Qazaqstan Respýblıkasy Investısııalar jáne damý mınıstrliginiń buıryǵy №466

  2015 jylǵy 17 sáýir , Astana qalasy Avarııalar men apattar kezindegi shuǵyl shaqyrý júıesin uıymdastyrý jáne paıdalaný qaǵıdalaryn bekitý týraly «Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańy 11-babynyń 5-2) tarmaqshasyna sáıkes buıyramyn: 1. Qosa berilip otyrǵan Avarııalar men apattar kezindegi shuǵyl shaqyrý júıesin uıymdastyrý jáne paıdalaný qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A.Asavbaev): 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstriniń mindetin atqarýshy J.QASYMBEK «KELISILDI» Qazaqstan Respýblıkasynyń Densaýlyq saqtaý jáne áleýmettik damý mınıstri _______________ T.Dúısenova 2015 jylǵy 15 mamyr «KELISILDI» Qazaqstan Respýblıkasynyń Ishki ister mınıstri _______________ K.Qasymov 2015 jylǵy 27 sáýir Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 17 sáýirdegi №466 buıryǵymen bekitilgen Avarııalar men apattar kezindegi shuǵyl shaqyrý júıesin uıymdastyrý jáne paıdalaný qaǵıdalary 1. Jalpy erejeler 1. Osy Avarııalar men apattar kezindegi shuǵyl shaqyrý júıesin uıymdastyrý jáne paıdalaný qaǵıdalary (budan ári - Qaǵıdalar) «Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańyna sáıkes ázirlengen jáne Qazaqstan Respýblıkasynyń avtomobıl joldaryndaǵy jol-kólik oqıǵalary jáne ózge de tótenshe jaǵdaılar kezinde jedel den qoıýdy qamtamasyz etýge baǵyttalǵan. 2. Qaǵıdalarda mynadaı negizgi uǵymdar paıdalanylady: 1) «112» biryńǵaı kezekshilik-dıspetcherlik «112» qyzmeti (budan ári – 112 qyzmeti) – tótenshe jaǵdaıdyń týyndaý alǵysharttary nemese týyndaýy, órt, adamdardyń ómirine tóngen qater men densaýlyǵyna zııan keltirý qateri týraly jáne óz quzyreti sheginde shuǵyl qyzmetterdiń den qoıý jónindegi is-qımyldaryn keıinnen úılestire otyryp shuǵyl kómek sharalaryn qoldanýdy qajet etetin ózge de jaǵdaılar týraly jeke jáne zańdy tulǵalardan kelip túsetin habarlamalardy qabyldaý jáne óńdeý qyzmeti; 2) avarııalar men apattar kezindegi shuǵyl shaqyrý júıesi (budan ári – shuǵyl shaqyrý júıesi) – navıgasııalyq spýt­nıktik júıelerdiń sıgnaldary men derekterin paıdalana otyryp jumys isteıtin, shuǵyl qımyldaıtyn jedel qyzmet­terge Qazaqstan Respýblıkasynyń avtomobıl joldaryndaǵy jol-kólik oqıǵalary jáne ózge de tótenshe jaǵdaılar týraly qalypqa túsirilgen aqparat berýdi qamtamasyz etetin memlekettik avtomattandyrylǵan aqparattyq júıe; 3) eCall týy – shuǵyl jáne basym shaqyrý belgisimen mobıldi baılanys jelileri arqyly avtomatty túrde beriletin jol-kólik oqıǵasy týraly sıgnaly; 4) jahandyq navıgasııalyq spýtnıktik júıe – jerdegi jáne ǵaryshtyq jabdyqtardyń jıyntyǵynan turatyn, jerdegi, áýedegi jáne sýdaǵy obektiler úshin ornalasqan jerin (geografııalyq