Medıasııanyń múmkindigi zor

20-21 qazan kúnderi Májilis  depýtattarynyń bir toby jumys barysyndaǵy saparmen Pavlodar oblysynda bolyp qaıtty. Májilismender qylmystyq-atqarý júıesin jetildirý máselesi jóninde 5 ınstıtýttyq reformany júzege asyrýǵa arnalǵan «100 naqty qadam» Ult josparyn oryndaý aıasynda oblystyq sot, prokýratýra qyzmetkerlerimen, «Dostyq» úıinde qoǵam ókilderimen kezdesýler ótkizdi.  Oblystyq Ishki ister departamentinde depýtattar Asylbek Smaǵulov, Arman Qojahmetov, Evgenıı Kozlov, Qanat Mýsın, Vasılıı Oleınık polısııa qyzmetkerlerimen kezdesýde elimizdiń zańnamalaryndaǵy qylmystyq, qylmystyq-atqarý júıesindegi jańashyldyqtar jaıyn sóz etti.  Kezdesýde ýaqyt talaptaryna sáıkes keıbir zań normalaryna ózgertýler engizý qajettiligi týyp otyrǵany da aıtyldy. Oblys ortalyǵyndaǵy «Dostyq» úıinde de «100 naqty qadam» Ult josparyn  júzege asyrýdaǵy «Qoǵamdyq kelisim keńesiniń  jáne medıasııa ortalyqtarynyń atqaratyn róli» degen taqyrypta  dóńgelek ústel otyrysy ótti. Otyrysqa Parlament Májilisiniń depýtattary Narıne Mıkaelıan,  Baqytjan Ábdiraıym, Nurlan Dýlatbekov, Berik Dúısenbınov, Snejanna Imasheva, Balaıym Kesebaeva, Magerram Magerramov, Mańsurhan Mahambetov, Asylbek Smaǵulov qatysyp, elimizde qabyldanǵan «100 naqty qadam» Ult josparynyń 4-shi baǵyty aıasynda Assambleıa janynan qurylǵan «Qoǵamdyq kelisim keńesi» men Medıasııa ortalyqtarynyń búgingi jumysy jaıly sóz qozǵady.   Pikirtalasqa oblystyq etnomádenı birlestikteriniń jetekshileri, «Qoǵamdyq kelisim keńesiniń» músheleri, medıatorlar qatysty. «Slavıan mádenı ortalyǵy» qoǵamdyq birlestiginiń tóraıymy, «Qoǵamdyq kelisim keńesiniń» múshesi Tatıana Kýzınanyń aıtýynsha, «100 naqty qadam» Ult josparyn júzege asyrýdaǵy oblystyq «Qoǵamdyq kelisim keńesiniń» atqaratyn róli aıqyn.  Búgingi tańda qazaqstandyq qoǵamda ulttyq birlikke umtylys artýda. Biz etnosaralyq kelisimdi saqtaýymyz kerek.  Bizdiń aldymyzda kóptegen maqsattar men mindetter tur, onyń oryndalýyna árbir qazaqstandyq óz úlesin qosýy qajet.  Sonymen qatar, T.Kýzına Májilis depýtattaryna memlekettik satyp alý júıesi zańnamalaryn jeńildetýdi  usyndy. Oblystaǵy medıasııa ortalyǵynyń basshysy Olga Nıkolashınanyń aıtýynsha, «Dostyq» úıinde ashylǵan «Medıasııa kabıneti» men «Medıasııa ortalyǵynyń» halyqqa  tıimdi qyzmet kórsetý barysynda «Tatýlastyrý rásimderiniń aqparattyq buryshyn» jasaý sharalary júrgizilýde. Jalpy, dóńgelek ústel basynda sóz alǵan Májilis depýtattarynyń aıtýlarynsha, medıasııa – qazaqstandyq qoǵamnyń syndarly bolashaǵy. Sondyqtan, medıasııa ınstıtýty týraly  aqparattardy kóptep taratý kerek. QHA «qoǵamdyq kelisim keńesiniń» jumysyn durys baǵytta júrgizý qajet. Sol kezde keńes elimizdegi  eńbek ujymdarynda týyndaıtyn daýlardy sheshýde medıator bola alady. Ýaqyt óte kele biz bul jumystardy durys jolǵa qoıa alsaq, onda Assambleıa ınstıtýty, tolyqtaı alǵanda, «qoǵamdyq kelisim keńesi» bul máselede medıator rólin atqarady. Sapar barysynda Májilis depýtattary oblys ortalyǵynda «Kondomınıým obektilerin basqarý jáne turǵyndardyń  ómir súrý jaǵdaılaryn qamtamasyz etý» týraly ótken  qoǵamdyq keńeske qatysty. Turǵyn úı, kommýnaldyq salada oryn alyp jatqan qıyndyqtardan jan-jaqty habardar boldy.  Keńes músheleri «Turǵyn úı qatynastary týraly» Zańǵa birqatar ózgerister men tolyqtyrýlar engizýdi surady. Farıda BYQAI, «Egemen Qazaqstan» Pavlodar oblysy