Jıyn el Táýelsizdiginiń 25 jyldyǵyna arnalǵan. «2016 jyl - Qazaqstannyń jáne árbir qazaqstandyqtyń ómirindegi aıryqsha jyl. О́tken shırek ǵasyrdyń ishinde biz Ult kóshbasshysy el Prezıdenti Nursultan Ábishuly Nazarbaevtyń basshylyǵymen tarıhı damýda tańǵalarlyq sekiris jasap, zamanaýı, qýatty, qarqyndy memleket qurdyq. Qazaqstan birlik pen rýh beriktiginiń arqasynda azamattyq kelisimde adam nanǵysyz ósimge qol jetkizdi», - dedi Ábdiqalyqova. Sonymen qatar ol búginde Qazaqstan Memleket basshysynyń bastamasy boıynsha qolǵa alynyp, 5 ınstıtýttyq reformada mazmundylyǵy aıqyndalǵan memlekettik qurylystyń sapaly jańa satysyna kóterilin aıtty. Ult josparynyń maqsaty álemniń eń damyǵan 30 eldiń qataryna ený ekenin eske saldy.
«Bizdiń barlyǵymyzdy máńgilik ári qýatty memleket qurýǵa baǵyttalǵan «Máńgilik el» jalpyulttyq patrıottyq ıdeıasy biriktiredi. Álemdik geosaıasatta memleketterdiń ekonomıkalyq ózara árekettestigi basymdyqqa me tendensııalardyń biri bolyp otyr. Integrasııa damýdyń ishki jáne syrtqy faktorlaryn tıimdi júzege asyrýǵa, jahandyq syn-qaterlerge laıyqty jaýap berýge múmkindik jasaıdy», - dedi Ábdiqalyqova. Halyqaralyq sharaǵa Parlament depýtattary, memlekettik organdardyń, dıplomatııalyq korpýstyń ókilderi, ǵylym men bilim qyzmetkerleri, belgili qoǵam qaıratkerleri, otandyq jáne sheteldik ýnıversıtetterdiń rektorlary qatysyp jatyr.
Konferensııada baıandama jasaǵan tarıh ǵylymdarynyń doktory, akademık Bolat Kómekov Dala órkenıetiniń erekshelikteri týraly baıandama jasady. «Otyryqshy qoǵam tehnologııalyq damýdy bastan keshirse, kóshpeli qoǵamda bıologııalyq damý oryn aldy. Kóshpendiler asyl tuqymdy maldardy ósirdi. Mal sharýashylyǵy damýdyń joǵary deńgeıine jetti. On myńdaǵan ásker boz atqa minse, on myńdaǵan ásker qara ne kúreń attarǵa minip júretin. Al qazirgi tehnologııa damyǵan zamanda on boz jylqyny shyǵarýǵa úlken bir ujym on jyl tynbaı jumys istegen bolar edi. Kóshpeli mádenıettiń bıiktigi, órkenıet damýy degen osy. Ekinshi bir úlken erekshelik, otyryqshy qoǵamnyń zańdylyǵy boıynsha jer bolsa, el tabylady. Al, kóshpeli qoǵamda kerisinshe. El bolsa, jer tabylady. О́ıtkeni jerden jyljýǵa, kóshýge, basqa óńirge ketýge bolady»-degen akademık kóshpeli ómir men otyryqshy ómirdiń aıyrmashylyqtaryn ashyp kórsetip, kóshpendi dúnıetanymynyń ózgesheligin baıandady. Sondaı-aq, dala órkenıetiniń ǵylymdaǵy ornyna qatysty áli de máseleler bar ekenine nazar aýdardty. Aıgúl Seıilova Foto Orynbaı Balmurat
