Astanada ótken «Indýstrııa 4.0 jáne óndiristegi ólshemder" atty semınarda germanııalyq sarapshylar aldyńǵy qatarly óndiris tehnologııalaryn engizýdiń jańa tásilderin usyndy, dep habarlaıdy egemen.kz BNews.kz - ke silteme jasap.
QR Investısııalar jáne damý mınıstrligi uıymdastyrǵan sharada Germanııanyń Federaldy fızıko-tehnıkalyq ınstıtýtynyń "О́ndiristik metrologııany damytýǵa yqpaldasý" jobasy aıasynda «Indýstrııa 4.0» deńgeıi qarastyryldy. Ol óndiristi tek mashına men adam arasynda ǵana emes, mashınalardyń ózara árekettesýi arqyly júzege asyrýdy kózdeıdi.
"Ulttyq metrologııalyq ınstıtýt Germanııadaǵy ólshemder dáldigin qamtamasyz etedi. Ol ekonomıkalyq ónimdiliktiń tıimdiligin arttyryp, ınnovasııalar men jańa tehnologııalardy damytýǵa septigin tıgizedi. Sonymen qatar ádisteme men ınfraqurylym salasyndaǵy halyqarlyq seriktestikter ornatady. Bul jumystyń maqsaty - álemdegi ólshemderdiń birizdiligin qalyptastyrý, áriptes elderde, sonyń ishinde Qazaqstanda ekonomıkalyq damýdyń turaqtylǵyn qamtamasyz etý. Sapa úshin mańyzdy elementter - óndiris metrologııasy jáne standarttaý", - dedi Germanııadan kelgen koorıdnator Korınna Vaıgelt.
Sonymen qatar semınarda Fraýnhofer atyndaǵy óndiristi avtomanttandyrý ınstıtýtynyń mamany Krıstıan Toıch sóıledi. Ol qazaqsatandyq mamandarǵa Germanııa tájirıbesi men onyń negizgi erekshelikteri týraly aıtty.
Osyndaı sharalar otandyq kásiporyn óndiristerine jańa tehnologııalardy engizýge qajetti quqyqtyq baza jasaýǵa septigin tıgize alady.
