19 jasar qazaqstandyq Aısultan Seıitovtiń fılmi HOLLYWOOD BOULEVARD FILM FESTIVAL «Rejıssýra» atalymynda úzdik dep tanyldy, dep habarlaıdy egemen.kz BNews.kz - ke silteme jasap.
1 qarashada Los-Andjeleste jyl saıynǵa kıno maıtalmandaryn marapattaıtyn HOLLYWOOD BOULEVARD FILM FESTIVAL boldy. Festıvalde qazaqstandyq Aısultan Seıitovtiń «Qorqaý qasqyr» fılmi «Úzdik rejessýra» atalymynda jeńiske jetti. Fılmniń kartınasy «Úzdik fılm», «Úzdik rejıssýra» jáne «Úzdik operator jumysy» atalymdaryna usynylǵan.
«Osy festıvalde óz elimdi tanystyra alǵanyma qýanyshtymyn. О́z elimde «Qorqaý qasqyr» osyndaı mártebege ıe bolmaǵany ókinishti. Biraq, men áli jaspyn – 20 jasqa da tolǵan joqpyn. Kúsh-jigerim de, ıdeıam da kóp. Qazaqstandyqtardy talaı qýantamyn degen senimdemin», – dedi Aısultan Seıitov.
«Qorqaý qasqyr» qysqa metrajdy fılmde Almaty mańynda ósken balanyń qıyn taǵdyry baıandalady. Ol qylmys álemi men óz otbasynyń ortasynda qalady. Drama ómirdiń máni men qundylyqtary, satqyndyq sııaqty taqyryptardy qozǵaıdy.
Bıylǵy «Eýrazııa» kınofestıvalinde kartınanyń premerasy boldy.
