Jaramsyz kólikter qabyldaıtyn jyljymaly pýnkter ashylady

О́ndirýshilerdiń (ımporttaýshylardyń) keńeıtilgen mindettemeleri (О́KM) operatorlary QR Energetıka mınıstrligi jáne jergilikti atqarý organdarymen birge qoldanystan shyqqan kólik quraldaryn (QShKQ) qabyldaýdyń jyljymaly pýnktterin ashady, - dep habarlaıdy Tengrinews.kz. Qamtý aýmaǵyn keńeıtý maqsatynda jyljymaly pýnkter oblys ortalyqtarynan shalǵaı qalashyqtar men aýdandarda jumys isteıtin bolady. 2016 jyldyń 27 qarashasynan mıkroavtobýs pen evokýator eldi mekenderdi aralap, eski kólikterdi qabyldaıtyn bolady. Qazir turǵyndar sany 100 myńnan asatyn segiz eldi meken anyqtaldy. Naýqan ótkizýdiń aldyn ala tizimine engen eldi mekender tizimi: Almaty oblysynyń Uzynaǵash aýdandyq ortalyǵy, Ońtústik Qazaqstan oblysyndaǵy Túrkistan qalasy jáne Jetisaı aýdan ortalyǵy, Qaraǵandy oblysynyń Balqash, Jezqazǵan qalalary, ShQO-daǵy Shemonaıha aýdan ortalyǵy, Qostanaı oblysyndaǵy Rýdnyı qalasy jáne Pavlodar oblysyndaǵy Ekibastuz qalasy. Jergilikti atqarý organdar men О́KM operatorlary arqyly baǵa qalyptastyrylady. Jyljymaly pýnkte qoldanystan shyqqan kólikterdiń qujatyn qabyldaý "bir tereze" qaǵıdaty boıynsha júredi. Iаǵnı, mamandar sol jerde kólik qunyn anyqtap, kelisimshart jasasady. "Aýyldyq okrýgterden de jappaı ótinish qabyldaý múmkindigi de qarastyrylýda. 100 asa eski kólik jınalǵan jaǵdaıda mobıldi top atalǵan eldi mekenge barady", - dedi О́KM operatorlarynyń baspasóz qyzmetiniń ókilderi. Sonymen qatar, uıymdastyrýshylar "Eskini ótkiz de, kólik utyp al" konkýrsyn ótkizýdi josparlap otyr. Uıymdastyrýshylardyń aıtýynsha, baǵdarlamaǵa qatysýshy jeke jáne zańdy tulǵamen kelisimshart jasalady, osy kelisimshart nómiri boıynsha júldeler oınatylady. Konkýrsqa QR árbir oblysyndaǵy 17 jınaý pýnktinde qol qoıylǵan kelisimsharttyń barlyǵy qatysady. Jeńimpaz kezdeısoq nómirdi tańdaý jolymen anyqtalady. Naýqan sharttary auto.recycle.kz saıtynda ornalastyrylady.