koordınattary men bıiktigin), sondaı-aq qozǵalys parametrlerin (qozǵalys jyldamdyǵy men baǵytyn) anyqtaýǵa arnalǵan keshendi elektrondy-tehnıkalyq júıe; 5) jol-kólik oqıǵasy – kólik quralynyń jolda júrýi prosesinde jáne onyń qatysýymen týyndaǵan, adamnyń densaýlyǵyna zııan keltirýge, ólimine, kólik quraldarynyń, qurylystardyń, júkterdiń búlinýine ne ózge de materıaldyq zalalǵa ákep soqqan oqıǵa; 6) kólik quralynyń jaǵdaıyn baqylaıtyn datchıkter – kólik quralynda ornatylǵan, jol-kólik oqıǵasy faktisin anyqtaýǵa múmkindik beretin jáne osy fakti týraly aqparatty shaqyrý qurylǵysyna beretin jedeldetý datchıkteri (akselerometrler) nemese ózge de tehnıkalyq quraldar; 7) kólik quralynyń ıesi – kólik quralynyń menshik ıesi, sondaı-aq kólik quralyn sharýashylyq júrgizý quqyǵynda nemese jedel basqarý quqyǵynda ne ózge de zańdy negizde (jaldaý quqyǵy, kólik quralyn basqarý quqyǵyna senimhat, tıisti organnyń osy adamǵa kólik quralyn berý týraly ókimi) ıelenetin adam. О́ziniń qyzmettik nemese eńbek mindetterin oryndaýyna oraı, onyń ishinde kólik quralynyń menshik ıesimen nemese ózge de ıesimen jasalǵan eńbek nemese azamattyq-quqyqtyq shart negizinde kólik quralyn basqaratyn adam kólik quralynyń ıesi bolyp tabylmaıdy; 8) ótinish berýshi – shaqyrý qurylǵysyn tirkeý jáne esepke alý úshin shuǵyl shaqyrý júıesiniń operatoryna júgingen jeke nemese zańdy tulǵa; 9) servıstik ortalyq (sheberhana) – shuǵyl qımyldaıtyn jedel shaqyrý qurylǵysyn ornatý men qyzmet kórsetý jónindegi qyzmetti júzege asyratyn jeke nemese zańdy tulǵa; 10) shuǵyl qımyldaıtyn jedel qyzmetter – Qazaqstan Respýblıkasynyń avtomobıl joldaryndaǵy jol-kólik oqıǵalary jáne ózge de tótenshe jaǵdaılar kezinde shuǵyl kómek kórsetetin qyzmetter; 11) shuǵyl qımyldaıtyn jedel qyzmetterdi shaqyrý qurylǵysy (budan ári – shaqyrý qurylǵysy) – jumys istep turǵan keminde eki jahandyq navıgasııalyq spýtnıktik júıe sıgnaldarynyń kómegimen kólik quralynyń koordınattaryn, jyldamdyǵyn jáne qozǵalys baǵytyn aıqyndaýdy, jol-kólik oqıǵasy jáne ózge de tótenshe jaǵdaı kezinde kólik quraly týraly habarlama berýdi, sondaı-aq jyljymaly radıotelefon baılanysy jelileri arqyly shuǵyl qımyldaıtyn jedel qyzmettermen ekijaqty daýys baılanysyn júzege asyratyn jáne qamtamasyz etetin qurylǵy; 12) shuǵyl qımyldaıtyn jedel qyzmetterdi shaqyrý qurylǵysynan qurylǵan derekterdiń eń az jıyntyǵy (budan ári – derekterdiń eń az jıyntyǵy) – jol-kólik oqıǵasy kezindegi shaqyrý qurylǵysymen beriletin jáne shuǵyl den qoıýdy uıymdastyrý úshin qajetti avarııalyq kólik quraly júrisiniń koordınatalary men parametrleri jáne avarııa ýaqyty, kólik quralynyń sáıkestendirý nómirleri týraly aqparatty qamtıtyn derekter jıyntyǵy; 13) shuǵyl shaqyrý júıesiniń operatory – shuǵyl shaqyrý júıesin basqarýdy júzege asyratyn ýákiletti uıym; 14) «shuǵyl shaqyrý» sıgnaly – shuǵyl shaqyrý júıesi operatorynyń zardap shekkenderge shuǵyl kómek uıymdastyrý úshin qajetti óńdelgen eń az mólsherdegi derekter jıyntyǵyn qamtıtyn jol-kólik oqıǵasy nemese ózge de tótenshe jaǵdaı týraly habarlamasy. 