Teriskeı eliniń tartýy

Soltústik Qazaqstan oblysynyń elordadaǵy kúnderi aıasynda Astana turǵyndary men qonaqtaryna mazmundy mádenı baǵdarlama daıyndaldy. Osyndaǵy Ulttyq akademııalyq kitap­hanada S.Muqanov atyndaǵy oblystyq ám­bebap ǵylymı kitap­hanasynyń «Soltústik Esil óńiri – órisi bıik ólke» at­ty bezendirilgen kitap kórmesiniń tusaýkeseri ótti. Kórmeni ashyp, quttyqtaý sóz sóılegen oblys ákiminiń orynbasary Anarhan Dúısenova oblystyń tek altyn dán yryzdyǵyna ǵana emes, shyǵarmashylyq ıelerine, belgili adamdarǵa baı ólke ekenin, olardyń qoǵamdyq ómirdiń túr­li salalarynda tabysty eńbek etip júr­genin tilge tıek etti. Kórmede óńir­den shyqqan ataqty tulǵalar týraly baı kórneki baspalyq jáne elektron­dy materıaldar toptastyrylǵan. Bul – áıgili aqyn Maǵjan Jumabaev, qa­zaq ádebıetiniń klassıkteri Sábıt Muqa­nov, Ǵabıt Músirepov, Ivan Shýhov, Sa­fýan Shaımerdenov, Gerold Belger, Sá­ken Júnisov jáne kóptegen aqyndar men jazýshylardyń otany. Kórmede sondaı-aq, Soltústik Esil óńiriniń atyn shyǵarǵan talantty tulǵalar – qoǵam jáne saıasat qaıratkerlerine, ǵalymdar men ǵaryshkerlerge, sportshylar men sýretshilerge erekshe oryn berildi. S.Muqanov atyndaǵy ámbebep kitap­hana jergilikti qoǵamdastyqtyń zııa­tkerlik kúshterin tartý ortalyǵyna aınalyp, 2014 jyly «Qazaqstannyń HHI ǵasyrdaǵy úzdik kitaphanasy» ataǵyna ıe bolǵan. Kitaphana túrli halyqaralyq qorlardyń 19 grantynyń ıegeri, óz qyzmetinde 17 shyǵarmashylyq jobany júzege asyrýda. Astanada ótken kórmede osy ınnovasııalyq jobalardyń eń negizgileri tanystyryldy. Elordadaǵy M.Gorkıı atyndaǵy memlekettik akademııalyq orys drama teatrynda kórermender nazaryna soltústik oblystyń N.Pogodın atyndaǵy orys drama teatrynyń úzdik qoıylymdarynyń biri «Maǵjannyń soty» usynyldy. Teatrdyń kórkemdik jetekshisi Elena Pokras ujymnyń birneshe márte osy pesamen gastroldik saparlarǵa shyqqanyn, teatr synshylarynyń joǵary baǵasyna ıe bolǵanyn atap ótti. Qoıylym sıýjeti Maǵjannyń monology, onyń jaqyn adamdarymen tildesýi jáne qazaq halqynyń bolashaǵy men búgingi kúnniń kórinisi jaıyndaǵy oılary negizinde qurylǵan. Qoıylym sońy­n­da teatr ártisterine SQO ákimi Erik Sul­tanovtyń atynan yqylas gúli tabystalyp, M. Gorkıı atyndaǵy akademııalyq drama teatrynyń basshylyǵy óz rıza­shy­ly­ǵyn bildirdi. Sondaı-aq, S.Muqanov atyndaǵy qazaq mýzykalyq drama teatrynyń ártisteri Astanadaǵy Q.Qýanyshbaev atyndaǵy Memlekettik akademııalyq qazaq mýzykalyq drama teatrynda «Elim-aı» tarıhı dastanynyń jelisinde «Daýylpaz baba - Qojabergen» spektaklin sahnalady. Kishkentaı kórermender úshin «Jastar» saraıynda oblystyq qýyrshaq teatry «Áýele, dombyra!» spektaklin úsh kún boıy qoıdy. Balalar úıiniń tárbıelenýshileri úshin «Meniń dosym – baǵdarsham» atty qaıyrymdylyq qoıylymy kórsetildi. Astana qalasynyń memlekettik muraǵatynda Soltústik Qazaqstan oblystyq muraǵatynyń uıymdastyrýymen «Soltústiktiń baılyǵy: biregeı muraǵat qujattaryndaǵy tarıh» kórmesi usynyldy. Is-shara aıasynda qala tarıhy, oblys ortalyǵynyń ataqty tulǵalary týraly «Petropavl qalasy» atty derekti fılm kórsetildi. Beıbitshilik jáne kelisim saraıynda SQO murajaılyq birlestiginiń uıymdastyrýymen «Týǵan jerdiń tartylysy» kórmesi, sondaı-aq jergilikti sýretshilerdiń «О́ńir marjany» kórme ekspozısııasy uıymdastyrylyp, osy jerde aǵashty oıýlaý, qaıyń qabyǵynan jáne kıizden túrli buıymdar jasaý sııaqty qoldanbaly óner túrlerinen sheberlik dáristeri ótti. Elordadaǵy Soltústik Qazaqstan oblysynyń kúnderi Beıbitshilik jáne kelisim saraıynda úzdik shyǵarmashylyq ujymdardyń «Maǵjan elinen elorda tórine» atty gala-konsertimen aıaqtaldy.