshiler asso­sı­a­sııasynyń tóraǵasy A.Eralıev, «Mádı Qajy» atyndaǵy JShS tóra­­ǵasy A.Kamalatdın, «Syr Mar­­ja­ny» JShS dırektory M.О́teev, «Rza Agro» JShS dırek­tory N.Iman­dosov jáne ózge de aýyl sharýa­shylyǵy salasynyń beldi eńbekkerleri bar.