Hanoıda Qazaqstan Respýblıkasynyń Vetnamdaǵy Elshisi Beketjan Jumahanovtyń Vetnam Kompartııasynyń OK Polıtbıýrosynyń múshesi, Vetnam Otandyq fronttyń Ortalyq komıtetiniń tóraǵasy Ngýen Thıen Nıanmen kezdesýi ótti, dep habarlaıdy QR SIM baspasóz qyzmeti.
VOF OK Tóraǵasy qazaqstandyq-vetnamdyq qatynastardyń odan ári serpindi damýy úshin múmkindiktiń mol ekendigin atap ótip, saýda-ekonomıkalyq salada yqpaldastyqty jandandyrýdyń mańyzdylyǵyna nazar aýdardy. Bul rette, suhbattasýshy 2016 jylǵy 5 qazanda kúshine engen Eýrazııalyq ekonomıkalyq odaq qatysýshy elderi men Vetnam arasyndaǵy erkin saýda aımaǵy týraly kelisimniń múmkindigin barynsha paıdalaný qajettiligin aıtty.
О́z tarapynan B.Jumahanov suhbattasýshyny «Nurly jol» atty QR Prezıdenti Nursultan Nazarbaevtyń Joldaýyn oryndaý aıasynda elimizdiń saıası jáne áleýmettik-ekonomıkalyq damýynyń negizgi úrdisteri men «Qazaqstan Respýblıkasynyń ári qaraı memlekettik qurylystyń 100 naqty qadamy» ulttyq Josparynyń negizgi erejeleri jóninde habardar etti. Elshi sondaı-aq qaýipsiz álemniń negizderin nyǵaıtýǵa jáne áskerı qaqtyǵystar men ıadrolyq apatty azaıtýǵa baǵyttalǵan «Álem. HHI ǵasyr» jalpyálemdik damý jahandyq strategııasy boıynsha Elbasynyń bastamasy jóninde aıtty. Sonymen qatar «EKSPO-2017» halyqaralyq mamandyrylǵan kórmesine daıyndyq barysy týraly aıtyp, vetnam tarapyn osy kórmege belsene qatysýǵa shaqyrdy.
Suhbat sońynda Ngýen Thıen Nıan elderimiz arasyndaǵy saýda-ekonomıkalyq áriptestikti damytý boıynsha qabyldanyp jatqan sharalardy joǵary baǵalady. О́zara tıimdi ekijaqty yntymaqtastyqty damytýǵa baǵyttalǵan Elshiliktiń bastamalaryn tolyq qoldaıtynyn atap ótti.
Osy rette, VOF OK Tóraǵasy taraptar kelesi jyly atap ótetin dıplomatııalyq qatynastardyń ornatylýynyń 25-jyldyǵyna qaraı Vetnamnan Qazaqstanǵa alǵashqy temir jol júkti quram jetkiziletine úmit artty.
