"Táýelsiz Qazaqstan" poıyzy el aralap, túrli sharalar ótkizedi

Astana qalasynyń temir jol vokzalynda erteń, 1 qarasha kúni Qazaqstan halqy Assambleıasynyń bastamasymen el Təýelsizdiginiń 25 jyldyǵyna arnalǵan "Təýelsiz Qazaqstan" poıyzy" respýblıkalyq aksııasynyń bastalýyna oraı, saltanatty shara ótedi. Búgin Ortalyq kommýnıkasııalar qyzmetinde aksııanyń jumysy men baǵyt-baǵdaryna arnalǵan brıfıng ótti. Oǵan "Təýelsiz Qazaqstan" poıyzy" shtaby jetekshisiniń orynbasary Nurbek Shaıahmetov pen "Qazaqstan temir joly" UK AQ Kadrlyq jəne əleýmettik jumystar basqarmasynyń basshysy Rýslan Barbasov qatysty. "Aksııanyń maqsaty - Təýelsizdik jyldaryndaǵy jetistikterdi kórsetý, halyqtyń birligin nyǵaıtý, el damýynyń basymdyqtary aınalasynda qoǵamdy toptastyrý, "Máńgilik El" patrıottyq ıdeıasyn aksııasyn nasıhattaý", - dedi Nurbek Shaıahmetov. "Təýelsiz Qazaqstan" poıyzy" aksııasy aıasynda túrli mádenı jáne qoǵamdyq is-sharalar uıymdastyrylyp, medısınalyq, əleýmettik, quqyqtyq kómekter kórsetiledi. Aýyl sharýashylyǵy, kásipkerlik, bilim-ǵylym sekildi qoǵamnyń mańyzdy salalary boıynsha konsýltasııalyq keńester beriledi. 1 qarashada Astanadan bastaý alatyn shara 14 jeltoqsanda Almatyda óz məresine jetpek. Aksııa kezinde poıyz elimiz boıynsha 35 eldi mekenge toqtap, jergilikti halyqqa, onyń ishinde zeınetkerlerge, múgedekterge, soǵys ardagerlerge jəne shalǵaıda ornalasqan aýyl turǵyndaryna óz qyzmetterin usynady. Láıla Edilqyzy, "Egemen Qazaqstan"