2017 jyly qazaqstandyqtar 17 kún demalady

Táýelsizdik kúnine oraı qazaqstandyqtar tórt kún demalady. Jalpy merekelik demalys kúnderiniń sany bes kúndik jumys aptasy boınysha - 17, al alty kúndik jumys aptasy boıynsha - 16. QR densaýlyq saqtaý jáne áleýmettik damý mınıstrligi 2017 jylǵy merekelik demalys kúnderiniń tizimin jarııalady. Mınıstrliktiń eskertýinshe, zańnamaǵa sáıkes Qazaqstannyń ulttyq jáne memlekettik merekeleri toılanatyn kúnder merekelik, ıaǵnı demalys kúnderi bolyp sanalady.  Merekelik kúnderge Táýelsizdik kúni (16-17 jeltoqsan), Jańa jyl (1-2 qańtar), Halyqaralyq áıelder kúni (8 naýryz), Naýryz (21-23 naýryz), Qazaqstan halyqtarynyń birligi merekesi (1 mamyr), Otan qorǵaýshy kúni (7 mamyr), Jeńis kúni (9 mamyr), Astana kúni (6 shilde), QR Konstıtýsııasy kúni (30 tamyz), Qazaqstan Respýblıkasynyń Tuńǵysh Prezıdenti kúni (1 jeltoqsan). Demalys kúnderine (senbi, jeksenbi) sáıkes keletin mereke kúnderi merekeden keıingi jumys kúnine aýystyryldy. Bes kúndik jumys aptasynda — 1 qańtardan  3 qańtarǵa, 7 mamyrdan  8 mamyrǵa, 16 jeltoqsannan 18 jeltoqsanǵa, 17 jeltoqsannan 19 jeltoqsanǵa. Alty kúndik jumys aptasy boıynsha — 1 qańtardan  3 qańtarǵa, 7 mamyrdan 8 mamyrǵa, 17 jeltoqsannan 18 jeltoqsanǵa. Sondaı-aq, 2017 jyly 1 qyrkúıekke túsetin Qurban aıttyń birinshi kúni jáne 7 qańtar — pravoslavıelik Rojdestvo demalys kúnderi bolyp esepteledi.