Qazaqstan Respýblıkasy Investısııalar jáne damý mınıstrliginiń buıryǵy  №274 

  2016 jylǵy 16 naýryz,Astana qalasy Aqparattandyrý salasyndaǵy taýarlardy, jumystar men kórsetiletin qyzmetterdi memlekettik satyp alýǵa arnalǵan shyǵystardyń esep-qısabyn jasaý, usyný jáne qaraý jónindegi nusqaýlyqty bekitý týraly «Aqparattandyrý týraly» 2015 jylǵy 24 qarashadaǵy Qazaqstan Respýblıkasynyń Zańy 7 - baby 21) tarmaqshasyna sáıkes, buıyramyn: 1. Qosa berilip otyrǵan Aqparattandyrý salasyndaǵy taýarlardy, jumystar men kórsetiletin qyzmetterdi memlekettik satyp alýǵa arnalǵan shyǵystardyń esep-qısabyn jasaý, usyný jáne qaraý jónindegi nusqaýlyq bekitilsin. 2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıtetine (T.B.Qazanǵap): 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń osy tar­maǵynyń tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Investısııalar jáne damý mınıstriniń mindetin atqarýshy J. QASYMBEK «KELISILGEN» Qazaqstan Respýblıkasynyń Ulttyq ekonomıka mınıstri _______________ E.Dosaev 2016 jylǵy 16 naýryz Qazaqstan Respýblıkasy Investısııalar jáne damý Mınıstriniń mindetin atqarýshysynyń 2016 jylǵy 16 naýryzdaǵy №274 buıryǵymen bekitilgen Aqparattandyrý salasyndaǵy taýarlardy, jumystardy, qyzmetterdi memlekettik satyp alý shyǵystarynyń esebin jasaý, usyný jáne qarastyrý jónindegi nusqaýlyq 1. Jalpy erejeler 1. Osy aqparattandyrý salasyndaǵy taýarlardy jumystardy, qyzmetterdi memlekettik satyp alý shyǵystarynyń esebin jasaý, usyný jáne qarastyrý jónindegi nusqaýlyq (budan ári - Nusqaýlyq) «Aqparattandyrý týraly» 2015 jylǵy 24 qarashadaǵy Qazaqstan Respýblıkasy Zańynyń 7-babynyń 21) tarmaqshasyna sáıkes (budan ári – Zań) aqparattandyrý salasyndaǵy taýarlardy jumystardy, qyzmetterdi memlekettik satyp alý shyǵystarynyń esebin jasaý, usyný jáne qarastyrý (budan ári – shyǵystar esebi) prosesin naqtylaý maqsatynda ázirlendi. 2. Aqparattandyrý salasyndaǵy ýákiletti organ (budan ári – ýákiletti organ) «elektrondyq úkimettiń» arhıtektýralyq portaly arqyly (budan ári - Portal) bıýdjettik baǵdarlamalardyń ákimshilerin (budan ári - ákimshi) shyǵystardyń esebin berý merziminiń bastalýy jáne aıaqtalýy týraly aldyn ala eskertýdi, qujattardy qabyldaý týraly ýaqytyly habarlaýdy, shyǵyndardyń esebin pysyqtaý boıynsha eskertýler men usynystardy, qorytyndylardy, shyǵyndardyń esebin jasaý, usyný jáne qarastyrý kezinde aqparattandyrý salasyndaǵy saraptamalyq keńes (budan ári – Saraptamalyq keńes) otyrystarynyń hattamalaryn jiberýdi qamtamasyz etedi. 2. Aqparattandyrý salasyndaǵy taýarlardy, jumystardy, qyzmetterdi memlekettik satyp alý shyǵystarynyń esebin jasaý 3. Aqparattandyrý salasyndaǵy taýarlardy, jumystardy, qyzmetterdi memlekettik satyp alý shyǵystaryn jasaý kezinde ákimshi: 1) Zańnyń 6-babynyń 3) tarmaqshasyna sáıkes bekitiletin aqparattyq-kommýnıkasııalyq tehnologııa salasynda biryńǵaı talaptardy saqtaýdy jáne aqparattyq qaýipsizdikti qamtamasyz etedi; 2) aqparattandyrýdyń servıstik modeline