Sybaılas jemqorlyq reıtıngi jarııalandy

Sybaılas jemqorlyqqa qarsy Transparency International halyqaralyq uıymy Eýropa men Ortalyq Azııadaǵy memleketterdiń sybaılas jemqorlyq boıynsha reıtıngin jasap, ózderiniń resmı saıtynda jarııalady. Bul reıtıngte Ýkraına birinshi orynda tur. Sonymen qatar sybaılas jemqorlyq beleń alǵan memleketter qataryna Armenııa, Bosnııa, Gersegovına, Lıtva, Moldavııa, Reseı men Serbııa kirdi. Bul memleketter sybaılas jemqorlyqqa qatysty barlyq kórsetkishter boıynsha eń tómen ball jınaǵan. Atap aıtqanda, reıtıng jasaý barysynda sarapshylar depýtattar arasyndaǵy sybaılas jemqorlyq deńgeıin, para alýdyń kórsetkishi men sybaılas jemqorlyqqa qarsy áreketterge keri áser etetin áleýmettik faktorlardy eskergen. Transparency International jarııalaǵan zertteýler boıynsha Ýkraına sybaılas jemqorlyq problemasynyń aldyn alý jospary boıynsha da tómengi oryn alǵan. Zertteý barysynda uıym 42 memlekettiń 60 myń azamattarynan saýalnama alypty. Zertteýshiler anyqtaǵandaı, ortasha eseppen ár altynshy otbasy para beredi eken. Bul kórsetkish Eýropada tómen bolsa, shyǵysta artyp kele jatqany baıqalady. Para berý boıynsha 50 paıyz kórsetkishpen Tájikstan alda tur. Qazaqstanda bul kórsetkish 29 paıyzdy quraıdy.