Pavlodar oblysynda 350 jobaǵa 4,2 mlrd teńge bólingen

2016 jyly Pavlodar oblysynda «Jumyspen qamtýdyń 2020 jol kartasy» (budan ári - «JQJK 2020») baǵdarlamasynyń jumyspen qamtýdy ınfraqurylymdy jáne turmystyq-kommýnaldyq sharýashylyqty damytý arqyly qarastyratyn birinshi baǵytyn iske asyrýǵa respýblıkalyq bıýdjetten 4,2 mlrd. teńge bólindi. Osy qarajat esebinen 350 jobany iske asyrý, onyń ishinde 345 ınfraqurylymdyq nysannyń jáne 5 dárigerlik ambýlatorııanyń qurylysy josparlanǵan. Bul týrady QR Densaýlyq saqtaý jáne áleýmettik damý mınıstrliginiń baspasóz qyzmeti habarlady. Jóndeletin ǵımarattardyń 91-i - bilim berý, 40 – mádenıet, 34 – densaýlyq saqtaý nysandaryn, 34 – kólik ınfraqurylymyn, 23 – áleýmettik qorǵaý, 21 – sport nysandaryn, 16 – kommýnaldyq – ınjenerlik ınfraqurylymyn jáne 86-si abattandyrý jáne kógaldandyrý jumystaryn qamtıdi. Búgingi kúni barlyq jobalar iske asyrylýda, 2366 adam jumysqa turdy, olardyń 1243-i «JQJK 2020» baǵdarlamasyna qatysýshylar. 2015 jyly «JQJK 2020» baǵdarlamasynyń birinshi baǵytyn iske asyrýǵa 13,7 mlrd. teńge bólingenin, jalpy respýblıka boıynsha 588 ınfraqurylymdyq jobalar júzege asyrylyp, 8,6 myń adam jumysqa ornalastyrylǵanyn esterińizge salamyz. 2016 jyly «JQJK 2020» baǵdarlamasynyń birinshi baǵytyn iske asyrýǵa 80,1 mlrd. teńge bólindi. Bul qarajat jobalardyń sany eskerile otyryp, jergilikti atqarýshy organdardyń tapsyrystary negizinde óńirler arasynda bólinedi.