Qazaqstan Respýblıkasy Investısııalar jáne damý mınıstrliginiń buıryǵy №474

  2015 jylǵy 21 sáýir , Astana qalasy Paıdaly qazbalar qorlaryn memlekettik balansqa qosý jáne olardy memlekettik balanstyń esebinen shyǵarý qaǵıdalaryn bekitý týraly «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasy Zańynyń 20-baby 32-7) tarmaqshasyna sáıkes buıyramyn: 1. Qosa berilip otyrǵan Paıdaly qazbalar qorlaryn memlekettik balansqa qosý jáne olardy memlekettik balanstyń esebinen shyǵarý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Geologııa jáne jer qoınaýyn paıdalaný komıteti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILGEN» Qazaqstan Respýblıkasynyń Ulttyq ekonomıka mınıstri ______________ E.Dosaev 2015 jylǵy 18 shilde «KELISILGEN» Qazaqstan Respýblıkasynyń Energetıka mınıstri ______________ V.Shkolnık 2015 jylǵy 5 mamyr Qazaqstan Respýblıkasy Investısııalar jáne damý mınıstriniń 2015 jylǵy 21 sáýirdegi №474 buıryǵymen bekitilgen Paıdaly qazbalar qorlaryn memlekettik balansqa qosý jáne olardy memlekettik balanstyń esebinen shyǵarý qaǵıdalary 1. Jalpy erejeler 1. Osy Paıdaly qazbalar qorlaryn memlekettik balansqa qosý jáne olardy memlekettik balanstyń esebinen shyǵarý qaǵıdalary (budan ári – Qaǵıdalar) «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańynyń 20-baby 32-7) tarmaqshasyna sáıkes ázirlendi jáne paıdaly qazbalar qorlaryn memlekettik balansqa qosý jáne olardy memlekettik balanstan shyǵarý tártibin anyqtaıdy. 2. Jer qoınaýyn zertteý men paıdalaný jónindegi ýákiletti organ (budan ári – ýákiletti organ) paıdaly qazbalar qorlarynyń memlekettik balansyn jasaýdy uıymdastyrady jáne júrgizedi. 2. Paıdaly qazbalar qorlaryn memlekettik balansqa qosý tártibi 3. Memlekettik balansqa mynalar engiziledi: Qazaqstan Respýblıkasynyń jer qoınaýynda barlanǵan paıdaly qazbalardyń barlyq túrleriniń qorlary; ken oryndaryn paıdalaný kezinde jer qoınaýyndaǵy paıdaly qazbalardy óndirý men olardyń shyǵyndarynyń derekteri. Memlekettik balansqa burynǵy KSRO-nyń (1991 jylǵa deıingi) Paıdaly qazbalar qorlary jónindegi memlekettik jáne aýmaqtyq komıssııalar buryn bekitken paıdaly qazbalardyń qorlary engizilgen. 4. Memlekettik balans kommersııalyq tabýlar boıynsha paıdaly qazbalardyń árbir túri qorlarynyń mólsheri, sapasy men zerttelý dárejesi týraly, olardy ornalastyrý týraly, ónerkásiptik ıgerý dárejesi, óndirilýi, shyǵyndary jáne ónerkásiptiń paıdaly qazbalardyń barlanǵan qorlarymen qamtamasyz etilýi týraly málimetterdi qamtýǵa tıis. 5. Paıdaly qazbalar qorlary jónindegi memlekettik komıssııasynyń oń hattamalyq sheshimi (budan ári – PQQMK hattamasy) paıdaly qazbalar qorlaryn memlekettik balansqa engizý úshin negiz bolyp tabylady. 6. Memlekettik balansqa engiziletin paıdaly qazbalar qorlary: aldyńǵy jyldyń qorlary; eseptiń jyly jer qoınaýynan óndirilgen; eseptiń jyly óndirý prosesinde shyǵynǵa ushyraǵan; balansty jasaý kúnindegi qorlar bolyp bólinedi. Keıingi geologııalyq barlaý jumystary (barlaý, qaıta baǵalaý, qorlardy esepten shyǵarý, tehnıkalyq shekaralar­dy ózgertý) men paıdalaný kezinde paıdaly qazbalardyń qorlarynan aýytqý qosý jáne azaıtý belgisimen qamtylady. 