• 18 Qarasha, 2016

SQO-da 188 joba maquldandy

318 ret

kórsetildi

1 mın

oqý úshin

Egemen Qazaqstan

8bbfc3696c6f426d8a50fa2b40a4f83f_resize_w_520_h_

«Damý» qory» AQ Soltústik Qazaqstan aımaqtyq fılıalynyń uıymdastyrýymen «Bıznestiń jol kartasy 2020» jáne О́ńdeý ónerkásibi salasyndaǵy shaǵyn jáne orta kásip sýbektilerin nesıeleý baǵdarlamasyna qatysýshy kásiporyndarǵa press-týr ótti, dep habarlaıdy Baq.kz.

Soltústik Qazaqstan oblysynda jyl basynan beri «Bıznestiń jol kartasy 2020» baǵdarlamasy aıasynda memlekettik sýbsıdııa alý boıynsha jalpy somasy 13 mıllıard teńgeniń 188 jobasy maquldandy.

Osy jyldyń 10 aıynda kásipkerlerge 0,75 mlrd. teńge mólsherinde qaıtarymsyz qarjy, ıaǵnı sýbsıdııa berildi. Oblys boıynsha jyl basynan beri «Damý» qory nesıelik portfeli shamamen 1.9 mıllard teńge bolatyn 39 kepildeme berdi. Al, berilgen kepil qarjynyń kólemi 0,8 mıllıard teńge. «Damý» qory Kásipkerlerge qyzmet kórsetý ortalyǵynyń keńesshileri jyl basynan beri jańa bastaǵan jáne burynnan jumys istep kele jatqan kásipkerlerge «BJK 2020» baǵdarlamasy, basqa da kásipkerlikti qoldaýdyń memlekettik ınstrýmentteri, qarjylandyrý kózderi, marketıng, bıznesti josparlaý men zańgerlik jáne býhgalterlik máseleler boıynsha 3 jarym myńnan astam konsýltasııa ótkizdi. Press-týrge jınalǵandar «Bıznestiń jol kartasy 2020» baǵdarlamasynyń memlekettik sýbsıdııa, «Damý» qorynyń kepildemesin alý jáne Ulttyq qordan 6% jyldyq mólsherlememen О́ńdeý ónerkásibi salasyndaǵy shaǵyn jáne orta kásip sýbektilerin nesıeleý baǵytyna qatysýshy kompanııalardy aralady.