ótý basymdyǵyn jáne aqparattyq-kommýnıkasııalyq qyzmetterdi alýdy qamtamasyz etedi; 3) shyǵystardyń esebin memlekettik organ arhıtektýrasynda – ákimshide bekitilgen esepke sáıkestigin qamtamasyz etedi; 4) aktıvterdi paıdalanýdyń kezeńine, sondaı-aq engiziletin jáne taralatyn aqparattyq júıelerdiń talaptaryna jáne merzimderine sáıkes olardy qaıta jabdyqtaýdy jáne aýystyrýdy júzege asrady; 5) shyǵystardyń qosarlanýyn boldyrmaıdy; 6) shyǵystardyń negizdelgen esebin jasaý úshin tıisti taýarlardyń, jumystardyń jáne qyzmetterdiń naryqtaǵy usynystaryn zertteıdi; 7) lısenzııalyq baǵdarlamalyq qamtamasyz etýdi paıdalaný kezinde «Avtorlyq quqyq jáne sabaqtas quqyqtar týraly» Qazaqstan Respýblıkasynyń 1996 jylǵy 10 maýsymdaǵy Zańynyń talaptaryn saqtaýdy qamtamasyz etedi; 8) aqparattyq-kommýnıkasııalyq ınfraqurylymdar komponentteriniń toqtaýsyz jumys isteýin qamtamasyz etedi. 4. Bıýdjettik ınvestısııany júzege asyrýǵa baǵyttalǵan bıýdjettik baǵdarlamalar (kishi baǵdarlama) boıynsha shyǵystardyń mólsheri bekitilgen tehnıka-ekonomıkalyq negizdeme, qarjy-ekonomıkalyq negizdeme sheńberinde bıýdjettik ınvestısııalyq jobalar komponentteriniń qunynan aspaıdy. 5. Shyǵystarynyń esebin jasaý kezinde ákimshi aqparattandyrý boıynsha shyǵystar basymdyqtaryna saı osy Nusqaýlyqqa 2-qosymshaǵa sáıkes aqparattandyrý salasyndaǵy taýarlardy, jumystardy, qyzmetterdi memlekettik satyp alý shyǵystar esebiniń basymdylyǵa sáıkes (budan ári – Shyǵystar esebiniń basymdylyǵy) basym is-sharalardy qarjylandyrýdy qarastyrady. 6. Ákimshi shyǵystardy Zańnyń 7-babyna 29) qosymshaǵa sáıkes bekitiletin aqparattyq-kommýnıkasııalyq qyzmet Katalogindegi (budan ári – Katalog) málimetter boıynsha aqparattyq-kommýnıkasııalyq shyǵystardyń sáıkestigin tekseredi. 3. Aqparattandyrý salasyndaǵy taýarlardy, jumystardy, qyzmetterdi memlekettik satyp alý shyǵystarynyń esebin usyný 7. Ákimshi jyl saıyn aǵymdaǵy qarjylyq jyldyń 1 naýryzyna deıin arhıtektýralyq portal arqyly ýákiletti organnyń qaraýyna elektrondyq qujat nysanynda kezekti josparly kezeńge shyǵystardyń esebin engizedi. 8. Qupııa sıpattaǵy málimetti quraıtyn shyǵystardyń esebi ýákiletti organǵa qaǵaz tasyǵyshta usynylady jáne «Memlekettik qupııalar týraly» 1999 jylǵy 15 naýryzdaǵy Qazaqstan Respýblıkasy Zańynyń 25-babynda belgilengen tártipte jáne rejımdi saqtaı otyryp qaralady. 9. Shyǵystardyń esebin qarastyrýdan bas tartý: 1) Shyǵystar esebiniń nysany men mazmuny Qazaqstan Respýblkasynyń Zańy men bıýdjettik zańnama talaptaryna sáıkes kelmese; 2) Osy Nusqaýlyqtyń 11 jáne 12 tarmaqtaryna sáıkes qujattardy usynbaǵan jaǵdaılarda júzege asyrylady. 10. Aǵymdaǵy qarjylyq jyldyń bıýdjetine túzetýdi nemese naqtylaýdy júrgizgen kezde ákimshi shyǵystardyń esebin bıýdjettiń túzetilýin nemese naqtylaýyn júrgizý týraly bıýdjettik josparlaý boıynsha ýákiletti organ habarlaǵan sátten bastap on bes kúntizbelik kún ishinde elektrondyq qujat túrinde arhıtektýralyq portaldy paıdalana otyryp, nemese osy Nusqaýlyqtyń 8 tarmaǵynda kózdelgen qaǵaz tasyǵyshta qupııa sıpattaǵy málimetti quraıtyn ýákiletti organǵa engizedi. 