Ardager sportshy ónegesi

Sportty serik etken qarııalarǵa uqsaǵyń keledi. Olar jasy eńkeıgenine qaramastan, respýblıkalyq, halyq­aralyq jarystarda oblys namysyn qorǵap, báıge tórinen kórinip júr. Muny sońǵy kúnderdegi tabys­ty joldardan da baıqaýǵa bolady. Veloshabandoz Valerıı Karagaev Astanada ótken ardagerlerdiń respýblıkalyq «MASTERS» ashyq chempıonatynan altyn medalmen oraldy. Jarysqa Qazaqstan, Reseı, Qyrǵyzstan, Egıpet jáne Fransııanyń 117 áýesqoı sportshysy qatysty. Munyń ózi saıystyń óte tartysty ótkenin kórsetedi. Osynaý taıtalasta kókshelik 66 jastaǵy aqsaqal 9 jáne 20 shaqyrymdyq qashyq­tyqta aldyna jan salmady. Sóıtip, Valerıı Gennadevıch Pavlodar qalasynda ótetin halyqaralyq jarysqa joldamany jeńip aldy. «Halyqaralyq jarys» demekshi, bul deńgeıde de aqmolalyq qarııalardyń joǵary kórsetkishterge jetip júrgenin aıtqymyz keledi. Jýyrda Fınlıandııanyń Seınıaıokı qalasynda ardagerler arasynda grek-rım kúresinen álem chempıonaty ótkizildi. Bul dodaǵa tańdaýly 250 sportshy qatysyp, 7 salmaq dárejesinde kúsh synas­ty. Jarys qorytyndysynda Kókshetaýdaǵy №1 balalar-jasóspirimder sport mektebiniń dırektory Muhtar Ýsın men jattyqtyrýshy Vladımır Sherbakov kúmis medaldi jeńip aldy. Bul Qazaqstan komandasynyń ekin­shi oryn alýyna qosqan súbeli úles ekendigi aıqyn. Baqbergen AMALBEK, «Egemen Qazaqstan» Aqmola oblysy