2007
* 1 qańtarda Elbasy Nursultan Nazarbaevtyń Qazaqstan halqyn jańajyldyq quttyqtaýy «Egemen Qazaqstan» gazetinde jaryq kórdi. Quttyqtaýda: «О́tken jyly elimizde kóptegen mektep, aýrýhana, mádenıet úıleri men basqa da áleýmettik nysandar salyndy. Osy úrdis jalǵasyn tabatyn bolady. El mádenıetin órkendetýge, qazaq tiliniń dárejesin kóterýge naqty qadamdar jasaldy. Meniń Reseı, AQSh, Eýroodaq, Qytaı saparlarynda bolǵanym elimizdiń dúnıe júzindegi mereıin ústem ete tústi», dep jazyldy.
* 11 qańtarda Elbasy Nursultan Nazarbaev «Qazaqstan Respýblıkasynyń lısenzııalaý týraly» Zańyna qol qoıdy.
* 13 qańtarda Prezıdent Nursultan Nazarbaev «Qazaqstan Respýblıkasynyń memlekettik basqarý júıesin jańǵyrtý jónindegi sharalar týraly» Jarlyqqa qol qoıdy.
* 29 qańtarda Qazaqstan Prezıdenti N.Á.Nazarbaev Germanııa Federatıvtik Respýblıkasyna úsh kúndik resmı saparmen bardy. Sapar barysynda Elbasy GFR Kansleri Angela Merkelmen, Býndestag tóraǵasy Norbert Lammertpen, GFR Federaldyq Prezıdenti Hort Kellermen, GFR eks-kansleri Gerhard Shredermen, eks-prezıdenti Rıhard fon Vaıszekermen, Germanııanyń qoǵamdyq-saıası jáne isker toptary ókilderimen kezdesti.
Prezıdent N.Nazarbaevtyń A.Merkelmen kezdesýi kezinde ekijaqty saıası, saýda-ekonomıkalyq, mádenı-gýmanıtarlyq yntymaqtastyqty nyǵaıtýdyń keń aýqymdy máseleleri talqylandy. Sapar aıasynda Berlınde Nursultan Nazarbaevtyń nemis tilindegi «Eýrazııa júreginde» kitabynyń tanystyrylymy bolyp ótip, oǵan Germanııanyń qoǵamdyq-saıası toptar ókilderi, GFR-da «Bolashaq» baǵdarlamasy boıynsha oqyp júrgen qazaqstandyq stýdentter men Qazaqstan-German qoǵamynyń músheleri qatysty.
* 13 aqpanda Prezıdent N.Á.Nazarbaev Astanadaǵy Beıbitshilik jáne kelisim saraıynda úsh jylǵa arnalǵan «Mádenı mura» memlekettik baǵdarlamasyn iske asyrý jónindegi Qoǵamdyq keńestiń qorytyndy otyrysyna qatysyp, baıandama jasady. «Mádenı mura» memlekettik baǵdarlamasynyń ıdeıasy áýel
basta uzaq merzimdik úlken joba retinde kózdelgendikten, ótken úsh jylǵa arnalǵan baǵdarlamany osy jobanyń birinshi kezeńi dep qaraı otyryp, qolǵa alynǵan kóptegen aýqymdy sharalardy ári qaraı jalǵastyrý qajet. О́ıtkeni, osynyń bári úlken istiń bastamasy ǵana. Alda atqarylar sharýalar shash etekten ekenin ózderińiz de jaqsy bilesizder. Osyǵan baılanysty bastaǵan isimizdi júıeli jalǵastyrý maqsatynda Mádenıet jáne aqparat mınıstrligine tıisinshe 2007-2009 jyldarǵa arnalǵan salalyq baǵdarlama jasap, júzege asyrýdy tapsyramyn», – dedi Qazaqstan Prezıdenti.
* 6 naýryzda Elbasy Nursultan Nazarbaev Qazaqstanǵa jumys saparymen kelgen Grýzııa Prezıdenti Mıhaıl Saakashvılımen kezdesti. Kezdesýde eki el arasyndaǵy yntymaqtastyqtyń jandanyp kele jatqany atap ótildi.
* 10 naýryzda Prezıdent Nursultan Nazarbaev resmı saparmen Katar memleketine bardy. Elbasynyń bul sapary osyǵan deıin qol jetkizilgen ekijaqty saýda-ekonomıkalyq, bilim-ǵylym máselelerindegi yntymaqtastyqty odan ári jandandyrýǵa baǵyttaldy. Jyly shyraıly kezdesýler kezinde Nursultan Nazarbaev Katar memleketiniń Ámiri Sheıh Hamad ben Halıfa ál-Tanıdi elimizdiń birinshi dárejeli «Dostyq» ordenimen marapattady.