11. Katalogte aqparattyq-kommýnıkasııalyq qyzmetter bar bolǵan jaǵdaıda ákimshi kelesi qujattardy usynady: 1) Qazaqstan Respýblıkasy Qarjy mınıstriniń 2014 jylǵy 24 qarashadaǵy № 511 buıryǵymen (normatıvtik quqyqtyq aktilerdi memlekettik tirkeý tiziliminde №10007 tirkelgen) (budan ári – Bıýdjettik ótinimdi jasaý jáne usyný qaǵıdalary) bekitilgen túsindirmelik jazba; 2) Aqparattyq-kommýnıkasııalyq ınfraqrylym operetorynyń kommersııalyq usynysynyń kóshirmesi. 12. Katalogke engizilmegen, taýarlardy, jumystar men qyzmetterdi satyp alý jónindegi shyǵystar esebine kelesi qujattar jatady: 1) Bıýdjettik ótinimderdi jasaý jáne usyný qaǵıdalarynyń talaptaryna sáıkes túsindirmelik jazba; 2) naqtylaı otyryp, kem degende eki áleýetti jetkizýshiden kommersııalyq usynystardyń kóshirmeleri; taýarlar (taýarlar birliginiń sany, taýardyń sıpattamasy, taýarlyń quny); jumystar men qyzmetter (jumystaǵy jáne (nemese) qyzmettegi operasııalardyń sıpattamasy), jumystaǵy jáne (nemese) qyzmettegi opersııalaryń sany, jumystaǵy jáne (nemese) qyzmettegi bir operasııany ótkizýge tartylǵan adamdaryń sany men ýaqyty), jumystaǵy jáne (nemese qyzmettegi opersııalaryń quny men qyzmet kórsetken adamdardyń sany). 3) ákimshiniń baılanys tulǵasy týraly málimetteri, (bar bolǵan jaǵdaıda tegi, aty, ákesiniń aty) laýazymy, telefony, elektrondyq poshtasy; 4) bekitilgen ınvestısııalyq usynystardyń, tehnıkalyq-ekonomıkalyq negizdemelerdiń, qarjy-ekonomıkalyq negizdemelerdiń, memlekettik ınvestısııalyq jobalardy ázirlegen jáne arhıtektýralyq portalda joq bolǵan jaǵdaıda memlekettik-jeke seriktestik tujyrymdamasynyń kóshirmeleri; 5) ákimshiniń bekitilgen shtat sanynyń kóshirmeleri. 13. Aqparattandyrý salasyndaǵy taýarlardy satyp alý boıynsha shyǵystardy negizdeý úshin arhıtektýralyq por­talda bolmaǵan jaǵdaıda osy Nusqaýlyqtyń 11 jáne 12-tarmaqtarynda kórsetilgen qujattarǵa qosymsha mynalar: 1) aktıvter jáne olardyń aǵymdaǵy balanstyq quny boıynsha kóshirmesi, onyń ishinde memlekettik organ aktıvteriniń tozý tizilimi; 2) teńgerimge alynbaǵan aqparattyq-kommýnıkasııalyq ınfraqurylymdardyń obektilerin (taýardyń quny, taýardyń ataýy, tehnıkalyq erekshelikteriniń elektrondyq kóshirmeleri) memlekettik satyp alý týraly sharttardaǵy málimetter (olar bar bolǵan jaǵdaıda); 3) aqparattyq-kommýnıkasııalyq ınfraqurylymdar obektileriniń tehnıkalyq jaǵdaıy, paıdalanýdan alynýy jáne iske jaratý týraly málimetter beriledi. 