"Qazaqkonsert" Mılan men Rımde konsert berdi

Mılan men Rımde Qazaqstannyń Italııadaǵy elshiliginiń qoldaýymen Qazaqstan Respýblıkasy Táýelsizdiginiń 25 jyldyǵyna arnalǵan «Qazaqkonsert» Memlekettik konsert uıymynyń ártisteri men shyǵarmashylyq ujymdarynyń gastroli bolyp ótti. Qazaqstan óner sheber­leriniń qatysýymen konsertter Italııanyń Mılan­daǵy «Pıkollo teatro», Rımdegi «Santa Chechılııa» akademııasy sekildi ataqty konsert zaldarynda uıym­dastyryldy. Konsertterdiń baǵdar­lamalary qazaqtyń dástúrli mýzyka mádenıetiniń kóp­qyrlylyǵy men baıly­ǵy­nyń jarqyn kórini­sine aınaldy. «Uly Da­la áýenderi» prology ózin­dik oı-órnegi bar túr­ki dúnıesiniń aýa­nyn qalyptastyrdy. «Qazaq­konserttiń» fol­klorlyq-etno­grafııalyq an­sambliniń «Arlan» ulttyq kostıým teatrynyń akter-batyrlarymen birlesip oryndaǵan qazaqtyń halyq mýzykasy kórermenderdi qazaq halqynyń ejelgi tarıhyna qaraı jetelegendeı boldy. Konsertti Úkimet mú­sheleri, depýtattar, Mı­lan men Rım qalalary me­­rııa­larynyń ókilderi, ýnı­versıtetterdiń pro­fes­­­sorlyq-oqytý­shy­lar qu­­­ramy, stýdentter men oqýshylar, Italııadaǵy qa­zaq dıasporasy, sondaı-aq, shetel dıplomatııalyq mıs­sııalarynyń ókilderi men jýrnalıster tamashalady. Konserttik baǵdar­lamaǵa qazaq dástúrli án óne­riniń jarqyn ókili Er­lan Rysqalı, «Sholpan» bı ansambli, ánshi Ásel Qarsybaeva jáne basqalar qatysty. Italııalyq kórer­mender, sondaı-aq, Aıan Omarov, Anar Muzdahanova, Áıgerim Qojabaeva jáne Mıra Tastenova sekildi belgili ónerpazdardyń oryn­­­daýynda qazaqtyń dombyra, qylqobyz, jetigen, saz­syrnaı sııaqty halyq aspaptarynyń únin estýge múmkindik aldy. О́ziniń ónerlerin, sonymen qatar, akademııalyq baǵyttaǵy ánshilerdiń aıtýly ókilderi Áıgerim Altynbek pen Qazaqstan Respýblıkasynyń eńbek sińirgen qaıratkeri Azamat Jyltyrkózov ortaǵa saldy. Olar tek qazaq kom­po­zıtorlarynyń shyǵar­malaryn ǵana oryndap qoımaı, Italııa opera klas­­sıkasynyń repertýarla­rynan shedevrlerdi de kórer­mender nazaryna usyndy.   «Egemen-aqparat»