Nesıege aýyl sharýashylyǵy tehnıkasyn jańa tásilmen alýǵa bolady

Aýyl sharýashylyǵy tehnıkasyn nesıelik seriktestikter arqyly satyp alý qazaqstandyq sharýalar arasynda keń taraǵan tájirıbe, - dep habarlady «Agrarlyq nesıe korporasııasy» AQ baspasóz qyzmeti. «Bıyl jańa júıe iske qosyldy. Bul aýyl sharýashylyǵy tehnıkasyn nesıelik seriktestikter (NS) júıesi arqyly satyp alý. Atalǵan ónim - ekinshi deńgeıli bankter arqyly tabysty júzege asqan avtonesıeleýdiń balamasy. Buǵan deıin de NS aýyl sharýashylyǵy tehnıkasyn nesıelendiretin edi, biraq nesıeler kepilge ǵana beriletin. Aýyl sharýashylyǵynda kepil qoıý máselelesine baılanysty biz jańa júıe engizý týraly sheshim qabyldadyq. Bul aýyl sharýashylyǵy tehnıkasyn alǵashqy jarnamen satyp alý», - dedi «Agrarlyq nesıe korporasııasy» AQ basqarýshy dırektory Aıjan Kenjebaeva. Onyń aıtýynsha, atalǵan ónimniń ereksheligi sol, bastapqy jarna aqshalaı da, jer ýchaskesi, tehnıka, turǵyn úı, avtokólik sekildi kepil túrinde de qabyldanady. «Atalǵan ónimniń dınamıkasyn zertteı kele, onyń sharýalar arasynda tabysty júzege asqanyn tolyq senimmen aıta alamyz. Bıyl 3 aı ishinde bizge 300 mıllıon teńgege ótinim tústi. Bul tek qana tirkelgen ótinimder, qujattar paketin jınap júrgen taǵy kóptegen aýyl sharýashylyq taýar óndirýshileri bar», - dedi Aıjan Kenjebaeva. Aqmola oblysyndaǵy nesıelik seriktestikter biriniń tóraıymy Baǵıla Burymbaeva nesıeleýdiń jańa tásili engen soń, aýyl sharýashylyǵy tehnıkasyn nesıege alǵysy keletin sharýalar sanynyń kúrt óskenin atap ótti.