7. Jer qoınaýynyń jaı-kúıi týraly geologııalyq eseptilikti jer qoınaýyn paıdalanýshylar «Jer qoınaýynyń jaı-kúıi týraly geologııalyq eseptilikti usyný nysanyn bekitý týraly» Qazaqstan Respýblıkasy Investısııalar jáne damý mınıstriniń 2015 jylǵy 27 aqpandaǵy № 254 buıryǵymen (normatıvtik quqyqtyq aktilerdi memlekettik tirkeý reestrinde № 10833 bolyp tirkeldi) (budan ári – geologııalyq eseptilik nysany) bekitilgen nysandarǵa sáıkes eseptik jyldan keıingi jyldyń 15 aqpanyna deıin jyl saıyn ýákiletti organnyń aýmaqtyq bólimshelerine usynady. 8. Usynylǵan geologııalyq eseptilik nysandarynyń negizinde aýmaqtyq bólimsheler oblystar boıynsha paıdaly qazbalar qorlarynyń balansyn jasaıdy jáne eseptik jyldan keıingi jyldyń 1 mamyryna deıingi merzimde ýákiletti organǵa memlekettik balansqa engizý úshin usynady. 9. Ýákiletti organ jyl saıyn esepti jyldan keıingi jyldyń 1 shildesine deıingi merzimde aýmaqtyq bólimshe usynǵan paıdaly qazbalar qorlarynyń balansy negizinde paıdaly qazbalardyń túrleri boıynsha memlekettik balansty jasaıdy. 3. Paıdaly qazbalar qorlaryn memlekettik balanstan shyǵarý tártibi 10. О́ndirilgen, sondaı-aq óndirý prosesinde shyǵynǵa ushyraǵan paıdaly qazbalar qorlaryn esepten shyǵarý bastapqy esepke alý materıaldaryna negizdelgen geologııalyq eseptilik nysany negizinde olardy tolyq esepten shyǵarý jolymen júrgiziledi. 11. Odan ári geologııalyq barlaý jumystarynyń prosesinde paıdaly qazbalardyń balanstyq qorlarynyń rastalmaýyn ne sanattardyń senimdilik dárejesiniń normatıvtik qatelikteri sheginde paıdalanylýyn jer qoınaýyn paıdalanýshy derbes resimdeıdi, al normatıvtik qatelikterden artyp ketetin mınýs belgisi bar qorlar rastalmaǵan jaǵdaıda, Zańnyń 121-babynyń 2-tarmaǵyna sáıkes barlanǵan paıdaly qazbalardyń qoryn ıgerýdiń rentabeldigi týraly memlekettik saraptamanyń qorytyndysy (budan ári – memlekettik saraptamanyń qorytyndysy) bolǵan kezde memlekettik balansqa túzetýler engizýge jol beriledi. 12. Jańadan belgilengen kondısııalarǵa sáıkes kelmeýine baılanysty ónerkásiptik mańyzyn joıǵan, tehnıkalyq-ekonomıkalyq nemese taý-ken tehnıkalyq sebepteri boıynsha jumyspen óteýge orynsyz, keıinnen geologııalyq barlaý jumystary men jumyspen óteý kezinde normatıvtik qatelikterdiń rastalmaýy artyp ketetin paıdaly qazbalar qorlaryn esepten shyǵarý PQQMK hattamasynyń negizinde júzege asyrylady. 13. Paıdalanylýy bekitilgen kondısııalarǵa sáıkes qazirgi ýaqytta ekonomıkalyq orynsyz nemese tehnıkalyq ári tehnologııalyq jaǵynan múmkin emes, biraq odan ári balanstyqqa aýystyrylýy múmkin óndirýshi kásiporyndardy joıý nemese konservasııalaý kezinde paıdaly qazbalardyń jumyspen ótelgen balanstyq qorlaryn esepten shyǵarý nemese olardy balanstan tys qorlardyń tobyna aýystyrý PQQMK hattamasynyń negizinde júzege asyrylady. Buıryq Qazaqstan Respýblıkasynyń Ádilet mınıstrliginde 2015 jylǵy 20 tamyzdaǵy Normatıvtik quqyqtyq kesimderdi memlekettik tirkeýdiń tizilimine № 11916 bolyp engizildi.