14. Aqparattandyrý salasyndaǵy taýarlardy satyp alý boıynsha shyǵystardy negizdeý úshin arhıtektýralyq por­talda bolmaǵan jaǵdaıda osy Nusqaýlyqtyń 11 jáne 12-tarmaqtarynda kórsetilgen qujattarǵa qosymsha mynalar: 1) oryndalǵan jumystar men kórsetilgen qyzmetter boıynsha úsh jyldyq kezeńge uqsas jumystardy jáne qyzmetterdi (jumystar men qyzmetterdiń kólemi, jumystar men qyzmetterdiń quny, jumystar men qyzmetterdiń ataýlary, tehnıkalyq erekshelikterdiń elektrondyq kóshirmeleri) memlekettik satyp alý týraly sharttardaǵy málimetter (olar bar bolǵan jaǵdaıda); 2) kezekti qarjy jylyna aqparattandyrý salasyndaǵy jumystardy jáne qyzmetterdi satyp alýǵa josparlanǵan tehnıkalyq erekshelikterdiń kóshirmeleri; 3) oryndalǵan jumystardyń naqty kólemin kórsete otyryp, úsh jyldyq kezeńge uqsas jumystar men qyzmetterdiń oryndalǵan jumystarynyń (kórsetilgen qyzmetterdiń) aktilerindegi málimetter (olar bar bolǵan jaǵdaıda) beriledi. 15. Shyǵystardyń esebi arhıtektýralyq portalda málimetter jarııalanǵan kúnnen bastap, osy Nusqaýlyqtyń 8 tarmaǵynda kózdelgen qupııa sıpattaǵy málimetti quraıtyn shyǵystardyń esebi qaǵaz tasyǵyshta usynylǵan kúnnen bastap dep esepteledi. 4. Aqparattandyrý salasynda taýarlardy, jumystardy, qyzmetterdi memlekettik satyp alý shyǵystarynyń esebin qaraý 16. Ýákiletti organnyń shyǵystar esebin qaraýy qujattar túsken kúnnen bastap kúntizbelik otyz kúnnen aspaıtyn merzimde júzege asyrylady. Shyǵystar esebin osy Nusqaýlyqtyń 9-tarmaǵyna sáıkes qaraýdan bas tartylǵan jaǵdaıda, málimetter arhıtektýralyq portalǵa ornalastyrylǵan sátten bastap kúntizbelik on kúnniń ishinde ýákiletti organ shyǵystar esebin dáleldi sebeptermen bas tartyp, ákimshige qaıtarady. Shyǵystar esebin qaraý nátıjesinde eskertýler men usynystar bolǵan jaǵdaıda ýákiletti organ shyǵystar esebin pysyqtaý úshin ákimshige jiberedi. Eskertýler men usynystar bolmaǵan jaǵdaıda ýákiletti organ usynylǵan shyǵystar esebine, osy Nusqaýlyqqa 2-qosymshaǵa sáıkes taýarlardy, jumystardy, qyzmetterdi memlekettik satyp alý shyǵystarynyń esebine qorytyndy (budan ári - Qorytyndy) daıyndap, osy tarmaqtyń birinshi bóliginde kórsetilgen merzim ishinde shyǵystar esebimen Saraptaý keńesiniń qaraýyna joldaıdy. 17. Bıýdjetke túzetý nemese naqtylaý júrgizilgen kezde aǵymdaǵy qarjy jylyna arnalǵan shyǵystar esebin ýákiletti organ kúntizbelik otyz kún ishinde qaraıdy. 18. Ýákiletti organ shyǵystar esebin qaraǵan kezde mynalar eskeriledi: 1) ákimshi memlekettik organnyń – ákimshinyń bekitilgen arhıtektýrany iske asyrý barysy týraly aqparaty; 2) aqparattandyrý salasynda oryndalǵan jumystardyń jáne kórsetilgen qyzmetterdiń merzimderi, kólemderi men quny týraly málimetterdi qosa alǵanda, esepti qarjy jylyndaǵy bıýdjettik ınvestısııalardy júzege asyrýǵa arnalǵan bıýdjettik baǵdarlamalardyń (kishi baǵdarlamalardyń) oryndalýy; 3) aǵymdaǵy qarjy jylynyń bıýdjettik ınvestısııalaryn júzege asyrýǵa arnalǵan bıýdjettik baǵdarlamalardy (kishi baǵdarlamalardy) iske asyrý barysy týraly aqparat; 4) kezekti qarjy jyly men josparly kezeńge arnalǵan bıýdjettik ınvestısııalardy júzege asyrýǵa baǵyttalǵan bıýdjettik baǵdarlamalar boıynsha kútiletin tıimdilik pen nátıjeler týraly málimetter; 5) memlekettik organnyń arhıtektýralyq portaldaǵy aqparattandyrý obektileri týraly málimetteri; 6) ákimshiniń nemese basqa ákimshiler shyǵystarynyń negizdiligi jáne eseptik qarjy jylyndaǵy uqsas shyǵystarymen