Geologııalyq barlaý jumystaryn qarjylandyrý kóbeıedi

Ken oryndaryn barlaýǵa bólinetin qarjy kólemin ulǵaıtý máselesi Investısııalar jáne damý mınıstrliginde qaralyp jatyr, dep habarlaıdy egemen.kz 24.kz - ke silteme jasap. Quzyrly organ basshysy buǵan qazynadan qarjy suramaımyz dep otyr. Kerisinshe, qoldanystaǵy keıbir baǵdarlamalar mańyzdylyǵyna qaraı saralanyp, geologııalyq barlaýǵa basymdyq berý kózdeledi. Mınıstrlik aldymen barlaý jumystaryn ótkizip, keıin daıyn jobalardy transulttyq kompanııalarǵa usynýdy josparlap otyr. Dál osy jańashyldyqtar engizilgen jer qoınaýy týraly kodeks jobasy keler jyly Parlament qaraýyna usynylady. "Barlaý jumystaryna ketetin shyǵynnyń 10%-yn memleket kóterip, qalǵan 90%-yn iri kompanııalar óz moınyna alsa, onda biz ken oryndaryn ınvestorlarǵa naryqtaǵy baǵamen saýdalaı alamyz. Búgingi tańda «Qazgeologııa» kompanııasymen birlese jumys jasap jatqan 7 iri transulttyq kompanııa bar. Bul másele sol kompanııalarmen kelise otyryp sheshilýde. Sondyqtan biz geologııalyq barlaý jumystarynyń eń bastapqy kezeńderinde memlekettik qarjylandyrýdy arttyrýdy qarastyryp jatyrmyz", - dedi QR Investısııalar jáne damý mınıstri Jeńis Qasymbek.