Uıaly baılanys operatory «Qyzyl jarty aımen» birigip járdemdesedi

Bul bastamanyń nátıjesi bolashaqtyń enshisinde. Qazirge «Ksell» kompanııasy «Qazaqstan Respýblıkasynyń «Qyzyl Jarty Aı qoǵamy» qoǵamdyq qorymen birlesip, tabıǵı apattar kezinde zardap shekkenderge gýmanıtarlyq kómek kórsetýge arnalǵan SMS-járdem jınaý úshin 9777 qysqa nómirin iske qosty. Joba qazaqstandyqtarǵa álemdegi eń iri gýmanıtarlyq qozǵalystyń bir bóligine aınalýǵa, sondaı-aq, tabıǵı jáne tehnogendik apattar aýmaǵyndaǵy otandastaryna kómek kórsetýge múmkindik beredi. Járdem kórsetý úshin Kcell nemese activ abonentterine kez kelgen mátini bar, ıaǵnı bos emes habarlamany 9777 nómirine jiberý kerek. Bir SMS quny 200 teńgeni quraıdy. Mundaı járdem túri tabıǵı apat aýmaǵyndaǵy qazaqstandyqtarǵa kómek kórsetý úshin de, «Qyzyl Jarty Aı» baqylaýyndaǵy gýmanıtarlyq kómek qoımasyn qalyptastyrý úshin de qabyldanady. «Zardap shekkenderge kómek qolyn sozǵysy keletin adamdar bizge udaıy habarlasyp turady. Ásirese mundaı jaǵdaı Qaraǵandy oblysyndaǵy sý tasqyny nemese ótken jylǵy Almatydaǵy sel kezinde anyq baıqaldy. Endi mundaı járdemdi ońaı jolmen kórsetýge bolady. Gýmanıtarlyq kómek kórsetý maqsatynda qarajat jınaýǵa arnalǵan arnaıy nómir jumysyn úzbeıdi, ıaǵnı ár qazaqstandyq ózine yńǵaıly ýaqytta otandastaryna qol ushyn soza alady. Bul – elimiz úshin óte mańyzdy joba», – dep atap ótti «Qazaqstannyń Qyzyl Jarty Aıy» QQ dırektory Elena Kım. Sonymen saýapty jobanyń bastalýyna baılanysty shara aıasynda baspasóz máslıhaty ótip, jýrnalıster men shaqyrylǵan qonaqtar úshin arnaıy sheberlik synyptary uıymdastyryldy. «Qyzyl jarty aı» qyzmetkerleri zilzala  bolǵanda, sý tasqyny men sel kezinde óz ózińdi, órt kezinde aman qalý, alǵashqy medısınalyq járdem kórsetý týraly negizgi erejelerdi túsindirip, kórsetip beredi. Aınash Esalı