nemese is-sharalarmyn salystyrmalylyǵy (bolǵan kezde); 7) taýarlardyń, jumystar men kórsetiletin qyzmetterdiń josparly baǵalarynyń naryq baǵalarymen salystyrymdyǵy; 8) ákimshi aqparattandyrý obektileriniń tehnıkalyq jaı-kúıi, iske jaratylýy jáne balanstyq quny; 9) taýarlardyń, jumystardyń, kórsetiletin qyzmetterdiń josparly baǵalarynyń «Memlekettik satyp alý týraly» 2015 jylǵy 4 jeltoqsandaǵy Qazaqstan Respýblıkasy zańynda kózdelgen taýarlardyń, jumystardyń kórsetiletin qyzmetterdiń baǵalary derekqorynda qamtylǵandarǵa salystyrmalylyǵy; 10) aqparattandyrý salasyndaǵy shyǵystar esebiniń basymdylyǵy. 19. Memlekettik organnyń –ákimshisiniń bekitilgen arhıtektýrasynda kórsetilgen taýarlar, jumystar men kórsetiletin qyzmetterdiń shyǵystar esebi ýákiletti organnyń qaraýyna jatady. 20. Memlekettik organnyń – ákimshiniń bekitilgen arhıtektýrasy bolmaǵan jaǵdaıda ýákiletti organ shyǵystar esebin qaraýdy osy Nusqaýlyqtyń 11 jáne 12 tarmaqtarynda tizimdelgen málimetterdi taldaý arqyly júzege asyrady. 21. Ýákiletti organ shyǵystar esebin mynalarǵa qatysty qaraıdy: 1) negizsiz jáne artyq shyǵystardy joıý; 2) taýarlardyń, jumystar men kórsetiletin qyzmetterdiń kólemderin, sıpattamalaryn jáne qunyn ákimshiniń oryn alatyn qajettiligine jáne(nemese) ákimshiniń esepti qarjy jylyndaǵy uqsas shyǵyndarynyń naqty kólemderine, sapattamalary men qunyna sáıkestendirý; 3) balama shyǵystardyń bolýyn baǵalaý. 22. Aqparattandyrý obektisin aǵymdaǵy qarjylyq jylda paıdalanýdy toqtatý nemese «elektrondyq úkimettiń» aqparattyq-kommýnıkasııalyq tuǵyrnamasyna kóshirý qajettiligi jaǵdaıynda josparly kezeńde atalǵan aqparattandyrý obektisine bıýdjet qarajatyn bólý qoldanbaıdy. 23. Arhıtektýralyq portalda aqparattyq júıe tirkelmegen jaǵdaıda aqparattyq júıe men ilespe júıesiniń esepteý tehnıkalary men negizgi quraldaryn ustaý, tehnıkalyq qyzmet kórsetý boıynsha josparly kezeńge shyǵystary qoldanbaıdy. 24. Ýákiletti organnan shyǵystar esebi boıynsha eskertýler men usynystardy alǵan kúninen bastap ákimshi kúntizbelik segiz kúnniń ishinde arhıtektýralyq portaldaǵy shyǵystar esebin pysyqtaıdy jáne elektrondyq qujat túrinde ýákiletti organǵa qaıtadan qaraý úshin usynady. Aǵymdaǵy qarjy jylyna arnalǵan bıýdjetti túzetýdi nemese naqtylaýdy júrgizgen jaǵdaılarda ákimshi shyǵystar esebin kúntizbelik segiz kún ishinde pysyqtaıdy. Bul rette ákimshi shyǵystar esebin taýarlardyń, jumystar men kórsetiletin qyzmetterdiń bastapqy usynylǵan tizbesine jáne shyǵystar somasyna túzetýler men tolyqtyrýlar engizbeı, ýákiletti organnyń eskertýlerin jáne usynystaryn eskere otyryp, pysyqtaıdy. 25. Ýákiletti organ shyǵystar esebin qaıtadan qaraǵan kezde ákimshiniń shyǵystar esebin anyqtalǵan eskertýlerdiń joıylýyna jáne usynystardyń iske asyrylýyna qatysty tekseredi. 26. Aǵymdaǵy qarjy jylyna arnalǵan bıýdjetti túzetýdi nemese naqtylaýdy júrgizýdi qosa alǵanda, shyǵystar esebin qaıta qaraýdy ýákiletti organ kúntizbelik segiz kún ishinde júzege asyrady. Ýákiletti organ Qorytyndy daıyndaıdy jáne osy tarmaqtyń birinshi bóliginde kórsetilgen merzim ishinde ákimshiniń shyǵystar esebimen qosa Saraptaý keńesiniń qaraýyna joldaıdy. 