Qazaqstan turǵyndarynyń 73%-y ınternet paıdalanady

Aqparat jəne kommýnıkasııalar mınıstrliginde vedomstvo basshysy Dáýren Abaevtyń tóraǵalyǵymen alqa otyrysy ótip jatyr. Jıynnyń maqsaty aǵymdaǵy jyldyń 9 aıyndaǵy jumysyn qorytyndylaý jəne aldaǵy mindetterin aıqyndaý. Otyrysty ashqan Dáýren Abaev təýelsizdiktiń 25 jyldyǵy qarsańynda memlekettiń damýyndaǵy erekshe kezeńderge toqtaldy. Jıyn barysynda Táýelsizdik alǵan sátten bastap aqparat, aqparattandyrý jəne baılanys salasynyń ınfraqurylymy is júzinde qaıtadan qurylǵany, 90-shy jyldardyń basynda Qazaqstanda telekommýnıkasııa jelilerinde 12,5 myń shaqyrymnan astam talshyqty-optıkalyq kabeldi magıstral salynǵany, 1999 jyly qalaaralyq/halyqaralyq baılanys jelisi 100% sıfrlyq bolǵany aıtyldy. Sonymen qatar, Dúnıejúzilik ekonomıkalyq forýmnyń derekteri boıynsha Qazaqstan "jelilik daıyndyq" ındeksi boıynsha 39 orynda, "Internetti paıdalanýshylar tyǵyzdyǵy" boıynsha 41 orynda, aqparattyq kommýnıkasııalyq tehnologııalar salasyndaǵy zańnamanyń damý deńgeıi boıynsha 38 orynda jəne BUU reıtıngisinde "Elektrondyq úkimet" ındeksi jóninen əlem boıynsha 33 orynda tur. Taǵy bir atap óterlik másele, halyqty keńjolaqty Internetke qoljetimdikpen qamtamasyz etý. Búginde Qazaqstan turǵyndarynyń 73%-y ınternetti paıdalanady. Turǵyndar sany 10 myńnan asatyn jəne odan da kóp aýyldyq eldi mekenderde 3G standartynyń mobıldi baılanysy engizilse, 4G standarty turǵyndar sany 50 myń jəne odan da kóp aýyldyq eldi mekenderde qosylǵan. Al 2017 jyldyń sońyna qaraı, elimizdiń barlyq aýdan ortalyqtary 4G standartymen qamtylmaq. Láıla Edilqyzy