Dáýren Abaev otandyq boksshylardy qoldaýǵa shaqyrdy

Aqparat jáne kommýnıkasııalar mınıstri Dáýren Abaev búgin Almatyda ótetin boks keshinde otandyq sportshylarymyzǵa sáttilik tilep, olarǵa bir kisideı qoldaý kórsetýge shaqyrdy. Bul týraly ol óziniń Feısbýktaǵy paraqshasynda jazdy, dep habarlaıdy egemen.kz «Qymbatty dostar! Talantty boksshymyz Qanat Islamnyń ganalyq Patrık Alloteımen jekpe-jegine sanaýly saǵattar qaldy. Boks keshin «Qazaqstan» Ulttyq telearnasy tikeleı efırde kórsetýdi josparlap otyr. Qanat – jastarymyz úshin patrıottyqtyń úlgisi. Onyń ózge eldegi zor múmkindikterden bas tartyp, atajurtyna oralýyn, sonymen qatar elimizdiń ataǵyn shyǵarýǵa talpynýyn úlken azamattyq dep bilemin. Osyndaı namysty jigitterimizdiń arqasynda Qazaqstan álemge tanylýda. О́skeleń urpaq salaýatty ómir saltyna, sportqa qulshynýda. Osynyń barlyǵy – bıyl 25 jyldyǵyn atap ótkeli otyrǵan qasterli Táýelsizdigimizdiń jemisi. Qanatqa jáne osy keshte baq synaıtyn basqa da boksshylarymyzǵa sáttilik tileımin! Búgin barshamyz bir kisideı sportshylarymyzǵa qoldaý kórseteıik», dep jazdy mınıstr.