3. Shuǵyl shaqyrý júıesiniń maqsaty: 1) Qazaqstan Respýblıkasynyń avtomobıl joldaryndaǵy jol-kólik jáne ózge de tótenshe jaǵdaılar týraly aqparattardy jahandyq navıgasııalyq spýtnıktik júıeler sıgnaldaryn paıdalaný negizinde shuǵyl alý, osy aqparatty shuǵyl shaqyrý júıesin ornalastyrylǵan kólik quraldary týraly aqparatpen ony tolyqtyrý jolymen óńdeý, «112» biryńǵaı nómiri boıynsha 112 qyzmetinde óńdelgen aqparatty berý; 2) Júıede ornalastyrylǵan Qazaqstan Respýblıkasynyń avtomobıl joldaryndaǵy jol-kólik oqıǵalary jáne ózge de tótenshe jaǵdaılar týraly, sondaı-aq shuǵyl den qoıýdaǵy qabyldanǵan sharalar týraly, olardyń ýaqytylyǵy jáne tıimdiligi týraly óńdelgen aqparatty múddeli tulǵalarǵa usyný. 2. Shuǵyl shaqyrý júıesin uıymdastyrý tártibi 4. Shuǵyl shaqyrý júıesiniń qurylymy: 1) osy Qaǵıdalardyń 10-tarmaǵynda kórsetilgen aqparatty qamtıtyn aqparattyq resýrstan; 2) mynalarǵa arnalǵan baǵdarlamalyq-tehnıkalyq quraldardan: Qazaqstan Respýblıkasynyń avtomobıl joldaryndaǵy jol-kólik oqıǵasy jáne ózge de tótenshe jaǵdaılar týraly, sondaı-aq kólik quraldary týraly aqparatty jınaý, óńdeý men saqtaý, osy aqparatty berýdi júzege asyrǵan qurylǵy úshin; shaqyrý qurylǵysy týraly aqparatty jınaý, óńdeý men saqtaý úshin; 3) shaqyrý qurylǵysynan túsken aqparatty qabyldaýdy jáne osy aqparatty shuǵyl qımyldaıtyn jedel qyzmetke berýdi qamtamasyz etetin tehnologııalyq ınfraqurylymnan; 4) Qazaqstan Respýblıkasynyń avtomobıl joldaryndaǵy jol-kólik oqıǵalary jáne ózge de tótenshe jaǵdaılar kezindegi mehanıkalyq kólik quraldarynyń jaǵdaıy men koordınatty-ýaqyttyq parametrleri týraly aqparat óńdeýdi, sondaı-aq óńdelgen aqparatty berý úshin aqparattyq-telekommýnıkasııalyq jeli elementterin qamtamasyz etetin tehnıkalyq quraldardan jáne aqparattyq tehnologııalardan turady. 5. Shuǵyl shaqyrý júıesin qurý jáne jumys isteýimen baılanysty týyndaǵan qatynastardyń qatysýshylary shuǵyl shaqyrý júıesiniń operatory, aqparatty shuǵyl shaqyrý júıesine usynatyn ótinish berýshiler, «112» biryńǵaı kezekshilik-dıspetcherlik «112» qyzmeti bolyp tabylady. 6. Shuǵyl shaqyrý júıesinde ornalastyrylǵan aqparatty ıelenýshiler: 1) Qazaqstan Respýblıkasynyń avtomobıl joldarynda jol-kólik jáne ózge de tótenshe jaǵdaılar kezinde shuǵyl kómek kórsetýdi qamtamasyz etetin memlekettik organdar; 2) shuǵyl shaqyrý júıesiniń operatory; 3) kólik quraldaryn tirkeýdi júzege asyratyn memlekettik organdar; 4) Qazaqstan Respýblıkasynyń aýmaǵynda aınalymǵa kólik quraldaryn shyǵarýmen aınalysatyn uıymdar; 5) Qazaqstan Respýblıkasynyń aýmaǵynda paıdalanýda turǵan jáne shaqyrý qurylǵysymen jaraqtalǵan kólik quraldarynyń menshik ıeleri bolyp tabylady. 