* 11 naýryzda Elbasy Nursultan Nazarbaevtyń Mysyr Arab Respýblıkasynyń Prezıdenti Hosnı Múbáraktyń shaqyrtýymen osy elge saparmen bardy. Elbasy sapary barysynda Ábý-Sımbel qalasynda tarıhı eskertkishtermen, perǵaýyndar zamanynan qalǵan muramen tanysty. Al Kaırde Egıpet respýblıkasynyń Prezıdenti Hosnı Múbárakpen kezdesti. Kezdesýde Nursultan Nazarbaev Qazaqstannyń bul elge bıdaıdan bólek, metall, hımııa, munaı ónerkásibiniń ónimderin eksporttaýǵa daıyn ekendigin jetkizdi. Kaırde Prezıdent Islam teologııalyq ortalyǵyna baryp, tarıhı oryndardy aralady. Ásirese, Sultan Beıbarystyń meshitine kóńil aýdardy. Nursultan Nazarbaev osy joly Arab memleketteri lıgasynyń Bas hatshysy Ámir Musamen kezdesti.
* 18 naýryzda Prezıdent Nursultan Nazarbaev jumys babyndaǵy saparmen Reseı Federasııasyna keldi. Kremlde eki eldiń basshylary Nursultan Nazarbaev pen Vladımır Pýtın kezdesti. Prezıdentter kezdesý barysyndaǵy áńgimede Qazaqstan men Reseı múshe bolyp tabylatyn TMD, EýrAzEQ, Shanhaı yntymaqtastyq uıymy, Ujymdyq qaýipsizdik sharty uıymy arasynda is-qımyldy tereńdetý jóninde pikir almasty.
* 27 naýryzda elimizge Polsha Respýblıkasynyń Prezıdenti Leh Kachynskı resmı saparmen keldi. Elbasy Nursultan Nazarbaev pen Leh Kachynskıdiń kezdesýi nátıjesinde Birlesken málimdeme qabyldandy jáne ekijaqty 4 qujatqa qol qoıyldy.
* 11 sáýirde Elbasy Nursultan Nazarbaev EQYU-nyń tóraǵasy – Ispanııa Koroldiginiń Syrtqy ister mınıstri Mıgel Anhel Moratınosty qabyldady.
* 19 sáýirde Almatyda altynshy ret ótkizilgen Eýrazııalyq medıa-forým óz jumysyn bastady. Forýmnyń ashylýyna Elbasy Nursultan Nazarbaev qatysyp, sóz sóıledi.
* 26 sáýirde Qazaqstan Prezıdenti Nursultan Nazarbaev Qyrǵyzstanda resmı saparmen boldy. Eki el prezıdentteriniń kezdesýi nátıjesinde Birlesken málimdemege qol qoıyldy. Málimdemede taraptardyń búkil qarym-qatynasynyń sıpaty, tereń mazmuny kórinis tapty.
* 10 mamyrda Reseı Federasııasynyń Prezıdenti Vladımır Pýtın resmı saparmen elimizge keldi. Qazaqstan men Reseı basshylary shaǵyn jáne keńeıtilgen quramda kezdesýler ótkizdi. Sonyń barysynda ǵaryshty birlese ıgerý, otyn-energetıka kesheni, ıadrolyq energetıka, kólik salalarynda eki eldiń ózara ekijaqty is-qımyly jáne yntymaqtastyǵy máseleleri talqylandy. Kezdesý qorytyndysynda asa mańyzdy birneshe qujatqa qol qoıyldy. Bul týraly «Egemen Qazaqstan» gazetiniń 11 mamyr kúngi nómirinde «Qazaqstan-Reseı: áriptestik strategııasy aıqyndaldy» taqyrybymen maqala jarııalandy.
* 12 mamyrda Túrikmenstannyń Túrikmenbashy qalasynda Qazaqstan, Reseı jáne Túrikmenstan elderi basshylarynyń úshjaqty sammıti ótti. Sammıt jumysy gaz tasymalyna baılanysty boldy. Basqosý barysynda Elbasy Nursultan Nazarbaev pen Túrikmenstan Prezıdenti Gýrbangýly Berdymuhammedov ekijaqty kezdesý ótkizdi.
