Japondar álemdi taǵy bir tańǵaldyrdy. Bul joly qurylysshylar kózge tústi. Olar Fýkýoka qalasynyń ortalyǵyndaǵy kóp jolaqty jolda paıda bolǵan úlken shuńqyrdy birneshe kúnde bitegen, - dep jazady
The Guardian.
Joldyń beti 8 qarasha kúni metro jelisin júrgizý boıynsha jer asty jumystaryna baılanysty
opyrylyp túsken. Oqıǵa saldarynan elektr symdary, telefon jelileri úzilip, gaz jáne sý qubyry jarylǵan.
Japon BAQ-tarynyń jazýynsha, eni 30 da 27, al tereńdigi 15 metrdi quraıtyn shuńqyrdy eki kúnde bitegen. Al joldy tolyqtaı jóndep bitirýge bir apta ǵana ýaqyt ketken. Jumys táýlik boıy toqtamaǵan.
Fýkýokı ákimi Soıtıro Takasıma keltirilgen qolaısyzdyqtar úshin el aldyna shyǵyp turyp, turǵyndardan keshirim surady. Ol jol bóligi burynǵysynan endi 30 ese myqty ekenin aıtty.
