Fýtboldan "Astana" men "Qaırat" komandalary arasynda qazir ǵana aıaqtalǵan Qazaqstan kýboginiń fınaldyq matchy qar basyp qalǵan alańda ótti. Qardyń tolassyz jaýǵanyna qaramastan, kezdesý sońyna deıin oınaldy. Appaq qar basqan alańda komandalardyń biri appaq formamen oınady. "Bul hokkeıge uqsas match boldy" dedi oıynnyń kommentatory.
Bir aıta keterligi, birinshi taım aıaqtalǵan kezdegi úziliste arnaıy tehnıka qardy kúreý jumystaryn júrgizdi. Biraq ýaqyt tapshy bolǵandyqtan, tek "Astana" komandasynyń aıyp alańyn tazalap úlgerdi. Qarsy komandanyń da alańyn tazalaýdy suraǵan Stanımır Stoılov pen elordalyq klýb fýtbolshylarynyń ótinishi qabyl bolmady.
Ekinshi taım on bes mınýtqa keshigip bastalyp, bar bolǵany birneshe mınýtta "Astana" komandasy esep ashty. Kezdesý 1-0 esebimen aıaqtalyp, kýbokti "Astana" komandasy ıelendi.
