«Astana» halyqaralyq qarjy ortalyǵy men Islam korporasııasy memorandýmǵa qol qoıdy

«Astana» halyqaralyq qarjy ortalyǵynyń delegasııasy Saýd Arabııasy Koroldiginiń Djıdda qalasynda ornalasqan Islam damý bankiniń (IDB) shtab-páterinde IDB Prezıdenti Bandar Muhammed ál-Hadjarmen jáne osy uıymǵa enshiles kompanııalardyń basshylarymen kezdesýler ótkizdi. Nátıjesinde jeke sektordy damytý jónindegi Islam korporasııasymen (ICD) arada ózara túsinistik pen yntymaqtastyq týraly memorandýmǵa qol qoıyldy. «Memorandýmnyń maqsaty – qarjylyq taýarlar men qyzmetterdi keńeıtý, ony jeke sektorǵa usyný, ICD-ge múshe elderdiń ıslam qarjy qyzmetteri ındýstrııasyn damytýǵa yqpal etý arqyly AHQO-men aradaǵy qatynastardy nyǵaıtý», – dep atap ótti  ICD basshysy Haled ál-Abýdı qol qoıý rásiminen keıin. Memorandým aıasynda ıslam qarjylandyrý qyzmetteri,  bank isi, kapıtal naryǵy, aktıvterdi basqarý, qarjy tehnologııalary jáne adam kapıtalyn damytý boıynsha tájirıbe jáne bilim almasý,  yntymaqtastyqty damytý kózdelgen. Bul – birikken kásibı qarjy-aǵartý baǵdarlamalaryn, zertteýler, semınarlar, biliktilikti arttyrý jáne qyzmetkerlerdi almastyrý jónindegi oqý is-saparlaryn uıymdastyrý jumystaryn qamtıdy.