Galbadrah Otgonseseg – áıelder arasyndaǵy úzdik dzıýdoshy

Rıo Olımpıadasynyń qola júldegeri Galbadrah Otgonseseg 2016 jylǵy jetistikteri boıynsha álemdik reıtıngte birinshi orynǵa kóterildi. Ekinshi orynǵa London Olımpıadasynyń chempıony jáne Rıo Olımpıadasynyń qola júldegeri, +78 keli salmaqta eki dúrkin álem chempıony kýbalyq Ortız Idalız jaıǵassa, úzdik úshtikti 78 kelige deıingi salmaqta eki dúrkin Olımpıada jáne Álem chempıony amerıkalyq Keıla Harrıson qorytyndylap tur. Bul týraly dzıýdo federasııasynyń baspasóz qyzmeti habarlady. Galbadrah Otgonseseg úshin Abý-Dabıde ótken «Grand Slam» týrnıri Qazaqstan qurama sapyndaǵy (2016 jyl) 10-ynshy  halyqaralyq jarysy boldy. Ol osyǵan deıin qatysqan barlyq týrnırlerde jeńis tuǵyrynan kórinip, osy kúnge deıin 10 jarysta – 5 altyn, 2 kúmis, 3 qola medal ıelengen. Esterińizge sala ketsek, Galbadrah Otgonseseg 48 keli salmaqta Rıo Olımpıadasynyń qola júldegeri, Azııa chempıony, 2 dúrkin Halyqaralyq Gran Prı jáne 2 dúrkin «Grand Slam» týrnırleriniń jeńimpazy. Sondaı-aq, Ulan-Bator men Dıýsseldorfta ótken «Grand Prix» týrnırlerinde kúmis medal ıelense, Baký men Tblısıdegi halyqaralyq týrnırlerde qolaǵa qol jetkizgen bolatyn.