"Táýelsiz Qazaqstan" poıyzy Esil aýdanyna jetti

«Esildiń boıy en jaılaý, jaǵalaı qonǵan el qandaı» demekshi, 36 ulttyń yntymaǵyn uıystyryp otyrǵan Esil aýdanynyń 2550 turǵyny elimizdiń basty merekesin aıtýly tabystarmen qarsy alǵany qýanyshty. Tarıhymyzǵa «Tyń qaqpasy» re­tin­de jazylǵan óńirde 8000 sharshy kı­lometr egistik alqap bar. Bıylǵy al­tyn dán kerýenderi salmaqty bolyp, qy­zyl qyrman berekesin beldeýden tókti. О́ńir­diń peızajdyq ponaramasyn árlep turǵan eńseli elevatorlarda eseli eńbek qyzǵan shaq. Ústimizdegi jyly «Altyn dán», «QazBrend» JShS taǵy da eki astyq qoımasyn qatarǵa qosýy   jergilikti dıqandardyń bereke jolynyń bıiktigin kórsetedi. Malshylar qaýymy da ekpindi istiń jeteginde. Olar memlekettik qoldaýdyń keń júıesin paıdalanýǵa yntaly. Má­selen, «Sybaǵa», «Qulan», «Altyn asyq» baǵ­darlamasymen bıyl 310 mıllıon teń­gege 400 bas iri qara satyp alynypty. Al qurylys jumystarynyń aýqymy 2014 jylǵy kórsetkishten 1,5 ese asyp tússe, ónerkásip salasynyń 86,3 paıyzy qaıta óńdeý kásiporyndarynyń enshisinde eken. «Táýelsizdik poıyzyn» jaqsy­lyq­­­­tar men jetistikter sımvoly dep ba­­ǵa­laıtyn esildikterdiń delegasııa qura­mymen abyroımen qaýyshýynyń syry osyn­da dep bilemiz. Qalaıy kilem, qyr­myzy gúl shoqtarymen, nan-tuz, sha­shýmen qar­sy alynǵan qonaqtarǵa aýdan ákimi Amanbek Qaljanov «Hosh kel­di­ńizder» ti­le­gin aıt­ty. Aýdan ardagerleri, óndiris je­tek­shileri, jastar uıymdarynyń belsendileri Kók týymyzdy asqaq jelbiretýde. Anadaı jerde balalar úıiniń aımaqqa aty málim úr­lemeli aspaptar orkestri qurmet qanatyn qalyqtatyp tur. Jarty aıǵa jýyq el aralap, jurt­shy­lyq­qa jaqsy tanys bolyp qalǵan poıyz shtabynyń basshysy Ámirjan Álpeıisov vokzal alańyn jańǵyrtyp, Táýelsizdik tolǵamyn tógiltti. Sózin «bizge júktelgen jaýapkershilik mol» dep aıaqtaǵan resmı qonaq «jumysqa kiriseıikti» ańǵartty. Shynynda, Arqa­nyń shyńyltyr aıazyna qaramastan, ju­mys qaýyrt júrgizildi. Birinshi top­taǵy 21 maman aýdandyq orta­lyq aýrýhanada, balalar men áıelder ke­ńesi ortalyǵynda jáne emhanalarda kúni boıy 200-den astam adamdy qabyldap, kóńildegi kúpti oılaryn seıilte bildi. «Nur Otan» partııasy aýdandyq fılıalynyń ǵımaratynda poıyz múshe­le­ri­men qatar, jergilikti qoǵamdyq kelisim keńe­siniń ókilderi jurtshylyqty jeke máseleleri boıynsha qabyldady. Bul sharaǵa aýdan ákimi A.Qaljanov, apparat bólimderiniń basshylary qatysýy anyq aqparat alýǵa jáne máseleniń jedel