Chehııamen baılanys nyǵaıa túsedi

Keshe Qazaqstan Respýblıkasynyń Syrtqy ister mınıstri Erlan Ydyrysov Qazaqstanǵa resmı saparmen kelgen Cheh Respýblıkasynyń Syrtqy ister mınıstri Lıýbomır Zaoralekpen kezdesip, kelissóz júrgizdi, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti. Syrtqy saıasat vedomstvo­lary­nyń basshylary mashına jasaý, energetıka, «jasyl ekono­mıka», aýyl sharýashylyǵy, ás­kerı-óner­kásiptik keshen, bilim berý, densaýlyq saqtaý jáne týrızm sala­laryndaǵy kókeıkesti máseleler men ekijaqty ynty­maq­­tastyq­tyń perspektıvalaryn qaras­tyrdy. Sondaı-aq, Qa­zaqstan – Eý­ropalyq odaq jáne Eýra­zııalyq eko­nomıkalyq odaq – Eýro­palyq odaq jelileri boıynsha ózara árekettestik jaıyn sóz etti. Kelissóz barysynda E.Ydy­ry­sov Chehııanyń saýda-eko­no­mı­kalyq jáne ınvestısııalyq salalarda aıtarlyqtaı áleýetke ıe el ekenin aıta kelip, Qazaqstannyń senimdi seriktesi ári Eýropalyq odaqtyń mańyzdy múshesi ekenin atap kórsetti. Ol Qazaqstannyń ın­vestısııalyq ahýalynyń oń­­taı­lylyǵy jóninde áńgime qoz­ǵap, osy kúnderi Astana men Alma­­tyda ótip jatqan Qazaqstan-Chehııa bıznes-forýmyna Chehııa­nyń otyz­dan astam isker top­tary­nyń ókil­deri qatysyp jatqanyna rızashy­lyǵyn bildirdi. «Eki el isker toptarynyń ara­syndaǵy tikeleı únqatysýlar men áriptestikke belsendi yqpal etý biz­diń birlesken jumysymyzdyń negi­zi bolýy tıis», dedi óziniń sózinde E.Ydyrysov. Sondaı-aq, ol Che­hııanyń qazaqstandyq týrıster men stýdentter arasynda asa tartymdy baǵyttardyń biri bolyp otyrǵanyn atap ótti. Qazirgi kezde Chehııanyń joǵary oqý oryndarynda 2 myńnan astam qazaqstandyq bilim alyp jatsa, jyl saıyn Cheh Respýblıkasyna shamamen 100 myńdaı qazaqstandyq týrıst barady eken. О́z kezeginde, L.Zaoralek Qa­zaqstandy Táýelsizdiginiń 25 jyl­dyǵymen quttyqtaı kelip, el­diń osy az ǵana ýaqytta tamasha tabystarǵa qol jetkizgenin atap kórsetti. Sonymen qatar, ol Che­hııanyń Qazaqstan men EO ara­syn­daǵy Keńeıtilgen áriptestik jáne yntymaqtastyq týraly kelisimdi ratıfıkasııalaǵan Eýropalyq odaqtaǵy tórtinshi el bolǵanyn kóldeneń tartty jáne óz eliniń Qazaqstannyń kandıdatýrasyn 2017-2018 jyldardaǵy BUU Qaýip­sizdik Keńesiniń quramyna saılaýda qoldaý kórsetkenin aıtty. Sony­men birge, Chehııanyń Astanada óte­tin EKSPO-2017 halyqaralyq maman­dandyrylǵan kórmesine alǵash ret qatysatynyn jarııa etti. Taraptar, sondaı-aq, parlament­aralyq jáne óńiraralyq yntymaq­tastyqty ári qaraı damytýdyń mańyzdy ekenine nazar aýdara kelip, eki el arasyndaǵy mádenı-gý­ma­nı­tarlyq baılanystardy jan­dan­dyra túsýdiń mańyzy da aıtar­lyqtaı zor ekenimen kelisti. Kelissóz qorytyndylary boıynsha, Qazaqstan Respýblıkasynyń Pre­zıdenti janyndaǵy Mem­le­ket­tik basqarý akademııasy men Cheh Res­pýb­lıkasy Syrtqy ister mı­­nıstr­ligi janyndaǵy Dıploma­tııa­lyq akademııa arasynda Yn­ty­maq­tastyq týraly memorandýmǵa qol qoıyldy.