27. Shyǵystar esebi kórsetilgen merzimde usynylmaǵan jaǵdaıda ákimshiniń shyǵystar esebi Saraptaý keńesiniń qaraýyna shyǵarylmaıdy. 28. Ýákiletti organnyń eskertýleri joıylmaǵan shyǵystar esebi Saraptaý keńesiniń qaraýyna shyǵarylmaıdy, keıin osy Nusqaýlyqtyń 26-tarmaǵynyń birinshi bóliginde kórsetilgen merzim ishinde ákimshige habarlanady. 29. Saraptaý keńesi ýákiletti organnyń qorytyndysy berilgen kúnnen bastap kúntizbelik on kún ishinde ákimshiniń shyǵystar esebin qaraıdy jáne Shyǵystar esebiniń basymdylyǵy sáıkes shyǵystar esebiniń qorytyndysyn eskere otyryp, usynystar ázirleıdi. Saraptaý keńesiniń usynystary ákimshiler boıynsha aqparattandyrý salasyndaǵy taýarlardyń, jumystar men kórsetilgen qyzmetterdiń shyǵystar somasy jáne Shyǵystar esebiniń basymdylyǵy, málimdelgen jáne qoldaý kórsetilgen tizbesi týraly aqparat kórsetile otyryp, Saraptaý keńesi otyrysynyń hattamasy túrinde resimdeledi. 30. Saraptaý keńesi otyrysynyń hattamasy qol qoıylǵan soń kúntizbelik bes kún ishinde ákimshige jáne memlekettik josparlaý jónindegi jergilikti ýákiletti organǵa jiberiledi. 31. Saraptaý keńesi otyrysynyń hattamasy qol qoıylǵan soń Ákimshilerdiń shyǵystar esebin qaraý nátıjeleri boıynsha Saraptaý keńesi otyrysynyń hattamasyn ýákiletti organ kúntizbelik bes kúnniń ishinde arhıtektýralyq portalǵa ornalastyrady. 32. Arhıtektýralyq portaldaǵy shyǵystar esebi boıynsha derekterdi ákimshi respýblıkalyq bıýdjet týraly zań nemese jergilikti bıýdjet týraly maslıhat sheshimderi bekitilgennen keıin, sonyń ishinde bıýdjetti túzetý nemese naqtylaý júrgizilgennen soń jańartady. Aqparattandyrý salasyndaǵy taýarlardy, jumystardy, qyzmetterdi memlekettik satyp alýdyń shyǵystaryn esepteý, usyný jáne qaraý jónindegi nusqaýlyqqa 1-qosymsha Aqparattandyrý salasyndaǵy taýarlardy, jumystardy, qyzmetterdi memlekettik satyp alý shyǵystar esebiniń basymdylyǵy r/s № Shyǵys ataýlary Basymdylyǵy (1-joǵary, 2-ortasha, 3-qalypty, 4-tómen) 1. aqparattyq júıeni, «elektrondyq úkimettiń» aqparattyq-kommýnıkasııalyq tuǵyrnamasyn jáne memlekettik organnyń ınternet-resýrsyn aqparattyq qaýipsizdik talaptaryna sáıkestigine attestattaý qalypty 2. aqparattyq júıe aýdıti ortasha 3. aqparattyq júıeni engizý 1 jáne 2 toptaǵy aqparattyq júıeler úshin –ortasha 3 toptaǵy aqparattyq júıeler úshin - qalypty 4. aqparattyq júıelerdi ıntegrasııalaý joǵary 5. baǵdarlamalyq ónimderdi, aqparattyq kodtardy synaqtan ótkizý jáne normatıvtik-tehnıkalyq qujattamany saraptaý ortasha 6. paıdalanýshylardy oqytý qalypty 7 derekterdi júkteýge daıyndaý men derekterdi júıege engizý (bastapqy, muraǵattyq derekterdi) joǵary 8 aqparattyq-kommýnıkasııalyq qyzmetterdi kórsetý joǵary 9 aqparattyq-kommýnıkasııalyq ınfraqurylym komponentterine arnalǵan qosalqy bólshekter satyp alý qalypty 10 shetkeridegi