qaralýyna yqpal etti. Qabyldaýǵa kelgen 8 kisiniń barlyǵy da jaýaptarǵa qanaǵattanǵandyq bildirse, eki adamnyń turǵyn úı-kommýnaldyq jaǵdaıdy jaq­sartýǵa qatysty tilegi qolma-qol sheshildi. Densaýlyq saqtaý jáne áleýmettik damý mınıstrliginiń mamandaryna júgi­ný­­shiler negizinen zeınetaqy taǵaıyn­daý, áleýmettik kómektiń sıpaty týraly su­raq­tar qoıdy. Qabyldaýǵa jazylǵan 16 adamǵa tıisti keńester berilip, arnaıy da­ıyn­dalǵan aqparattyq kitap­shalar taratyldy. Quqyqtyq máseleler boıyn­sha alty adamnyń suraǵy qanaǵat­tandyrylsa, bıznes ókilderiniń, aýyl sharýa­larynyń múddesi men quqyqtaryn qorǵaý jóninde 50 kisige jan-jaqty keńester berildi. Tústen keıin Bilim jáne ǵylym mı­­nıstr­liginiń, Qazaqstan halqy Assam­b­leıasynyń ókilderi aýdannyń pedagogtyq ujymy­men, mektep túlekterimen jáne jal­py jurtshylyqpen keńeıtilgen máji­lis qurdy. Respýblıkalyq Assam­b­­­- leıa atynan aýdandyq kitaphanaǵa ár­ túrli taqyryptaǵy baspa ónimderi syıǵa tartyldy. Esil balalar úıindegi kezdesý áser­li­li­gimen este qaldy. Qoǵam qaıratkeri Arys­tan Jumaǵalı tárbıelenýshiler qoly­men ja­sa­lǵan buıymdardy aına­lym­ǵa shyǵa­rý úshin ınternet-dúken ashý tý­raly usy­nys jasady. Astanadan kelgen qo­naq­ balalardyń jeke qarjylaı saly­­myn tolyqtyrý úshin 15 000 tegeni Aleksandr Felehınniń «Turǵyn úı jınaq bankindegi» esebine aýdardy. Shaǵyn qaladaǵy №7 Agroteh­nı­­­ka­lyq kol­ledjde 260 adam qa­tys­qan­ kezdesý bol­dy. Shara baǵ­dar­­la­ma­sy sheńberinde «Táýelsiz Qa­zaq­­­­s­tan» poıyzynyń múshe­le­ri el da­mýy­­­­nyń 25 jyldyǵyndaǵy irge­li óz­geris­ter, ishki-syrtqy saıasat, El­ba­­sy­­­nyń «Máńgilik El» jobasy tý­ra­ly tar­tym­dy áńgime qozǵalyp, stý­dent­­terdiń shyǵarmashylyq eńbek­te­ri sarapqa salyndy. Qonaq­tar kol­ledj­­diń materıaldyq-teh­nı­ka­lyq jab­­dyqtalýymen tanysyp, kórkem­óner­pazdar konsertin tamashalady. Memlekettik «Balapan» baǵdar­la­ma­sy­men paıdalanýǵa berilgen «Bolashaq» ba­lalar baqshasyndaǵy, «100 mektep, 100 aýrý­hana» baǵdarlamasymen salyn­ǵan №3 orta mektebindegi, «Nurly jol» baǵ­­d­ar­lamasymen salynyp jatqan qazan­dyq kesheniniń qurylysyndaǵy ıgi ister de Táýel­sizdik merekesi ókilderiniń naza­ry­nan tys qalmady. Keshkisin Mádenıet saraıynda qo­naq­­tar­ǵa arnap merekelik konsert qoıyldy. Esildikter «Táýelsiz Qazaqstan» po­ı­­yz­yn Arqalyq qalasyna sán-sal­ta­nat­pen shyǵaryp saldy. Baqbergen AMALBEK, «Egemen Qazaqstan» Aqmola oblysy, Esil aýdany