Qazaqstan Respýblıkasy Ishki ister mınıstrliginiń buıryǵy  №876

2016 jylǵy 2 qyrkúıek №876 Astana qalasy Qazaqstan Respýblıkasynyń Ulttyq ulany jáne Qazaqstan Respýblıkasy Ishki ister mınıstrliginiń áskerı-tergeý organdary áskerı qyzmetshileriniń dalalyq kıim nysanynyń jáne arnaıy kıiminiń úlgisin jáne túsin bekitý týraly «Qazaqstan Respýblıkasynyń Qarýly Kúshteri, basqa da áskerleri men áskerı quralymdary áskerı qyzmetshileriniń áskerı kıim nysany jáne aıyrym belgileri týraly» Qazaqstan Respýblıkasy Prezıdentiniń 2011 jylǵy 25 tamyzdaǵy № 144 Jarlyǵymen bekitilgen Qazaqstan Respýblıkasynyń Qarýly Kúshteri, basqa da áskerleri men áskerı quralymdary áskerı qyzmetshileriniń áskerı kıim nysany jáne aıyrym belgileri úlgileriniń sıpattamasy men sýretteriniń 8-tarmaǵyna sáıkes buıyramyn: 1. Qosa berilip otyrǵan Qazaqstan Respýblıkasynyń Ulttyq ulany jáne Qazaqstan Respýblıkasy Ishki ister mınıstrliginiń áskerı-tergeý organdary áskerı qyzmetshileriniń dalalyq kıim nysanynyń jáne arnaıy kıiminiń úlgisi jáne túsi bekitilsin. 2. Qazaqstan Respýblıkasynyń Ulttyq ulany zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy; 4) osy buıryqty memlekettik tirkegen kúnnen kúntizbelik on kún ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Ádilet mınıstrliginiń «Respýblıkalyq quqyqtyq aqparat ortalyǵyna» joldaýdy; 5) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalǵany týraly málimetterdi Qazaqstan Respýblıkasy Ishki ister mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary polısııa general-maıory B.B. Bısenqulovqa júktelsin. 4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr polısııa general-polkovnıgi Q. QASYMOV Qazaqstan Respýblıkasy Ishki ister mınıstriniń 2016 jylǵy 2 qyrkúıektegi №876 buıryǵymen bekitilgen Qazaqstan Respýblıkasynyń Ulttyq ulany jáne Qazaqstan Respýblıkasy Ishki ister mınıstrliginiń áskerı-tergeý organdary áskerı qyzmetshileriniń dalalyq kıim nysanynyń jáne arnaıy kıiminiń úlgisi jáne túsi 1 - taraý. Dalalyq kıim nysanynyń úlgisi men túsiniń sıpattamasy 1. Dalalyq kıim nysanyn Qazaqstan Respýblıkasy Ulttyq ulanynyń jáne Qazaqstan Respýblıkasy Ishki ister mı­­nıstrligi áskerı-tergeý organdarynyń áskerı qyzmetshileri oqý-jattyǵýlarǵa, dalalyq shyǵýlarǵa, jaýyngerlik kezek­shilikke, qaraýyldardyń quramynda qyzmet atqarý kezinde, oqý ortalyqtaryndaǵy, polıgondardaǵy sabaqtarǵa kıedi. 2. Dalalyq kıim nysany: 1) jazǵy (1-sýret): búrkenish tústi dalalyq fýrajka; bir tústi fýtbolka; búrkenish tústi dalalyq kúrteshe men tik pishilgen shalbar; dalalyq belbeý; qara tústi uzyn qonyshty bylǵary báteńke. Búrkenish tústi dalalyq fýrajka tóbesinen, eki jaq búıirinen jáne kúnqaǵardan turady, eki jaq búıiriniń bıiktigi jelke jaǵyna qaraı ulǵaıady. Búrkenish tústi dalalyq kúrteshe men tik pishilgen shalbar: ortalyq ishki qaýsyrmaly túıme ilgegi bar tik pishilgen kúrteshe; beli syrylyp tigilgen tik pishilgen shalbar. 