Úkimetaralyq keńes otyrysyna qatysýda

Qazaqstan Respýblıkasynyń Premer-Mınıstri Baqytjan Saǵyntaev Máskeýde EAEO-ǵa múshe memleketterdiń Eýrazııalyq úkimetaralyq keńesiniń jumysyna qatysýda, dep habarlady Úkimet basshysynyń baspasóz qyzmeti. Otyrys barysynda EAEO keńistiginde dári-dármek aınalysy salasyn retteıtin qujatqa qol qoıý josparlanýda. Atalǵan qujattyń qabyldanýy dári-dármek naryǵyndaǵy jalpy aınalymdy tıimdi retke keltirip, jumyspen qamtýǵa, kontrafaktilik ónimmen kúresýge, dári-dármekterdiń sapasyn arttyrýǵa jáne olardyń baǵasyn tómendetýge múmkindik beredi. EAEO elderiniń úkimet basshylary otyrysynyń negizgi qaralatyn máselesi – Keden kodeksi jobasyn qabyldaý máselesin talqylaý. Ol uqsas halyqaralyq qujattardy esepke ala otyryp ázirlengen. Otyrysta Izraıl memleketi EAEO-men yntymaqtastyqqa múddeli ekendigin bildirdi. Qazaqstan Prezıdenti Nursultan Nazarbaev bıylǵy jyldy elimizdiń odaqqa tóraǵalyq etýine oraı, Eýra­zı­ıa­lyq ekonomıkalyq odaqtyń úshin­shi eldermen jáne mańyzdy ınte­gra­sııalyq birlestiktermen ekono­mıkalyq qarym-qatynasyn nyǵaıtý jyly retinde jarııalaǵan bolatyn. Kele­si jyly EAEO tóraǵalyǵy Qazaqstannan Qyr­ǵyzstanǵa tabystalady.