7. Shaqyrý qurylǵysymen jaraqtandyrý: 1) shaqyrý qurylǵysymen jaraqtandyrýǵa jatatyn kóliktik quraldar menshik ıeleri (ıeleri) kólikte ornatylǵan shuǵyl qımyldaıtyn jedel qyzmetterdiń shaqyrý qurylǵysyn shuǵyl shaqyrý júıesiniń operatorynda tirkeıdi. 2) shaqyrý qurylǵysyn tirkeý men esepke alýdy shuǵyl shaqyrý júıesiniń operatory júzege asyrady. 8. Qazaqstan Respýblıkasynyń aýmaǵynda paıdalanymdaǵy jáne menshik ıesiniń bastamasy boıynsha shaqyrý qurylǵysymen jaraqtalǵan kólik quraldary shuǵyl shaqyrý júıesi operatoryna osy Qaǵıdalardyń 10-tarmaǵynyń 3) tarmaqshasynda kórsetilgen aqparatty, sondaı-aq shaqyrý qurylǵysy abonentiniń jeke tirkeý nómirin usynady. 9. Uıaly baılanys operatorlary eCall týyn shuǵyl shaqyrý júıesi operatoryna berýdi qamtamasyz etedi, sondaı-aq basymdyqty shaqyrýdy jáne zardap shekkendi nemese Qazaqstan Respýblıkasynyń avtomobıl joldaryndaǵy jol-kólik oqıǵalary men ózge de tótenshe jaǵdaılarda zardap shekkenderdi shuǵyl shaqyrý júıesi operatorymen eki jaqty qosýdy júzege asyrady. 10. Shuǵyl shaqyrý júıesiniń aqparattyq resýrsy ózine mynalardy qamtıdy: 1) kartografııalyq aqparat; 2) shaqyrý qurylǵysynan túsken sıgnaldardy qabyldaý negizinde alynǵan kólik quralynyń ornalasqan jeri týraly aqparat; 3) shuǵyl shaqyrýdyń tirkelgen qurylǵylarymen jaraqtalǵan kólik quraldary, memlekettik tirkeý belgileri, kólik quralynyń sáıkestendirý nómirleri (olar bolǵan jaǵdaıda), kólik quraldary shanaqtarynyń nómiri, markasy, úlgisi, túsi týraly aqparat; 4) Qazaqstan Respýblıkasynyń avtomobıl joldaryndaǵy jol-kólik oqıǵalary týraly jáne ózge de tótenshe jaǵdaılar týraly aqparat berilgen shaqyrý qurylǵysynan berilgen koordınattyq-ýaqyttyq aqparat; 5) Qazaqstan Respýblıkasynyń avtomobıl joldaryndaǵy jol-kólik oqıǵalary men ózge de tótenshe jaǵdaılar týraly kólik quraldarynyń jaǵdaıyn baqylaıtyn datchıkterdiń kómegimen alynǵan qosymsha aqparat (ol bolǵan jaǵdaıda); 6) shaqyrý qurylǵysynan jáne kóliktiń jaǵdaıyn baqylaıtyn datchıkterinen shuǵyl qımyldaıtyn jedel qyzmetterge berilgen aqparat; 7) Qazaqstan Respýblıkasynyń avtomobıl joldaryndaǵy jol-kólik oqıǵalary men ózge de tótenshe jaǵdaılarǵa den qoıý sharalary týraly aqparat: Qazaqstan Respýblıkasynyń avtomobıl joldaryndaǵy jol-kólik oqıǵalary men ózge de tótenshe jaǵdaılarǵa den qoıýdy júzege asyrǵan shuǵyl qımyldaıtyn jedel qyzmetter bólimsheleriniń ataýy; shuǵyl den qoıý qyzmetteriniń bólimshelerine berilgen aqparattyń naqty ýaqyty; Qazaqstan Respýblıkasynyń avtomobıl joldaryndaǵy jol-kólik oqıǵalary men ózge de tótenshe jaǵdaılarǵa den qoıýdyń bastapqy ýaqyty; Qazaqstan Respýblıkasynyń avtomobıl joldaryndaǵy jol-kólik oqıǵalary men ózge de tótenshe jaǵdaılar bolǵan jerge bólimshelerdiń kelý ýaqyty. 