2) qysqy (2-sýret): belgilengen tústi teriden tigilgen qulaqshyn (polkovnıkter men generaldar úshin - kúnqaǵary bar sur tústi qarakólden tigilgen malaqaı); bir tústi fýtbolka; búrkenish tústi dalalyq kúrteshe men tik pishilgen shalbar; búrkenish tústi dalalyq astary jyly kúrteshe men tik pishilgen shalbar; dalalyq belbeý; qara tústi ishi jyly uzyn qonyshty bylǵary báteńke; qara tústi ishi jyly bylǵary qolǵap. Búrkenish tústi dalalyq astary jyly kúrteshe men tik pishilgen shalbar: tik pishilgen, uzyn, ortalyq ishki qaýsyrmaly «syrǵyma» sydyrma ilgekti jáne túımemen ishinen jabylatyn jelden qorǵaıtyn óńirjıekti kúrteshe; aspaly baýy jáne beli syrylyp tigilgen tik pishilgen shalbar. Mata túsi: tórt tústi búrkenishti sýret. 2 - taraý. Keńselik kıim nysanynyń úlgisi men túsiniń sıpattamasy 3. Keńselik kıim nysany Bas jáne óńirlik qolbasshylyq basqarý organdarynda, áskerı-tergeý organdarynyń bólimshelerinde kúndelikti kııýge arnalǵan. 4. Uzyn jeńdi kúrteshe jáne shalbar (3, 5, 7-sýretter): erkin pishilgen, beli syrylyp tigilgen, ortalyq «syrǵyma» sydyrma ilgegi bar kúrteshe; beli syrylyp tigilgen, tik pishilgen balaǵy túsińki shalbar. 5. Qysqa jeńdi kúrteshe jáne shalbar (áskerı qyzmetshi áıelder úshin – belgilengen tústi ıýbka) (4, 6, 8-sýretter): erkin pishilgen, beli syrylyp tigilgen, ortalyq túıme ilgegi bar kúrteshe; beli syrylyp tigilgen, tik pishilgen balaǵy túsińki shalbar (áskerı qyzmetshi áıelder úshin – beli syrylyp tigilgen ıýbka). 6. Uzyn jáne qysqa jeńdi kúrtesheler «Qazaqstan Respýblıkasynyń Qarýly Kúshteri, basqa da áskerleri men áskerı qurylymdary áskerı qyzmetshileriniń áskerı kıim nysany jáne aıyrym belgileri týraly» Qazaqstan Respýblıkasy Prezıdentiniń 2011 jylǵy 25 tamyzdaǵy № 144 Jarlyǵymen bekitilgen (budan ári - Jarlyq) áskerı ataǵy boıynsha pagondarmen (mýfta), Qazaqstan Respýblıkasynyń Ulttyq ulanyna jáne Bas (óńirlik) qolbasshylyqqa tıisiligin bildiretin jeńdegi belgilermen, «Qazaqstan» jáne «qan toby» keýde belgilermen jabdyqtalady. 7. Joǵary ofıserlik quramnyń uzyn jáne qysqa jeńdi kúrtesheleriniń jaǵasy altyndatylǵan zermen kestelenedi. 8. Mata túsi: qara jýsan, avıasııanyń ushqyshtar quramyna qara kók tús. 9. Keńselik kıim mynalardan turady: jazǵy: kepı (áskerı qyzmetshi áıelder úshin – pılotka), aq tústi fýtbolka, qara tústi qysqa qonyshty bylǵary báteńke (áskerı qyzmetshi áıelder úshin – qara tústi bylǵary týflı); qysqy: qara jýsan tústes teriden tigilgen qulaqshyn (polkovnıkter úshin - kúnqaǵary bar sur tústi qarakólden tigilgen malaqaı), teriden tigilgen jaǵasy bar belgilengen tústi kúrteshe (polkovnıkter úshin – sur tústi qarakólden tigilgen jaǵa), qara tústi ishi jyly qolǵap, kashne, aq tústi fýtbolka, qara tústi ishi jyly qysqa qonyshty bylǵary etik (áskerı qyzmetshi áıelder úshin – qara tústi ishi jyly bylǵary etik). 3 - taraý. Qoǵamdyq tártip pen qaýipsizdikti saqtaý boıynsha qyzmetti atqarýǵa arnalǵan bekettik kıimi úlgisiniń jáne túsiniń sıpattamasy 10. Bekettik kıim qoǵamdyq tártip pen qaýipsizdikti saqtaý boıynsha, onyń ishinde buqaralyq is-sharalardy qamtamasyz etý boıynsha qyzmetti atqarý kezinde kııýge arnalǵan. 11. Qoǵamdyq tártip pen qaýipsizdikti saqtaý boıynsha qyzmetti atqarýǵa arnalǵan bekettik kıim: 1) jazǵy (9-sýret): jazǵy kepı; fýtbolka; jazǵy kostıým; bylǵary jabdyq; qara tústi uzyn qonyshty bylǵary báteńke. Kepı quraqtardan, kúnqaǵardan, ólshemin retteýge arnalǵan baý men ilgekten turady. Jazǵy kostıým: ortalyq ishki qaýsyrmaly túıme ilgegi bar tik pishilgen kúrteshe; tartylatyn beldigi bar tik pishilgen shalbar. 