Qazaq radıosynyń «Nursultan Nazarbaev. Bıografııa» atty jobasy halyqaralyq «Radıo bez granıs» baıqaýynda jeńimpaz atandy, dep habarlaıdy egemen.kz kaztrk.kz saıtyna silteme jasap.
Joba «Isker tulǵalarǵa arnalǵan baǵdarlama» atalymy boıynsha úzdik shyqqan.
«Nursultan Nazarbaev. Bıografııa» - Qazaq radıosy men «Radıo Rossıı» radıostansııasynyń birlesken baǵdarlamasy. 25 bólimnen turatyn radıosıklda Elbasynyń qarapaıym aýyl balasynan prezıdenttikke deıingi ómir joly baıandalady.
Jobanyń avtory – QR Prezıdenti Keńsesiniń basshysy Mahmut Qasymbekov. Redaktory - Qazaq radıosynyń dırektory Mahat Sadyq. Mátinin oqyǵan - SSSR halyq ártisi Vasılıı Lanovoı.
Aıta keteıik, halyqaralyq «Radıo bez granıs» baıqaýy Reseı radıo akademııasynyń uıymdastyrýymen Tatarstannyń Qazan qalasynda ótti. Baıqaýda TMD-ǵa múshe memleketter men Baltyq jaǵalaýy elderinen 82 radıostansııa baq synaǵan.
