Der Zaubergarten degen ataýmen nemis tilinde 1982 jyly basylyp shyqqan qazaqtyń halyq ertegileri Berlındegi Vivantes dep atalatyn medısınalyq ortalyqtyń balalarǵa arnalǵan oıyn bólmesinde tur. Ortalyqqa emdelýge kelgen balalar oqysyn dep qoıyp qoıǵan.
Kitaptyń shyqqan jylyna qaraǵanda, Germanııa GDR jáne GFR bolyp ekige bólinip turǵan kezde jetken. Biraq nemisterdiń qandaı zatqa bolsyn uqyptylyqpen qaraıtyny osy kitaptan da kórinip tur. Asa qatty eskire qoımaǵan.
Mazmuny tipti baı. Ishinde basym kópshiligin ózimiz de umytyp qalǵan nebir qyzyqty ertegiler bar. Mysaly, «Kúnikeı sulý» (Kún astyndaǵy Kúnikeı), «Sıqyrly baq», «Apaly-sińili úsheý», «Jas batyr men jalmaýyz», «Qadyrdyń baqyty», «Áýez hannyń qyryq uly» sııaqty búginde kóp kezdese bermeıtin ertegiler osy kitapta júr.
Qazaqta ǵana kezdesetin ataý sózder men uǵymdardyń nemisshe túsinigin de bergen.
"Egemen-aqparat"
