Meshitterdiń ishki tártip erejesi bekitildi

Keshe Almatyda Ǵulamalar keńesiniń májilisinde Qazaqstan musylmandary dinı basqarmasy meshitteriniń ishki tártip erejesi talqylanyp, bir aýyzdan bekitildi. Onyń mátinimen Qazaqstan musylmandary dinı basqarmasy meshit isteri bóliminiń meńgerýshisi Jándillá Bekjigitov jáne Dinı bilim jáne ǵylym bóliminiń meńgerýshisi Baqtybaı Beısenbaev tanystyrdy. Erejede meshitte jasaýǵa tyıym salynǵan áreketter, Alla úıine kelýshiniń negizgi quqyqtary men mindetteri jeke bólim retinde qamtylǵan. Sonymen birge, QMDB meshitteriniń ishki tártip erejesi din qyzmetkerleri men meshitke kelýshilerge baılanysty basqa da máselelerdi qadaǵalaıdy. «Bul – Qazaqstan musylmandary dinı basqarmasy meshitteriniń ishki tártip erejelerin anyqtaıtyn negizgi normatıvti akt. Ereje Qazaqstan Respýblıkasynyń «Dinı qyzmet pen dinı birlestikter týraly» Zańyna, Qazaqstan Respýblıkasynyń qoldanystaǵy basqa da zańnamalarynyń normalaryna, ınstrýktıvti qujattaryna jáne eńbekti uıymdastyrý salasyndaǵy normatıvtik aktilerge, sonymen qatar QMDB Jarǵysyna sáıkes daıyndaldy. Meshitke kelýshi ár adamnyń negizgi quqyqtary men mindetterin anyqtaýdy, dinı senim bostandyǵy quqyǵyn qorǵaýdy, sondaı-aq dinı qyzmetke baılanysty basqa da máselelerdi retteýdi, halyqtyń mádenıeti men rýhanı ómirin damytýda hanafı mazhabynyń tarıhı rólin moıyndaýdy, Qazaqstan Respýblıkasyndaǵy konfessııaaralyq kelisimniń, dinı tózimdiliktiń jáne azamattardyń dinı nanymdaryn qurmetteýdi negizge alady», – delingen erejede. Láıla EDILQYZY, «Egemen Qazaqstan»