Atyraý jastarynyń armany – el erteńine qyzmet etý

Atyraýǵa el birligi men yntymaǵynyń nyǵaıa berýin kózdeıtin Qazaqstan halqy Assambleıasynyń bastamashyl toby «Meniń elim – Máńgilik El» respýblıkalyq jastar aksııasy aıasynda «Máńgilik el jastarynyń jetistikteri – Qazaqstan Respýblıkasy Táýelsizdiginiń 25 jyldyǵyna» kitabyn jetkizdi. Osyǵan oraı óńirde uıymdastyrylǵan shara Qurmanǵazy atyndaǵy mádenıet saraıynda ótti. Jastarǵa bilim, tárbıe berý isin Elbasy árkez nazarda ustap keledi. Táýelsizdik jyldarynda barlyq sala qarqyndy damyp, jetistikterge jetti. Oǵan mysal retinde Astana men Almatyda ótken álemdik deńgeıdegi konferensııalar men semınarlar, jıyndardy aıtýǵa bolady. Endigi bizdiń maqsatymyz – 130-dan astam ult pen ulys ómir súretin elimizde birligimizdi saqtaı otyryp, basty meje – damyǵan 30 eldiń qataryna qosylý. Biz sizderge árkez qoldaý kórsetýge ázirmiz. Máselen, budan buryn «Bolashaq» baǵdarlamasy arqyly bilim alǵan jastar, búginde el ıgiligi jolynda jumys jasaý­da. Al, endigi olardyń qataryn tolyqtyratyn sizder bolǵandyqtan, armandaryńyzdyń oryndalýyna tilektestigimdi bildiremin! – dedi oblys ákimi Nurlan Noǵaev aksııaǵa qatysqan jastarǵa. «Meniń elim – Máńgilik El» respýblıkalyq jastar aksııasyna óńir jastary belsendilik tanytty. Jastar birinen soń biri patrıottyq ánderdi shyrqady. Arnaıy taqtaıshaǵa táýelsiz Qazaqstannyń keleshegine arnaǵan ıgi tilekterin jazýǵa múmkindik aldy. «Máńgilik el jastarynyń jetistikteri – Qazaqstan Respýblıkasy Táýelsizdiginiń 25 jyldyǵyna» kitabyn atyraýlyq jastar Mańǵystaý oblysynyń ókiline tabystady. Kitapta el jastarynyń ár saladaǵy jetistikteri, olardyń memleket tarapynan kórgen qamqorlyqtary, «Máńgilik El» patrıottyq ıdeıasynyń mańyzy men Elbasy qoldaýy týraly úndeýleri jazylǵan. Mundaı úndeý Atyraý jastary atynan da jazyldy. Ony «Thonıl» koreı etnomádenı birlestiginiń múshesi, H.Dosmuhamedov atyn­daǵy Atyraý memlekettik ýnıversıtetiniń stýdenti Veronıka Lı oqyp berdi. Úndeýde munaıly óńirde de táýelsizdik jyldarynda bilim berý men densaýlyq saqtaý salasyndaǵy ońdy ózgerister, naqtylaı aıtqanda, 80 mektep pen 18 mektepke deıingi tárbıe oshaǵy, 1 kolledj ben 5 mektep-ınternat, sonymen birge, 63 jańa úlgidegi emdeý nysanynyń salynǵany aıtylǵan. Qazir Atyraý oblysy álemniń 50-den astam elimen ekonomıkalyq, iskerlik baılanys ornatýynyń nátıjesinde 700-den asa birlesken jáne sheteldik kompanııalardyń qurylǵany da kórinis tapqan. «Biz Otanymyzdyń órkendeýi men nyǵaıýy jolynda kúshimizdi biriktiremiz. Bul árbir jas qazaqstandyqtyń – paryzy. Bizdiń jetistigimiz – búkil eldiń jetistigi!» delingen Úndeýde. Joldasbek ShО́PEǴUL, «Egemen Qazaqstan» ATYRAÝ