2) qysqy (10-sýret): teriden tigilgen qulaqshyn (polkovnıkter men generaldar úshin - kúnqaǵary bar sur tústi qarakólden tigilgen malaqaı); fýtbolka; jazǵy kostıým; astary jyly kostıým; bylǵary jabdyq; qara tústi ishi jyly uzyn qonyshty bylǵary báteńke; qara tústi ishi jyly bylǵary qolǵap. Astary jyly kostıým: tik pishilgen, ortalyq ishki qaýsyrmaly «syrǵyma» ilgekti jáne túımemen ishinen jabylatyn jelden qorǵaıtyn óńirjıekti kúrteshe; shalbar – aspaly baýy jáne beli syrylyp tigilgen tik pishilgen jartylaı kobınezon. 12. Jazǵy kúrteshe, astary jyly kúrteshe, qysqa jeńdi jazǵy jeıde Jarlyqpen bekitilgen áskerı ataǵy boıynsha pagondarmen (mýfta), Qazaqstan Respýblıkasynyń Ulttyq ulanyna jáne Bas (óńirlik) qolbasshylyqqa (tikeleı baǵynysty bólimderge) tıisiligin bildiretin jeńdegi belgilermen, «Qazaqstan» jáne «qan toby» keýde belgilerimen jabdyqtalady. Jazǵy kúrtesheniń jaǵasyna tómengi jaǵyna parallel altyn tústes «KZ» emblemasy bekitiledi. Jaǵanyń tómengi shetinen áripterdiń tómengi shetine deıingi araqashyqtyq – 15 mm. 13. Jazǵy jáne astary jyly kúrtesheniń, jeıdeniń arqa bóliginiń joǵarǵy jaǵynda kúmis tústes nemese aq tústi jarqyraıtyn elementtermen «ULTTYQ ULAN» degen jazý jazylady (9, 10, 11-sýretter). 14. Mata túsi: qara kók, qysqa jeńdi jeıdeden basqa - ashyq kók . 15. Qoı terisinen tigilgen qysqa ton áskerı ataqtar boıynsha pogondarmen jabdyqtalady (12-sýret). 4 - taraý. Ártúrli arnaıy jumystardy oryndaıtyn áskerı qyzmetshilerdiń, jumysshylar men qyzmetshilerdiń arnaıy kıimi úlgisiniń jáne túsiniń sıpattamasy 16. Áskerı qyzmetshiler avtomobıldik jáne brondytank tehnıkalaryna qyzmet kórsetýi kezinde kııýine, jaýyngerlik mashınalar men brondalǵan avtomobılderdiń ekıpajyna, jóndeý bólimsheleriniń áskerı qyzmetshilerine, atys qarýyn, kótergish mehanızmderdi, qorektendirý agregattaryn jóndeýge arnalǵan jóndeý jónindegi sheberlerge, avtokólikti jáne basqa da tehnıkalyq quraldardy jete tekserýge baılanysty baqylaý-kóliktik jáne baqylaý-ótkizý pýnktteriniń áskerı qyzmetshilerine arnalǵan. 17. Avtomobıldik jáne brondytank tehnıkalaryna qyzmet kórsetetin áskerı qyzmetshilerdiń, jaýyngerlik mashınalar men brondalǵan avtomobılderdiń ekıpajy, jóndeý bólimsheleri áskerı qyzmetshileriniń, atys qarýyn, kótergish mehanızmderdi, qorektendirý agregattaryn jóndeýge arnalǵan jóndeý jónindegi sheberlerge arnalǵan arnaıy kıim: 1) jazǵy (13-sýret): maqta-mata fýrajka; kostıým (kúrteshe jáne shalbar); 2) qysqy (14-sýret): kostıým (kúrteshe jáne shalbar); astary jyly kostıým (kúrteshe jáne shalbar). 18. Arnaıy kıim mynalardan turady: jazǵy ýaqytta: fýtbolka, dalalyq belbeý, qara tústi uzyn qonyshty bylǵary báteńke; qysqy ýaqytta: jún malaqaı, fýtbolka, dalalyq belbeý, qara tústi ishi jyly uzyn qonyshty bylǵary báteńke; Mata túsi: qara. 19. Avtokólikti jáne basqa da tehnıkalyq quraldardy jete tekserýge baılanysty baqylaý-kóliktik jáne baqylaý-ótkizý pýnktteri áskerı qyzmetshileriniń arnaıy kıimi mynalardan turady (15-sýret): maqta-mata fýrajka; kostıým (kúrteshe jáne shalbar). Mata túsi: qara. 5 - taraý. Avııasııanyń ushqyshtar jáne ınjenerlik-tehnıkalyq quramdaryna arnalǵan arnaıy kıimi úlgisiniń jáne túsiniń sıpattamasy 20. Avıasııanyń ushqyshtar quramyna arnalǵan arnaıy kıim: 1) jazǵy: jazǵy kostıým (kúrteshe jáne shalbar) (16-sýret); 2) maýsymdyq: maýsymdyq kúrteshe jáne shalbar (17-sýret); 3) qysqy: teriden tigilgen jaǵasy bar astary jyly kúrteshe men shalbar (18-sýret); shevretti kúrteshe (19-sýret). Mata túsi: sarǵysh. 