Qonys toıy qutty bolsyn!

Pavlodar qalasynyń  Sátbaev kóshesindegi №344, №348 turǵyn úıler Qazaqstan Ipotekalyq Kompanııasy baǵdarlamasy boıynsha salyndy. Bul qýanyshty shara el táýelsizdiginiń 25 jyldyǵy qarsańynda júzege asty. Kóp qabatty jańa eki turǵyn úı ob­lys ortalyǵyndaǵy Ýsol­ka sha­ǵyn aýdanynda boı kó­terdi. Eńseli ári ádemi. Qury­lys­shy­lardyń eńbegi degen, mine, osy. Bu­dan basqa bı­yl qalada «О́ńirlerdi da­mytýdyń 2020 jyl­ǵa deıingi» baǵ­darlamasy boı­­ynsha osyndaı 7 kóp qabatty úı paıdalanýǵa berildi. Oblys ákim­diginiń má­lime­tinshe, bıyl tur­ǵyn úı qury­lysynyń qarqyny ót­ken jylmen salys­tyrǵanda 1,6 ese­ge ar­typty. Endi jyl so­ńyna deı­in oblys ortalyǵynda ta­ǵy da 4 jańa úıdiń qu­rylysy aıaq­ta­lady degen qýanyshty habar bar. Al Qazaqstan Ipotekalyq Kompanııasy jáne Báıterek development «Báıterek» holdınginiń enshiles uıymdarymen, memle­kettik baǵdarlama operatorlarymen Ýsolka shaǵyn aýdanyn­da salynǵan úılerdegi 270 páterdi ke­zekte turǵan turǵyndar aldy. Jal­py, bul aýdannyń ózin bir qala deýge bola­dy. Ertis ózeni jaǵasynda birinen soń biri boı kótergen kóp qabatty úıler qarasy kóp. Munda Nazarbaev zııatkerlik mektebi, №4 emhana, oblystyq balalar aýrýhanasy, kardıohırýrgııalyq ortalyq, №25 mektep, balabaqshalar men saýda ortalyqtary bar. Avtobýs qatynasy turaqty, tramvaı júredi. Barlyq jaǵdaı jasalǵan. – El táýelsizdiginiń 25 jyldyǵy qarsa­ńynda qalamyzda eki birdeı turǵyn úıdiń berilýi –  qýanyshty oqıǵa, – deıdi oblys ákimi Bolat Baqaýov. Al Qazaqstan Ipotekalyq Kom­panııasy jelisi boıynsha páter alǵan 270 otbasy qata­ryn­da múmkindigi shekteýli bala tár­bıelep otyrǵan otbasylar, mem­lekettik qyz­metshiler men bıýdjettik uıym­dardyń qyz­metkerleri de bar. Jańa úı­ler 108 bir ból­meli, 108 eki ból­meli jáne 54 úsh ból­meli pá­ter­den turady. Turǵyn úıler­diń qurylysyna elimizde óndi­rilgen materıal­dardyń 80 paıyzy, ıaǵnı kir­pish, arma­týra jáne beton paıdalanylǵan. О́z kezeginde «Qazaqstan Ipo­te­ka­lyq Kom­panııasy» IU» AQ qar­jy-tehnıkalyq baqy­laý bas­qar­ma­synyń basshysy Jan­bolat Qur­manbaev qala turǵyndarynyń qonys toıy qýa­nysh­taryna ortaq­tasyp, izgi tilegin bildirdi. Jańa úıden jaıly páter alǵan ýchas­kelik polısııa qyzmetkeri Baýyrjan Asyl­bekovtiń qýa­nyshynda shek joq. Ol ot­basymen birge 10 jylǵa jýyq jal­damaly páterde turypty. Endi, mi­ne, óz páteri úshin 20 jylǵa jýyq aıyna 60 myń teńge kóleminde aqy tó­leıdi. – Bul óte jaqsy múmkindik, – deıdi Baýyrjan. Al Aıgúl Jú­ni­so­va bolsa úı kezegin «tolyq emes ot­basy» sanaty boıynsha jeti jyl to­sypty. Múmkindigi shekteýli bala asy­rap otyr. Ol osyǵan deıin talaı qıyn­dyqtarǵa tap bolǵanyn jasyrmaıdy. – Endi páterge qolym jetti, qıyn­dyq artta qaldy, – deıdi ol shat-shadyman qýanyshpen. Bul Pavlodarda memlekettik baǵ­darlama boıynsha salynǵan birinshi úı emes. О́tken jyly Jalǵa beriletin turǵyn úı baǵ­darlamasyna qa­ty­sýshylar úshin Qazaqstan Ipotekalyq Kom­pa­nııasy Maıra kóshesinde jalpy alańy 9,5 myń sharshy metrlik 180 páterdi, Elgın kóshesinde jalpy alańy 1 myń sharshy metrden asatyn 35 páterdi paıdalanýǵa tapsyrǵan edi. Jalpy Qazaqstan Ipo­tekalyq Kompanııasy jáne Báıterek development birlesken jobalar aıasynda 1,5 myńnan astam qazaqstandyq otbasylar­dy jalǵa beriletin turǵyn úımen qam­tamasyz etipti. Bıyl bir­lesip salynǵan qurylys aıaqtalǵanda taǵy da 1,5 myń qazaqstandyq páter kiltin alady. Turǵyn úıdi paıdalanýǵa be­rý baǵdarlamasyn iske asyrý bas­­talǵannan beri res­pýblıka bo­ıyn­­­sha jalǵa beriletin turǵyn úı­­d­iń jalpy alańy 500 myń shar­shy metrden asty nemese 8 myń­nan astam páterdi qurady. Tur­ǵyn úı alańdary elimizdiń bar­­lyq qalalarynda, sony­men qa­ta­r Almaty, Aqmola jáne Shy­ǵys Qazaqstan oblys­taryn­da paı­dal­anýǵa berildi. 2016 jy­ly «Qazaqstan Ipo­tekalyq Kom­panııasy» IU» AQ baǵdarlama kórsetkishterine sáıkes «Báıterek» UBH» AQ qoldaýymen barlyǵy 326 myń sharshy metr jalǵa beriletin turǵyn úıdi paıdalanýǵa beredi. Farıda BYQAI, «Egemen Qazaqstan» PAVLODAR