Islamhan – Qazaqstan chempıonatynyń úzdik fýtbolshysy

Almatynyń «Qaırat» fýtbol komandasy men Qazaqstan ulttyq quramasynyń jartylaı qorǵaýshysy Baýyrjan Islamhan 2016 jylǵy Qazaqstan chempıonatynyń úzdik fýtbolshysy atandy, dep jazdy sports.kz Úzdik fýtbolshy premer-lıga komandalarynyń bas jattyqtyrýshylary men fýtbolshylary arasynda júrgizilgen saýalnama arqyly anyqtaldy. «Qaırattyń» kapıtany maýsym boıy jaqsy oıyn kórsetti. El chempıonatynda ol 17 gol soǵyp, komandalastaryna 9 nátıjeli pas shyǵyryp berdi. Qazaqstan ulttyq quramasynyń kóshbasshylarynyń biri. 23 jasar fýtbolshy saýalnama qorytyndysy boıynsha 106 upaı jınap, chempıonattyń úzdik oıynshysy atandy. Ekinshi oryndy ıelengen «Qaırattyń» reseılik legıoneri Andreı Arshavın el chempıonatynda 8 gol men 7 nátıjeli pastyń avtory atandy. Ol 96 upaı jınady. Úzdik úshtikti pavlodarlyq «Ertistiń» 23 jasar shabýylshysy Roman Mýrtazaev túıindeıdi. Onyń komandasy da el chempıonatynda qola júldege qol jetkizgenin aıta ketý kerek. Premer-lıgada 18 gol soqqan Roman bıyl ulttyq qurama sapynda alǵash ret alańǵa shyqty. Saýalnama qorytyndysy boıynsha ol 60 upaı jınady.