8) Qazaqstan Respýblıkasynyń avtomobıl joldaryndaǵy shuǵyl shaqyrý júıesinde óńdelgen jol-kólik oqıǵalary men ózge de tótenshe jaǵdaılar týraly statıstıkalyq jáne taldamalyq aqparat. 3. Shuǵyl shaqyrý júıesin paıdalaný tártibi 11. Shuǵyl shaqyrý júıesiniń operatory aqparatty óńdeýdi aqparatty qorǵaý sharalaryn qamtamasyz etip, qupııalylyq jaǵdaıynda júzege asyrady. 12. Shuǵyl shaqyrý júıesinde ornalastyrylǵan aqparat: 1) Qazaqstan Respýblıkasynyń avtomobıl joldaryndaǵy jol-kólik oqıǵalary men ózge de tótenshe jaǵdaılar týraly shuǵyl qımyldaıtyn jedel qyzmetterge; 2) óz menshigindegi (ıeligindegi) kólik quraldarynyń koordınattyq-ýaqyttyq parametrleri jáne shuǵyl qımyl­daıtyn qyzmetterdiń sıgnaldy qabyldaýy jáne den qoıýdy bastaýy týraly Qazaqstan Respýblıkasynyń aýmaǵynda shaqyrý qurylǵylarymen jaraqtalǵan kólik quraldaryn paıdalanatyn menshik ıelerine (ıelerine) usynylady. 13. Osy Qaǵıdalardyń 10-tarmaǵynyń 4) tarmaqshasynda kórsetilgen aqparat shaqyrý qurylǵysynyń kómegimen qalyptasyp, shuǵyl shaqyrý júıesine aqparat ıeleri kólik quraldarynda ornatylǵan shaqyrý qurylǵylarynyń túrine qaraı avtomatty rejımde nemese qolmen rejıminde beriledi. Aqparat avtomatty rejımde baǵdarlamalyq-tehnıkalyq quraldarmen qalyptastyrylady. 14. Osy Qaǵıdalardyń 10-tarmaǵynyń 7) tarmaqshasynda kórsetilgen aqparat shuǵyl shaqyrý júıesinde shuǵyl qımyldaıtyn jedel qyzmetter ornalastyrady. 15. Aqparatty júıege ornatýǵa beretin aqparat ıeleri kórsetilgen aqparattyń tolyqtyǵyn jáne anyqtyǵyn qamtamasyz etedi. 16. Shaqyrý qurylǵysyn ornatý jáne belsendilendirý rásimin ótkizgennen keıin servıstik ortalyq kelesi jumys kúninen kesh emes merzimde shuǵyl shaqyrý júıe operatoryna avtokóliktiń ıesi (ıesi) týraly, sonyń ishinde shuǵyl shaqyrý júıesin paıdalanýshynyń kartochkasyn qalyptastyrý maqsatynda avtokóliktiń jekelegen sáıkestendirý belgilerine qatysty aqparatty jiberedi. 17. Shuǵyl shaqyrý júıesiniń operatory paıdalanýshylardyń kartochkasyn shuǵyl shaqyrý júıesiniń derekqorynda derbes qalyptastyrady. 18. Shuǵyl shaqyrý júıesiniń derekqoryn shuǵyl shaqyrý júıesiniń operatory 112 qyzmeti usynatyn aqparatty osyndaı aqparattyń túsýine jáne onyń jańartylýyna ne túzetilýine qaraı jınaý, óńdeý, jınaqtaý jáne saqtaý jolymen qalyptastyrady. 19. Shuǵyl qımyldaıtyn jedel qyzmetter men shuǵyl shaqyrý júıesiniń operatory arasyndaǵy aqparat almasý aqparat júıelerdi jáne aqparattyq tehnologııalardy, onyń ishinde aqparatty elektrondyq ádistermen berýge negizdelgenderdi, sondaı-aq olardy qamtamasyz etý quryldaryn paıdalaný arqyly jasalady. 