Jambyl oblysynda sońǵy 2 jylda, ıaǵnı, 2014-2015 jyldary 32 sút ónimderiniń fermasy paıdalanýǵa berildi. Onyń 12-si «Batys Eýropa-Batys Qytaı» avtodáliziniń boıynda ornalasqan, dep habarlaıdy oblys ákiminiń baspasóz qyzmeti.
Bıyl taǵy 7 shaǵyn fermanyń qurylysy bastalǵan. Búgingi kúni óńirde sútti tereńdete óńdeý isimen 20 kásiporyn aınalysady. Bul kásiporyndardyń júktemesi 38 paıyz. Atalǵan kórsetkish aımaqtaǵy mal basynyń artýymen tikeleı qatysty bolyp otyr.
Jambyl oblysynda mal basy 1991 jylmen salystyrǵanda múıizdi iri qara - 4,3 , jylqy 2,0 paıyzǵa artty. 2011 jyldan bastap oblysta «Iri qara mal etiniń eksporttyq áleýetin arttyrý» jobasy júzege asyrylýda. Joba bastalǵaly 23 400 bas sıyr ákelinse, 2014 jyldan bastap júzege asyryla bastaǵan «Altyn asyq» baǵdarlamasy boıynsha 64 300 qoı, «Qulan» baǵdarlamasymen 4 500 jylqy satyp alyndy.
Memlekettik qoldaý men asyldandyrý jumystaryn durys jolǵa qoıýdyń nátıjesinde asyl tuqymdy maldyń sany artty. Oblysta asyl tuqymdy MIQ malynyń jalpy tabyndaǵy úles salmaǵy - 21,8 % (respýblıkalyq kórsetkish - 9,7%), qoı - 28,4%, (respýblıkalyq kórsetkish - 17,0%), jylqy 24,2 % (respýblıkalyq kórsetkish - 7,1%) qurap otyr.
2012-2015 jyldary asyl tuqymdy MIQ malynyń sapasyn arttyrý maqsatynda shet elderden 4100 bas asyl tuqymdy mal ákelindi jáne 7 asyl tuqymdy sharýashylyq-reprodýktor quryldy. Sońǵy jyldary bul sharýashylyqtarda 1 myń bas asyl tuqymdy buzaý ótkerildi.
Oblysta sońǵy bes jylda 20 myń mal bordaqylaıtyn 23 alań iske qosyldy.Búginde malaızııalyq kásipkerlermen birge Merki aýdanynda «Agrostan» JShS tarapynan jańazelandııalyq joba negizinde bordaqylaý kesheniniń qurylysy júrgizilýde. Aldaǵy ýaqytta munda 3 myń basqa deıin mal ákelinetin bolady.
«Agrofırma Túrikpen» JShS-nyń 5 myń bas múıizdi iri qara mal sharýashylyq reprodýktor jobasynyń qurylysy júzege asyrylýda. Jobanyń quny - 500 mln teńge. Osy jobany iske asyrý maqsatynda 3 myń bas múıizdi iri qara maly men 1 560 bas jylqy satyp alyndy. Jyl aıaǵyna deıin qosymsha 1 400 bas sıyr satyp alý josparlanýda.
Jaıylymdardy sýlandyrý baǵdarlamasy qarqyndy júrgizilip, sońǵy eki jylda 60 qudyq jáne uńǵy paıdalanýǵa berildi. Jyl saıyn negizgi aýyl sharýashylyǵy ónimderiniń óndirisi artyp keledi. 2012 jylmen salystyrǵanda et óndirý - 19,2, sút óndirý 8 % artty.
2012 jyly soıýǵa ótkizilgen bir bas múıizdi iri qara malynyń ortasha soıys salmaǵy 277 kg qurasa, bıyl bul kórsetkish 322 kg deıin ósti. Al soıýǵa ótkizilgen qoıdyń salmaǵy - 32-den 37 kg jetip, 15-16 % artty. Sút óndirýde bir bas saýyn sıyrdan saýylǵan sút kólemi 2589-dan 2655 kg jetip, 2,5 % ulǵaıdy.
Kooperatıvterge shaǵyn sharýashylyqtardy biriktirý maqsatynda jańazelandııalyq «Fonterra» jáne danııalyq «Arla» baǵdarlamalary boıynsha Merki aýdanynda quramyna 42 sharýashylyq birikken «Merki ónimderi» óndiristik kooperatıvi quryldy. Nátıjesinde sút baǵytyndaǵy 1 000 bas asyl tuqymdy múıizdi iri qara malyn catyp alýdy qarjylandyratyn shaǵyn nesıe mekemesi ashyldy.
