"Innovasııanyń ashylýy" forýmy aıasynda Máskeýdegi «Skolkovo» tehnoparki aýmaǵynda Eýrazııa aptalyǵy ótti. Onda Reseı, Qazaqstan, Belorýs, Armenııa, Qyrǵyzstan memleketteriniń ınnovasııalyq jobalary tanystyryldy.
Atalǵan kórmede QR tehnologııalyq damý jónindegi ulttyq agenttik Qazaqstannyń 10 ınnovasııalyq jobasyn tanystyrdy. Olardyń arasynda "Standing" kezekti basqaratyn júıeler, "KazDATA" marketıngtik bıznes anyqtamalyq, «BilimLand» bilim berý platformasy bar.
«Kelesi jyly Eýrazııa aptalyǵy Astanada EKSPO-2017 aýmaǵynda ótedi. Bul forýmnyń maqsaty – ozyq ǵylymı zertteýlerdi damytý, praktıkalyq tájirıbe almasý, sondaı-aq ınnovasııa salasyndaǵy halyqaralyq yntymaqtastyqtyń jańa quraldaryn qurý», - dedi «NATR» AQ basqarma tóraǵasy Sanjar Iztileýov.
Aıta keteıik, bıylǵy forýmǵa 100-den astam el ókilderi qatysty.