20. Shuǵyl shaqyrý júıesiniń operatory shuǵyl shaqyrý júıesiniń derekqorlaryn qalyptastyrý úshin 112 qyzmetimen aqparatty aı saıynǵy salystyrýdy júrgizedi. 21. Shuǵyl shaqyrý júıesi men 112 qyzmeti táýlik boıǵy rejımde jumys isteıdi jáne shaqyrýlarǵa shuǵyl den qoıýdy uıymdastyrýǵa udaıy daıyndyqta bolady. 22. Jahandyq navıgasııalyq spýtnıktik júıelerdiń sıgnaldary men derekterin qabyldaýdy jáne shuǵyl shaqyrý júıesindegi habarlamalardy óńdeýdi shuǵyl shaqyrý júıesi operatorynyń personaly júzege asyrady, ol habarlamalardyń anyqtyǵyn tekseredi, oqıǵanyń negizgi sıpattamasyn engizedi, sondaı-aq shaqyrýdyń anyqtyǵy rastalǵan kezde ony 112 qyzmetine berýdi uıymdastyrady. 23. 112 qyzmeti shuǵyl shaqyrý júıesi operatorynan shuǵyl habarlamalardy qabyldap, óńdep, ony Qazaqstan Respýblıkasy avtomobıl joldaryndaǵy jol-kólik oqıǵalary men ózge de tótenshe jaǵdaılardyń saldarlaryn joıý úshin tıisti shuǵyl qımyldaıtyn jedel qyzmetterge jetkizýdi qamtamasyz etedi. 24. Oqıǵaǵa den qoıý is-sharalaryn úılestirýdi, den qoıý nátıjeleri boıynsha alynǵan aqparatty taldaýdy, is-qımyldy anyqtaý men naqtylaýdy, tartylǵan jáne ózara is-qımyl jasaıtyn shuǵyl qımyldaıtyn jedel qyzmetterdiń kezekshilik-dıspetcherlik qyzmetterine tótenshe jedel qyzmetterdiń kezekshi dıspetcherlik qyzmetterine qabyldanǵan jáne is asyrylyp jatqan sharalar týraly habarlaýdy 112 qyzmetiniń personaly júzege asyrady. 112 qyzmeti shuǵyl shaqyrý júıesine qabyldanǵan habarlamaǵa jedel den qoıý boıynsha is-sharalardyń barysy týraly jáne aıaqtalǵandyǵy týraly aqparatty beredi. 25. Shuǵyl shaqyrý júıesi jáne 112 qyzmeti oqıǵalardyń negizgi sıpattamalary týraly, olardyń bastalýy, aıaqtalýy jáne alynǵan habarlamalarǵa shuǵyl den qoıýdyń negizgi nátıjeleri týraly derekqor júrgizedi, shaqyrý qurylǵysynan alynǵan Qazaqstan Respýblıkasynyń avtomobıl joldaryndaǵy jol-kólik oqıǵalary jáne ózge de tótenshe jaǵdaılar týraly habarlamalardyń barlyq kiris jáne shyǵys habarlamalaryn tirkeıdi. 26. Shuǵyl habarlamalardy berý men kólik quraldaryndaǵy adamdarmen eki jaqty dybystyq baılanysty ornatý biryńǵaı «112» nómirine shuǵyl shaqyrý (osy shaqyrýǵa qyzmet kórsetý úshin ornatylǵan sáıkestendirýshilerdiń biri) arqyly júzege asyrylady. 27. Shuǵyl shaqyrý júıesi jáne 112 qyzmeti qosylý kenet úzilgen jaǵdaıda, shaqyrý qurylǵysynan júgingen adamnyń paıdalaný (sońǵy) jabdyǵymen qosylýdy avtomatty túrde qalpyna keltirý múmkindigin qarastyrady. 