Nyǵmatýlın Chehııa Syrtqy ister mınıstrimen kezdesti

Búgin Parlamentte Májilis tóraǵasy Nurlan Nyǵmatýlın Chehııa Respýblıkasynyń Syrtqy Ister Mınıstri Lıýbomır Zaoralekpen kezdesti. Májilis Spıkeriniń aıtýynsha Qazaqstan Táýelsizdiginiń 25 jyldyǵy qarsańynda ótip jatqanyn mártebeli meımanmen kezdesý osy ýaqytqa deıin qol jetkizilgen ekijaqty qarym-qatynastyń joǵary deńgeıin qoldaýǵa múddeliliktiń belgisi jáne qos el Prezıdentteriniń kelisimderin is júzinde júzege asyrý bolyp tabylady. Taraptar dıplomatııalyq qatynas ornaǵan 23 jyl ishindegi jetistikterdi odan ári nyǵaıtý kerektigin sóz ete kelip, basym baǵyttar qatarynda aýylsharýashylyǵy, mashınaqurylysy, energetıka, týrızm salalaryna basa nazar aýdardy. N.Nyǵmatýlın atap ótkendeı, chehııalyq taraptyń «EKSPO - 2017» kórmesine qatysýy «jasyl tehnologııa» salasynda ınnovasııalyq jetistikter boıynsha tájirıbe almasýǵa zor múmkindik beredi. О́z kezeginde Mınıstr myrza saýda-ekonomıkalyq, mádenı- gýmanıtarlyq, halyqaralyq yntymaqtastyqty kúsheıtý jaıyn sóz etti. Osy oraıda Qazaqstan Prezıdenti Nursultan Nazarbaevtyń BUU aıasynda halyqaralyq terrorızm men ekstremızmge qarsy is-qımyldyń biryńǵaı álemdik jelisin qurý bastamasy asa mańyzdy bolmaq. Osy rette taraptar parlamenttik baılanystyń mańyzdylyǵyna erekshe kóńil bóldi. Parlamentaralyq baılanystardy odan ári nyǵaıtý maqsatynda Májilis Tóraǵasy Nurlan Nyǵmatýlın Chehııa Parlament depýtattary palatasynyń tóraǵasy Iаn Gamachekke Qazaqstanǵa resmı saparmen kelý shaqyrýyn joldady.