jabdyqtar úshin kartrıdjder satyp alý qalypty 11 klıenttik baǵdarlamalyq qamtamasyz etýdi satyp alý qalypty 12 kompıýterlik jabdyq satyp alý tómen 13 shetkeridegi jabdyqty satyp alý tómen 14 serverlik jabdyq satyp alý qalypty 15 serverlik baǵdarlamalyq qamtamasyz etýdi satyp alý 1 jáne 2 toptaǵy aqparattyq júıeler úshin –joǵary 3 toptaǵy aqparattyq júıeler úshin – ortasha 16 telekommýnıkasııalyq jabdyqtardy satyp alý qalypty 17 kórsetiletin telekommýnıkasııalyq qyzmetterdi satyp alý joǵary 18 shetkeridegi jabdyqqa arnalǵan toner satyp alý tómen 19 elektr jabdyǵyn jáne serverlik úı-jaılarǵa arnalǵan jabdyqty satyp alý tómen 20 ózge konsaltıng qyzmetteri tómen 21 aqparattandyrý obektisin paıdalanýdy toqtatýdy qamtamasyz etý qalypty 22 aqparattyq júıeni damytý 1 jáne 2 toptaǵy aqparattyq júıeler úshin –ortasha 3 toptaǵy aqparattyq júıeler úshin – qalypty 23 serverlik jabdyqty jalǵa alynatyn serverlik úı-jaıǵa ornalastyrý ortasha 24 memlekettik organnyń arhıtektýrasyn ázirleý nemese damytý ortasha 25 aqparattyq-kommýnıkasııalyq ınfraqurylym komponentterin jóndeý qalypty 26 jumys oryndaryna júıelik-tehnıkalyq qyzmet kórsetý joǵary 27 serverlik jabdyqqa júıelik-tehnıkalyq qyzmet kórsetý 1 jáne 2 toptaǵy aqparattyq júıeler úshin –joǵary 3 toptaǵy aqparattyq júıeler úshin – ortasha 28 aqparattyq júıeni qurý 1 jáne 2 toptaǵy aqparattyq júıeler úshin – joǵary 3 toptaǵy aqparattyq júıeler úshin – ortasha 29 aqparattyq júıeni jáne elektrondyq aqparattyq resýrsty súıemeldeý 1 jáne 2 toptaǵy aqparattyq júıeler úshin –ortasha 3 toptaǵy aqparattyq júıeler úshin – qalypty 30 baǵdarlamalyq qamtamasyz etýdi tehnıkalyq qoldaý 1 jáne 2 toptaǵy aqparattyq júıeler úshin –joǵary 3 toptaǵy aqparattyq júıeler úshin – qalypty 31 jabdyqty tehnıkalyq qoldaý 1 jáne 2 toptaǵy aqparattyq júıeler úshin –joǵary 3 toptaǵy aqparattyq júıeler úshin – qalypty 32 jobany basqarý 1 jáne 2 toptaǵy aqparattyq júıeler úshin –joǵary 3 toptaǵy aqparattyq júıeler úshin – ortasha 33 aqparattyq júıe men elektrondyq aqparattyq resýrs hostıngi joǵary Aqparattandyrý salasyndaǵy taýarlardy, jumystardy, qyzmetterdi memlekettik satyp alý shyǵystarynyń esebin jasaý, usyný jáne qarastyrý jónindegi nusqaýlyqqa 2-qosymsha Nysan Aqparattandyrý salasyndaǵy taýarlardy, jumystardy, qyzmetterdi memlekettik satyp alý shyǵystarynyń esebine ýákiletti organnyń qorytyndysy № Bıýdjettik baǵdarlama-lardyń ákimshi Baǵdarlama Kishi baǵdarlama Erekshilik Ataýy 1 jospardaǵy jylǵa bıýdjettik ótinim myń teńge 1 jospardaǵy jylǵa qoldaý kórsetilgen soma myń teńge 2 jospar-daǵy jylǵa bıýdjettik ótinim myń teńge 2 jospardaǵy jylǵa qoldaý kórsetilgen soma Myń teńge 3 jospardaǵy jylǵa bıýdjettik ótinim Myń teńge 3 jospardaǵy jylǵa qoldaý kórsetilgen soma Myń teńge Negizdelgen qorytyndy 1 2 3 4 5 6 7 8 9 10 11 12 13 Buıryq Qazaqstan Respýblıkasynyń Ádilet mınıstrliginde 2016 jylǵy 26 sáýirde Normatıvtik quqyqtyq kesimderdi memlekettik tirkeýdiń tizilimine №13631 bolyp engizildi.