28. Shuǵyl kómek kórsetýge suraý salý shuǵyl shaqyrý júıesimen bastamashylyq jasaý arqyly shaqyrý qurylǵysymen júzege asyrylady jáne mynadaı tásildermen júzege asyrylady: 1) Qazaqstan Respýblıkasynyń avtomobıl joldaryndaǵy jol-kólik oqıǵalary jáne ózge de tótenshe jaǵdaılar kezinde kólik quralynyń júrgizýshisi nemese jolaýshysy shaqyrý qurylǵysy paıdalanýshysynyń ınterfeıs blogyndaǵy «shuǵyl shaqyrý» knopkasyn basý arqyly júzege asyrylatyn, qolmen shuǵyl shaqyrýǵa bastamashylyq jasaý; 2) shaqyrý qurylǵysy avtomatty túrde iske qosylǵan kezde shuǵyl shaqyrýǵa bastamashylyq jasaý. 29. Bastamashylyq jasaý tásiline qaramaı, shuǵyl shaqyrýǵa bastamashylyq jasaý sátinde shaqyrý qurylǵysynyń shuǵyl habarlamasy quramynda berilýge jatatyn jol-kólik oqıǵasy týraly derekterdiń eń az jıyntyǵyn avtomatty túrde qalyptastyrý júzege asyrylady. 30. Shaqyrý qurylǵysynan habarlamany alǵannan keıin shuǵyl shaqyrý júıesiniń operatory habarlamany óńdeýdi júrgizedi. 31. Habarlamany óńdeý kezinde shuǵyl shaqyrý júıesiniń operatory Qazaqstan Respýblıkasynyń avtomobıl jol­da­ryndaǵy jol-kólik oqıǵalary jáne ózge de tótenshe jaǵdaılar týraly sıgnaldyń durystyǵyn anyqtaıdy. Du­rys habar­lamany óńdeý prosesiniń aıaqtalý nysany qalyptastyrǵan «shuǵyl shaqyrý» kartochkasy bolyp tabylady. 32. «Shuǵyl shaqyrý» kartochkasyn qalyptastyrylǵannan keıin shuǵyl shaqyrý júıesiniń operatory «shuǵyl shaqyrý» sıgnalyn 112 qyzmetine berýdi uıymdastyrady. 33. Shuǵyl shaqyrý júıesiniń operatory shaqyrý qurylǵysynan alynǵan shuǵyl habarlamalardy suryptaýdy qosa alǵanda, qabyldaýdy jáne óńdeýdi, olardyń negizinde jáne shuǵyl shaqyrý júıesiniń shuǵyl habarlamalarynyń qosymsha aqparatyn paıdalaný negizinde daıyndaý jáne olardy baǵdarlamalyq-aqparattyq quraldardy jáne shuǵyl shaqyrý júıesiniń ınfraqurylymyn paıdalaný arqyly 112 qyzmetine jetkizýdi qamtamasyz etedi. 34. «Shuǵyl shaqyrý» sıgnalyn alǵan kezde 112 qyzmetiniń jedel kezekshisi shuǵyl qımyldaıtyn kómektiń qajet kólemin anyqtaıdy, zardap shekkenderge sapaly shuǵyl qımyldaıtyn jedel kómekti uıymdastyrylýy úshin qajetti kúshter men quraldardy anyqtaıdy jáne shuǵyl qımyldaıtyn jedel qyzmetterdiń oqıǵa ornyna shyǵýyn uıymdas­tyrady. Qajet bolǵan jaǵdaıda 112 qyzmetiniń jedel kezekshisi jol-kólik oqıǵasy zardap shegýshige/zardap shegýshilerge psıhologııalyq kómekti uıymdastyrady, sondaı-aq jol-kólik oqıǵasy bolǵan jerde avarııalyq-qutqarý quramalarynyń is-qımyl jasaýynyń turaqty monıtorıngin jáne aǵymdaǵy jaǵdaı týraly aqparatty jetkizýdi júzege asyrady. 35. Zardap shekkenderge kórsetilgen shuǵyl kómek qorytyndylary boıynsha 112 qyzmetiniń jedel kezekshisi shuǵyl shaqyrý júıesiniń operatoryna atqarylǵan is-sharalar týraly aqparat jiberedi, onyń negizinde shuǵyl shaqyrý júıesiniń operatory «shuǵyl shaqyrý» kartochkasyn jabý boıynsha is-qımyl júrgizedi. Buıryq Qazaqstan Respýblıkasynyń Ádilet mınıstrliginde 2015 jylǵy 19 maýsymda Normatıvtik quqyqtyq kesimderdi memlekettik tirkeýdiń tizilimine №11403 bolyp engizildi.