21. Avıasııanyń ınjenerlik-tehnıkalyq quramyna arnalǵan arnaıy kıim: 1) jazǵy: jazǵy maqta-mata kostıým (20-sýret); 2)qysqy: teriden tigilgen jaǵasy, astary bar qurastyrylǵan kúrteshe, astary jyly kombınezon (21-sýret); jabyq kombınezon (22-sýret). Mata túsi: sarǵysh. Dalalyq kıim nysany 1-sýret Jazǵy 2-sýret Qysqy Keńselik kıim nysany 3-sýret Belgilengen tústi kepı, belgilengen tústi uzyn jeńdi kúrteshe jáne shalbar (joǵary ofıserlik quramyna) 4-sýret Belgilengen tústi kepı, belgilengen tústi qysqa jeńdi kúrteshe jáne shalbar (joǵary ofıserlik quramyna) Keńselik kıim nysany 5-sýret Belgilengen tústi kepı, belgilengen tústi uzyn jeńdi kúrteshe jáne shalbar 6-sýret Belgilengen tústi kepı, belgilengen tústi qysqa jeńdi kúrteshe jáne shalbar Keńselik kıim nysany 7-sýret Belgilengen tústi pılotka, belgilengen tústi uzyn jeńdi kúrteshe jáne shalbar (áskerır qyzmetshi áıelderge) 8-sýret Belgilengen tústi pılotka, belgilengen tústi qysqa jeńdi kúrteshe jáne shalbar (áskerı qyzmetshi áıelderge) Qoǵamdyq tártip pen qaýipsizdikti saqtaý boıynsha qyzmetti atqarýǵa arnalǵan bekettik kıim 9-sýret Jazǵy 10-sýret Qysqy Qoǵamdyq tártip pen qaýipsizdikti saqtaý boıynsha qyzmetti atqarýǵa arnalǵan bekettik kıim 11-sýret Belgilengen tústi jazǵy kepı, belgilengen tústi qysqa jeńdi jazǵy jeıde, belgilengen tústi jazǵy shalbar, bylǵary jabdyq Qoǵamdyq tártip pen qaýipsizdikti saqtaý boıynsha qyzmetti atqarýǵa arnalǵan bekettik kıim 12-sýret Qoı terisinen tigilgen qysqa ton Avtomobıldik jáne brondytank tehnıkalaryna qyzmet kórsetetin áskerı qyzmetshilerdiń, jaýyngerlik mashınalar men brondalǵan avtomobılderdiń ekıpajy, jóndeý bólimsheleri áskerı qyzmetshileriniń, atys qarýyn, kótergish mehanızmderdi, qorektendirý agregattaryn jóndeýge arnalǵan jóndeý jónindegi sheberlerge arnalǵan arnaıy kıim 13-sýret Jazǵy 14-sýret Qysqy Avtokólikti jáne basqa da tehnıkalyq quraldardy jete tekserýge baılanysty baqylaý-kóliktik jáne baqylaý-ótkizý pýnktteri áskerı qyzmetshileriniń arnaıy kıimi 15-sýret Maqta-mata fýrajka, belgilengen tústi kostıým (kúrteshe jáne shalbar) Avıasııanyń ushqyshtar quramyna arnalǵan arnaıy kıim 16-sýret Jazǵy 17-sýret Maýsymdyq Avıasııanyń ushqyshtar quramyna arnalǵan arnaıy kıim 18-sýret Qysqy (teriden tigilgen jaǵasy bar astary jyly kúrteshe men shalbar) 19-sýret Qysqy (shevretti kúrteshe) Avıasııanyń ınjenerlik-tehnıkalyq quramyna arnalǵan arnaıy kıim 20-sýret Jazǵy Avıasııanyń ınjenerlik-tehnıkalyq quramyna arnalǵan arnaıy kıim 21-sýret Qysqy (teriden tigilgen jaǵasy, astary bar qurastyrylǵan kúrteshe, astary jyly kombınezon) 22-sýret Qysqy (jabyq kombınezon) Buıryq Qazaqstan Respýblıkasynyń Ádilet mınıstrliginde 2016 jylǵy 5 qazanda Normatıvtik quqyqtyq kesimderdi memlekettik tirkeýdiń tizilimine №14287 bolyp engizildi.